ਕੇਸ ਮ੍ਰਿਤਕਾਂ ਦੇ ਵਾਰਸਾਂ ਛਡਿਆ ਨਹੀਂ ,
ਆਖਿਰ ਸੁਣੀ ਗਈ ਚੀਕ ਪੁਕਾਰ ਬੇਲੀ|
ਜਿਹੜੇ ਕਾਗਜ਼ ਨਾ ਅਜੇ ਤੱਕ ਲਭਦੇ ਸੀ,
ਆ ਗਾਏ ਹੁਣ ਉਹ ਸਾਥ ਵਿਚਕਾਰ ਬੇਲੀ|
੧
ਕਦੇ ਤਾਇਆ ਤੇ ਕਦੇ ਭਤੀਜ ਬੋਲੇ,
ਕਦੀ ਬਾਦਲ ਦੇ ਬੋਲਦੇ ਯਾਰ ਬੇਲੀ|
ਕਈ ਯਾਰਾਂ ਨੂੰ ਮੌਕਾ ਮਸਾਂ ਲੱਭਾ ,
ਪਤਾ ਵੇਖ ਕੇ ਬਾਦਲ ਪਰਿਵਾਰ ਬੇਲੀ|
ਕਈ ਅੰਦਰੋਂ ਲਾਈ ਹਨ ਘਾਤ ਬੈਠੇ,
ਉਤੋਂ ਸਾਂਝ ਦਾ ਕਰਨ ਵਿਹਾਰ ਬੇਲੀ|
ਅਜੇ ਤੀਕ ਨਾ ਬੁੱਕਲ ਦੇ ਸੱਪ ਬੋਲੇ ,
ਬੈਠੇ ਹਨ ਗੁਛੀਆਂ ਮਾਰ ਬੇਲੀ|
ਸਾਊਪੁਣੇ ਵਿਚ ਕਰੀ ਹੁਣ ਹੱਦ ਜਾਵੇ,
ਵੱਡੇ ਬਾਦਲ ਦਾ ਲਾਡਲਾ ਲਾਲ ਬੇਲੀ|
ਦੇਂਦਾ ਨਹੀਂ ਸੀ ਹੁੰਦਾ ਜਵਾਬ ਪਹਿਲਾਂ ,
ਕਹੇ ਆਪ ਹੁਣ ਸਾਸਰੀ-ਕਾਲ ਬੇਲੀ|
੨
ਕਦੇ ਦਿੱਲੀ ਵਿਚ ਹੁੰਦੀ ਸੀ ਟੌਹਰ ਜੀਹਦੀ,
ਫਸਿਆ ਫਿਰੇ ਉਹ ਸਜਣ ਕੁਮਾਰ ਬੇਲੀ|
ਸਿਖ ਦੰਗਿਆਂ ਵਿਚ ਮਰਵਾਏ ਓਹਨੇ,
ਬੇੜੀ ਡੁੱਬੂ ਹੁਣ ਪਾਪਾਂ ਦੇ ਭਾਰ ਬੇਲੀ|
ਕੇਸ ਮ੍ਰਿਤਕਾਂ ਦੇ ਵਾਰਸਾਂ ਛਡਿਆ ਨਹੀਂ ,
ਆਖਿਰ ਸੁਣੀ ਗਈ ਚੀਕ ਪੁਕਾਰ ਬੇਲੀ|
ਜਿਹੜੇ ਕਾਗਜ਼ ਨਾ ਅਜੇ ਤੱਕ ਲਭਦੇ ਸੀ,
ਆ ਗਏ ਹੁਣ ਉਹ ਸਾਥ ਵਿਚਕਾਰ ਬੇਲੀ|
ਜੀਹਦੀ ਸਜਣ ਦੇ ਨਾਲ ਹੈ ਹੋਣ ਲੱਗੀ ,
ਚੰਦੂ ਨਾਲ ਵੀ ਉਹ ਨਹੀਂ ਹੋਈ ਹੋਣੀ |
ਬੂਹੇ ਹੋਣੇ ਖੜਕੇ ਤਾਂ ਬਹੁਤ ਉਹਨੇ,
ਮਿਲੀ ਐਤਕੀ ਕਿਤੋਂ ਨਾ ਢੋਈ ਹੋਣੀ |
੩
ਭਾਰਤੀ ਫੌਜ ਦੀ ਲੱਗੀ ਜਦ ਹੋਣ ਕਿਧਰੇ,
ਗਭਰੂ ਭੱਜਣ ਨੂੰ ਗਏ ਸਨ ਲਾਏ ਮੀਆਂ |
ਕੁਝ ਤਾਂ ਮੀਲ ਕੁ ਦੌੜ ਕੇ ਬਾਹਰ ਹੋਏ,
ਬਾਕੀ ਘਰਕਦੇ ਅੰਤ ਤੱਕ ਆਏ ਮੀਆਂ |
ਉਚੀ ਛਾਲ ਲਈ ਆਈ ਸੀ ਜਦੋਂ ਵਾਰੀ,
ਫੱਟਾ ਕਿਹੜਾ ਹੁਣ ਆਂ ਟਪਾਏ ਮੀਆਂ |
ਲੋੜ ਜੋਗੀਆਂ ਸੀਟਾਂ ਨਾ ਭਰ ਹੋਈਆਂ ,
ਨਿਕਲੇ ਫਾਡੀ ਪੰਜਾਬ ਦੇ ਜਾਏ ਮੀਆਂ |
ਭੁੱਲ ਗਈ ਜਵਾਨੀ ਹੁਣ ਕਸਰਤਾਂ ਨੂੰ,
ਵਿੱਸਰ ਗਏ ਕਬੱਡੀ ਦੇ ਘੋਲ ਮੀਆਂ |
ਜੜੀਂ ਬੈਠੀ ਗਰੀਬੀ ਜੇ ਕਿਸੇ ਦੇ ਤਾਂ,
ਦਿੱਤੇ ਹੋਰ ਕਈ ਨਸ਼ੇ ਨੇ ਰੋਲ ਮੀਆਂ |
ਤੀਸ ਮਾਰ ਖਾਂ(ਨਵਾਂ ਜਮਾਨਾ)
