ਅਾਸ਼ਿਕ ਅਤੇ ਫੁੱਲ 'ਹੁਣ' ਵਿੱਚ ਜਿਊਂਦੇ ਹਨ ! ਅਾਉਣ ਵਾਲੇ ਸਮੇਂ ਦੀ ਉਹਨਾਂ ਨੂੰ ਬਹੁਤੀ ਫਿਕਰ ਨਹੀਂ ਹੁੰਦੀ | ਅਾਸ਼ਿਕਾਂ ਅਤੇ ਫੁੱਲਾਂ ਦਾ ਜੀਵਨ ਇੱਕੋ ਜਿਹਾ ਹੁੰਦਾ ਹੈ, ਬੇਪਰਵਾਹ ਹੁੰਦੇ ਨੇ ਏਹ ! ਅਾਸ਼ਿਕ ਦਾ ਕੰਮ ਪਿਅਾਰ ਕਰਨਾ ਅਤੇ ਫੁੱਲਾਂ ਦਾ ਕੰਮ ਮਹਿਕਣਾ । ਇਹ ਅਾਪਣਾ ਕੰਮ ਬਾਖ਼ੂਬੀ ਕਰਦੇ ਹਨ | ਪਿਅਾਰ ਕਰਨਾ ਅਤੇ ਮਹਿਕਣਾ ਇਹਨਾਂ ਦੇ ਸੁਭਾਅ ਵਿੱਚ ਹੁੰਦਾ ਹੈ , ਇਹਨਾਂ ਦਾ ਧਰਮ ਹੁੰਦਾ ਹੈ । ਅਾਸ਼ਿਕ ਨੂੰ ਕੋਈ ਪਰਵਾਹ ਨਹੀਂ ਹੁੰਦੀ ਕਿ ਕੋਈ ਉਸਨੂੰ ਪਿਅਾਰ ਕਰਦਾ ਹੈ ਜਾਂ ਨਹੀਂ ਪਰ ਉਹ ਕਰਦਾ ਰਹਿੰਦਾ ਹੈ । ਹਰ ਇੱਕ ਨੂੰ ਕਰਦਾ ਹੈ, ਕਿਉਂਕਿ ਉਹ ਪੈਦਾ ਹੀ ਪਿਅਾਰ ਕਰਨ ਲਈ ਹੁੰਦੇ ਨੇ ! ਮਹਿਕਾਂ ਵੰਡਦੇ ਨੇ !
ਇਹਨਾਂ ਦੀ ਬਾਹਲੀ ਲੰਮੀ-ਚੌੜ੍ਹੀ ਗਾਥਾ ਨਹੀਂ ਹੁੰਦੀ । ਪਿਅਾਰ ਕਰਦੇ ਨੇ ਤੇ ਚਲੇ ਜਾਂਦੇ ਨੇ, ਮਹਿਕਦੇ ਨੇ ਤੇ ਹਵਾ ਚ ਫੈਲ ਜਾਂਦੇ ਨੇ |
ਅਾਸ਼ਿਕ ਲਈ ਪਿਅਾਰ ਅਤੇ ਫੁੱਲ ਲਈ ਮਹਿਕ ਹੀ ਉਸਦਾ ਜੀਵਨ ਹੈ, ਉਸਦਾ ਧਰਮ ਹੈ ।
ਕਿਉਂਕਿ ਉਹ “ਹੁਣ” 'ਚ ਜਿਊਂਦੇ ਨੇ ਅਤੇ “ਹੁਣ” ਤੋਂ ਵੱਡਾ ਯੁੱਗ ਕੋਈ ਨਹੀਂ ~