ਅਸੀਂ ਤਾਂ ਪਿੰਡਾਂ ਦੇ ਜੰਮਪਲ ਹਾਂ

ਸਾਨੂੰ ਨਹੀਂ ਆਉਂਦੇ
ਮਿਣਨੇ ਲੱਕ ਕੁੜੀਆਂ ਦੇ
ਅਸੀਂ ਤਾਂ ਮਿਣਦੇ ਹਾਂ
ਨਿੱਤ ਫ਼ਸਲਾਂ ਕੁਚਲ ਕੇ
ਵਧਦੀ ਇੰਡਸਟਰੀ ਦੇ ਮੁਕਾਬਲੇ
ਦਿਨੋ-ਦਿਨ ਕੁੱਬੀ ਹੁੰਦੀ
ਕਿਸਾਨੀ ਦਾ ਕੱਦ
ਅਸੀ ਤਾਂ ਟੋਹਲਦੇ ਹਾਂ
ਇੱਕ ਹੱਸਦੇ ਕਿਸਾਨ ਦੀਆਂ
ਮੰਡੀ ਚ੍ , ਤੀਲਾ ਤੀਲਾ
ਹੋ ਬਿੱਖਰੀਆਂ ਸਧਰਾਂ ਨੂੰ

ਅਸੀਂ ਉਹਨਾਂ ਚੋਂ ਨਹੀਂ
ਜਿੰਨਾਂ ਨੇ ਹੈ ਮਾਣੀਂ
ਮਹਿਬੂਬ ਦੀਆਂ ਜੁ਼ਲਫ਼ਾਂ ਦੀ ਛਾਂ
ਸਾਡੇ ਤਾਂ ਸਾੜ ਛੱਡੇ ਨੇਂ ਪਿੰਡੇ
ਜੇਠ ਹਾੜ ਦੀਆਂ
ਤਪਦੀਆਂ ਦੁਪਹਿਰਾਂ ਨੇ
ਤੇ ਨੇ ਕਰ ਸੁੱਟੇ ਨੇਂ
ਮਾਲਵੇ ਦੇ ਟਿੱਬਿਆਂ ਦੀ
ਰੇਤ ਜਿਹੇ ਵੀ , ਰੋਹੀ ਦੀਆਂ
ਕਿੱਕਰਾਂ ਵਰਗੇ....

ਨਹੀਂ ਹੈ ਸਾਡੀ ਕੋਈ ਰੀਝ
ਬਾਹਲੀਆਂ ਉਚਾਈਆਂ ਛੂਹਣ ਦੀ
ਅਸੀਂ ਤਾਂ ਇਹੀ ਮੰਗਦੇ ਹਾਂ
ਕਦੇ ਵਿੱਸਰੇ ਨਾਂ ਤੇਰਾ ਨਾਂ
ਤੇ ਹਰ ਹਾਲਤ ਚ੍ ਰਹਿਣ
ਸਾਡੇ ਪੈਰ ਧਰਤੀ ਤੇ
ਕੋਈ ਲੋੜ ਨਹੀਂ ਸਾਨੂੰ
ਉੱਚੀਆਂ ਇਮਾਰਤਾਂ ਚ੍ ਵੱਸਣ ਦੀ
ਸਾਨੂੰ ਤਾਂ ਸਾਡਾ ਖੇਤ ਵਾਲਾ
ਸੱਤ ਫ਼ੁੱਟ ਉੱਚਾ ਮਣਾਂ ਹੀ ਕਰਵਾਉਂਦਾ ਏ
" ਸੱਤਵੇ ਆਸਮਾਨ " ਦਾ ਅਹਿਸਾਸ
ਜਦ ਓਸ ਮਣੇ ਤੇ ਚੜਕੇ
ਮਾਰਦੇ ਹਾਂ ਨਜ਼ਰ ਆਪਣੀ
ਸਲਤਨਤ ਵੱਲ ਨੂੰ , ਤਾਂ
ਹਕੀਕਤ ਵਿੱਚ ਬਹੁਤ
ਛੋਟੀਆਂ ਨਜ਼ਰ ਆਉਂਦੀਆਂ ਨੇ
ਉਹ ਉੱਚੀਆਂ ਇਮਾਰਤਾਂ..

ਸਾਡੀਆਂ ਤਾ ਹੱਥਾਂ ਦੀਆਂ ਲਕੀਰਾਂ
ਤੱਕ ਮੇਟ ਛੱਡੀਆਂ ਨੇ
ਰੇਹਾ-ਸਪਰੇਹਾਂ ਨੇ
ਏਸੇ ਲਈ ਸਾਨੂੰ ਨਹੀਂ
ਵਿਸ਼ਵਾਸ਼ ਇਹਨਾਂ ਟੋਟਕਿਆਂ ਤੇ
ਕਿਉਂਕਿ ਮਿਹਨਤਕਸ਼ ਕਿਰਸਾਨ
ਆਪਣੇ ਹੱਥੀਂ ਲਿਖਦੇ ਨੇ
ਆਪਣੀਂ ਕਿਸਮਤ
ਤੇ ਹਿੱਕ ਚੀਰ ਕੇ ਧਰਤੀ ਦੀ
ਕਰਦੇ ਨੇ ਆਪਣੀਂ ਕਿਸਮਤ
ਦਾ ਰਾਹ ਪੱਧਰਾ....

ਸਾਡੀ ਫ਼ਿਤਰਤ ਚ੍ ਨਹੀਂ
ਮਾਯੂਸ ਹੋ ਕੇ ਰੁਕ ਜਾਣਾਂ
ਹੱਥ ਤੇ ਹੱਥ ਧਰ ਬੈਠ ਜਾਣਾਂ
ਸਾਡਾ ਤਾਂ ਨਿੱਤਨੇਮ ਹੈ
ਹਨੇਰਿਆਂ ਨੂੰ ਚੀਰਦਿਆਂ
ਭਵਿੱਖ ਨੂੰ ਰੁਸ਼ਨਾਉਣਾਂ
ਸਾਰੀ ਦੁਨੀਆਂ ਨੂੰ ਅੰਨ ਵਰਤਾ ਕੇ
ਖੁਦ ਭੁੱਖਾ ਸੌਂ ਜਾਣਾਂ
ਖਿੜੇ ਚਿਹਰੇ ਨਾਲ , ਮੰਡੀ
ਫ਼ਸਲ ਲੈ ਕੇ ਜਾਣਾਂ , ਤੇ
ਨਿੰਮੋਝੂਣਾਂ ਹੋ ਵਾਪਸ ਆਉਣਾਂ
ਬਥੇਰੀਆਂ ਹੀ ਅਟਕਲਾਂ ਦੇ
ਬਾਵਜੂਦ ਨਿਰੰਤਰ ਚਲਦੇ ਰਹਿਣਾਂ

ਕਿਉਂਕਿ ਅਸੀਂ ਕਿਰਸਾਨ ਹਾਂ
ਅਸੀਂ ਅੰਨਦਾਤੇ ਹਾਂ
ਕਦੇ ਥੰਮ ਨਹੀ ਸਕਦਾ
ਸਾਡਾ ਦਾ ਇਹ ਸਫ਼ਰ
ਕਿਉਂਕਿ ਇਹ ਕੰਮ ਤਾਂ ਸਾਨੂੰ
ਬਾਬੇ ਨਾਨਕ ਨੇ ਜਿੰਮੇਂ
ਲਾਇਆ ਹੈ........

ਲਿਖਤੁਮ :- ਨਿਮਰਬੀਰ ਸਿੰਘ

ਕਿਆ ਬਾਤ ਹੈ ..........ਨਿਮਰ ਤੇਰੀ ਕਲਾਮ ਨੂੰ ਸਲਾਮ

wahhh...g..bhut...vadiya...a..g..

shukriya ji

bahut vadhia ji

bhut vadia...hor vdia likhde rvo!!

 

ਸ਼ੁਕਰੀਆ ਦੋਸਤੋ |

Nimar ji,ਤੁਸੀਂ ਤਾਂ ਕਮਾਲ ਦਾ ਲਿਖਦੇ ਓ।
ਮੌਜੂਦਾ ਗਾਇਕੀ ਦਾ ਸੱਚ ਵੀ ਬਿਆਨ ਕਰ ਦਿੱਤਾ ਜੋ ਕਿਸੇ ਵੀ ਪੱਖੋਂ ਮਿਆਰੀ ਨਹੀਂ।
ਸਭ ਤੋਂ ਵਧੀਆ ਤਾਂ ਬਾਬੇ ਨਾਨਕ ਦੇ ਸੰਕਲਪ ਨੂੰ ਬਿਆਨ ਕੀਤਾ ਹੈ।
ਨਾਮ ਜਪੋ,ਵੰਡ ਛਕੋ, ਕਿਰਤ ਕਰੋ ਦੇ ਸੰਕਲਪ ਨੂੰ ਬਾਖੂਬੀ ਪਛਾਣਿਆ ਤੇ ਵਧੀਆ ਸ਼ਬਦਾਂ ਚ ਪਰੋਇਆ ਹੈ......
ਰਚਨਾ ਲਈ ਵਧਾਈ। ਸਾਂਝਾ ਕਰਨ ਲਈ ਸ਼ੁਕਰੀਆ।

 

ਬਹੁਤ ਹੀ ਕਮਾਲ ਦਾ ਲਿਖਿਆ ਹੈ ਨਿਮਰਬੀਰ ਜੀ ਕਿਸਾਨ ਦੀ ਜਿੰਦਗੀ ਤੇ ਬਹੁਤ ਹੀ ਵਧੀਆ ਝਾਤ ਪਾਈ ਹੈ ਤੇ ਉਸਦੇ ਖੁੱਲਦਿਲ ਤੇ ਮਿਹਨਤਕਸ਼ ਸੁਭਾਅ ਨੂੰ ਬਾਖੂਬੀ ਬਿਆਨ ਕੀਤਾ ਹੈ |
ਤੁਹਾਡੀ ਇਹ ਰਚਨਾਂ ਬਹੁਤ ਸਲਾਹੁਣਯੋਗ ਤੇ ਸੱਭਾਲਣਯੋਗ ਹੈ | ਪਰਮਾਤਮਾ ਮਿਹਰ ਕਰਨ | ਲਿਖਦੇ ਰਹੋ |

bahut bahut meharbaani Harjinder ji n Parteet ji....apna keemti vakat kadhan lyi ate rachna di salahut lyi main tuhada shukargujaar haan....god bless both of you....