ਰੱਬ ਨੂੰ ਝੁਡੂ ਸਮਝਨਾ ਬੰਦ ਕਰੋ |
ਜਦੋਂ ਅਸੀਂ ਅਰਦਾਸ ਕਰਦੇ ਆਂ ਤਾਂ ਅਸੀਂ ਰੱਬ ਨੂੰ ਝੁਡੂ ਸਮਝਦੇ ਆਂ | ਓਹ ਇਸ ਤਰਾਂ ਕੇ ਅਸੀਂ ਜਾਣਦੇ ਹਾਂ ਰੱਬ ਜੋ ਕਰਦਾ ਚੰਗੇ ਲਈ ਕਰਦਾ ਅਤੇ ਓਸ ਨੇ ਸਾਡੇ ਲਈ ਸਬ ਕੁਛ ਪਹਿਲਾਂ ਤੋਂ ਲਿਖਿਆ ਹੁੰਦਾ | ਸੋ ਅਰਦਾਸ ਕਰਣ ਦਾ ਮਤਲਬ ਹੈ ਰੱਬ ਨੂੰ ਮਸ਼ਵਰਾ ਦੇਣਾ ਤੇ ਅਰਜ਼ ਕਰਨਾ ਕੇ ਓਹ ਜੋ ਕਰ ਰਿਹਾ ਠੀਕ ਨਹੀਂ | ਇਥੇ ਅਰਦਾਸੀ ਆਪਣੇ ਆਪ ਨੂੰ ਰੱਬ ਨਾਲੋਂ ਸਿਆਣਾ ਸਮਝਦਾ ਅਤੇ ਰੱਬ ਨੂੰ ਓਸ ਦੀ ਲਿਖੀ ਵਿਚ ਸੋਧ ਕਰਣ ਨੂੰ ਕਹਿੰਦਾ |
ਵੈਸੇ ਵੀ ਰੱਬ ਨੈਤਿਕ ਅਤੇ ਕਾਨੂਨੀ ਕਾਰਣਾਂ ਕਰਕੇ ਤੁਹਾਡੀਆਂ ਅਰਦਾਸਾਂ ਪੂਰੀਆਂ ਨਹੀਂ ਕਰ ਸਕਦਾ | ਓਸ ਲਈ ਮੇਰੇ ਕੋਲ ਇਕ ਉਧਾਰਣ ਹੈ; ਮੰਨ ਲਓ ਤੁਸੀਂ 1 ਲਖ ਦੀ ਪ੍ਰਾਪਤੀ ਦੀ ਅਰਦਾਸ ਕਰਦੇ ਹੋ | ਹੁਣ ਜੇ ਰੱਬ ਤੁਹਾਡੀ ਅਰਦਾਸ ਪੂਰੀ ਕਰਦਾ ਹੈ ਤਾਂ ਓਹ ਕਿਸੇ ਵੇਹਲੜ ਨੂੰ ਪੈਸੇ ਦੇਵੇਗਾ ਜਿਸ ਨੇ ਸਿਰਫ 5 ਮਿੰਟ ਅਖਾਂ ਮੀਟ ਕੇ ਸਿਰਫ ਤਰਲਾ ਮਾਰਿਆ ਹੈ, ਕਿਸੇ ਦਾ ਕੰਮ ਨਹੀਂ ਸਾਰਿਆ |
ਇਹ ਸੀ ਨੈਤਿਕ ਕਾਰਣ, ਹੁਣ ਪੇਸ਼ ਹੈ ਕਾਨੂਨੀ ਕਾਰਣ | ਸਾਨੂੰ ਪਤਾ ਹੈ ਕੇ ਪਾਕਿਸਤਾਨ ਤੋਂ ਜੋ ਜਾਅਲੀ ਕਰੰਸੀ ਆਉਂਦੀ ਹੈ, ਓਹ ਦੇਸ਼ ਦੀ ਅਰਥਵਿਵਸਥਾ ਨੂੰ ਕਮਜ਼ੋਰ ਕਰਦੀ ਹੈ, ਸੋ ਜੇ ਰੱਬ ਤੁਹਾਨੂੰ ਕੋਈ ਮਾਯਾਵੀ ਮਾਇਆ ਦਿੰਦਾ ਹੈ ਤਾਂ ਓਹ ਜਾਲੀ ਹੋਵੇਗੀ | ਜੇ ਓਹ RBI (ਬੈੰਕ) ਦੀ ਜਾਣਕਾਰੀ ਤੋਂ ਬਗੈਰ ਨਵੀ ਅਸਲੀ ਕਰੰਸੀ ਜਾਰੀ ਕਰਦਾ ਹੈ, ਤਾਂ ਓਦੋਂ ਵੀ ਰੁਪਿਆ ਦੀ ਕੀਮਤ ਨੂੰ ਕਮਜ਼ੋਰ ਕਰ ਰਿਹਾ ਹੋਵੇਗਾ | ਜੇ ਓਹ ਕਿਸੇ ਹੋਰ ਦੇ ਖਾਤੇ ਚੋਂ ਤੁਹਾਨੂੰ 1 ਲਖ ਟ੍ਰਾੰਸਫਾਰ ਕਰਦਾ ਹੈ, ਤਾਂ ਇਹ ਧੋਖਾਧੜੀ ਹੈ |
ਓਸ ਅੰਤਰਯਾਮੀ ਪਰਵਤੇਗਾਰ ਦੀ ਰਜ਼ਾ ਵਿਚ ਰਹ ਬੰਦਿਆ, ਕਿਉਂ ਫੜਫੜਾਉਂਨਾ? ਚਾਰ ਦਿਨ ਜ਼ਿੰਦਗੀ ਕਟ ਜਾ ਔਖੇ-ਸੌਖੇ, ਫਿਰ ਮੌਜਾਂ ਜੀ ਮੌਜਾਂ ਹਾਣੀਆ !
|