ਅਰਸ਼ ਤੋਂ ਫ਼ਰਸ਼ ਤੇ

ਕਾਲੇ, ਪੀਲੇ 'ਤੇ ਅੰਗ੍ਰੇਜ਼,
ਕੋਈ ਹੌਲੀ, ਕੋਈ ਤੇਜ਼,
ਕੋਈ ਉਂਗਲਾਂ ਵਿਚ ਫਸਾ,
ਤੇ ਫਿਰਕੀ ਨਿਆਈਂ ਘੁਮਾ,
ਕੋਈ ਚੀਤੇ ਵਾਂਗ ਸ਼ਹਿ ਲਾ,
ਸਿਸ਼ਤ ਬੰਨ੍ਹਕੇ, ਜ਼ੋਰ ਨਾਲ,
ਮੈਨੂੰ ਸਿੱਟਦਾ
ਜ਼ਿੰਦਗੀ ਦੀ ਕ੍ਰੀਜ਼ ਤੇ |

ਕੋਈ ਪੈਂਟ ਨਾਲ ਘਸਾ ਕੇ,
ਚਮਕਾਉਂਦਾ ਮੈਨੂੰ,
ਜਾਂ ਫ਼ਿਰ ਕੋਈ,
ਐਵੈਂ ਈ ਖੇਡਦਾ ਮੇਰੇ ਨਾਲ,
ਇਕ ਤੋਂ ਦੂਜੇ ਹੱਥ ਉਛਾਲ |

ਮੇਰੇ ਕੱਸਵੇਂ ਬਦਨ ਤੇ,
ਬੈਟ੍ਸਮੈਨ ਵੱਟ ਕੇ ਸ਼ਾਟ ਮਾਰਦਾ,
’ਤੇ ਅੰਪਾਇਰ ਮੇਰੀ ਊਚੀ ਉੜਾਨ ਤੇ,  
ਦੋਵੇਂ ਹਥ ਖੜ੍ਹੇ ਕਰ ‘ਸਿਕਸਰ’ ਦਾ
ਇਸ਼ਾਰਾ ਦਿੰਦਾ |
ਦਰਸ਼ਕ ਤਾੜੀਆਂ ਮਾਰਦੇ,
ਉਚਾਈਆਂ ਦੇ ਹੁਲਾਰੇ ’ਚ ਮਸਤ,
ਮੈਂ ਇਕ ਅਨਜਾਣ ਸੁਪਨਾ ਜਿਉਂਦੀ,
ਪਤੰਗ ਬਣ ਹਵਾਵਾਂ ’ਚ ਉੱਡਦੀ |

ਮੇਰਾ ਉਛਾਲ ਜੋਸ਼ ਭਰਦਾ,
ਜਵਾਨਾਂ ਦੇ ਗਰਮ ਲਹੂ ਵਿਚ,
ਉਹ ਉੱਲਰ ਦੌੜਦੇ ਮੇਰੇ ਪਿੱਛੇ |        
ਕੋਈ ਖੜ੍ਹਾ ਅੰਬਰ ਵਲ ਨੀਝ ਲਾਈਂ,
ਅਗੇ ਪਿਛੇ ਅੱਡੀ-ਛੜੱਪਾ ਕਰਦਾ,      
ਹੱਥ ਜੋੜ, ਬੁੱਕ ਬਣਾਈਂ,
ਮੈਨੂੰ ਫੜਨਾ ਲੋਚਦਾ |

'ਤੇ ਸ਼ਾਟ ਦੀ ਤਾਕਤ ਦਾ ਨਸ਼ਾ,
ਟੁੱਟਦਿਆਂ ਹੀ ਮੈਂ ਡਿੱਗਦੀ, ਢਹਿੰਦੀ,
ਉਛਲਦੀ ਆ ਡਟਦੀ,
ਫ਼ਿਰ ਮੈਦਾਨ ਵਿਚ |
ਕਿਸੇ ਨੂੰ ਜਿੱਤ ਮਿਲਦੀ,
ਕਿਸੇ ਨੂੰ ਹਾਰ |
ਮੈਂ ਇੰਵੇਂ ਹੀ ਜ਼ਿੰਦਗੀ ਦੀ,
ਜੰਗ ਵਿਚ ਜੂਝਦੀ,
ਖੁਸ਼ੀਆਂ ਵੰਡਦੀ ਰਹੀ,
ਸਹਿੰਦਿਆਂ ਹੋਇਆਂ ਮਾਰ |

ਹੁਣ ਜਦ ਜ਼ਿੰਦਗੀ ਦੀ ਘੋਲ ’ਚ,
ਮੇਰੀ ਖੱਲ ਲਟਕ ਗਈ,
ਪਿੰਡੇ ਤੇ ਟੋਏ ਪੈ ਗਏ,
ਇਕ ਨਵੇਕਲੇ ਕਮਰੇ ’ਚ,
ਬੰਦ ਬੇਕਾਰ ਬਿਰਧ ਵਾਂਗ,
ਅਰਸ਼ ਤੋਂ ਫ਼ਰਸ਼ ਤੇ ਡਿੱਗ,
ਜ਼ਿੰਦਗੀ ਦੇ ਗਲੈਮਰ ਤੋਂ ਦੂਰ,
ਮੈਂ ਇਕ ਡੱਬੇ ਵਿਚ ਕੈਦ ਹਾਂ |

          ਜਗਜੀਤ ਸਿੰਘ ਜੱਗੀ

Note: ਕਾਲੇ, ਪੀਲੇ 'ਤੇ ਅੰਗ੍ਰੇਜ਼ = Players from the Black, Yellow (Asians) & White races.

Bahut khoob  jagjeet ji... In this composition , the use of a cricket ball as a metaphor is quite  splendid.Well done.... Keep writing....

waah waah waah,.........eh ik nawan pehlu  vekhan nu millea hai,............sayaad  pehlan is  tarj te  kadde  koi kavita  na likhi gayi hove ,.........dastaan  -e-cricket  ball nu lai ke,...............har alfaaz bohat hi behtreen likhea hai aap g ne,........har gal bohat khubb beyaan kitti hai,.........with relationship with life,..........waah

This will gonna  one  of   the  best poetries  in  ur book one  day.

kehna  tan  hor  vi  kafi kujh chahunda haan,..........is open poetry nu  lai  ke par hun  words  nahi mill rahe,...........hatts  off sir...............!!

Thank You so much for ur critical appraisal, lots of love and good wishes, dear Pradeep Ji.

Jagjit Singh Jaggi
From Hyderabad

ਸੁਖਪਾਲ ਬਾਈ ਜੀ, ਆਪਦੇ ਕਮੇਂਟ੍ਸ ਅਤੇ ਸ਼ੁਭ ਕਾਮਨਾਵਾਂ ਲਈ ਬਹੁਤ ਬਹੁਤ ਧੰਨਵਾਦ | ਆਪ ਜੈਸੇ ਲੇਖਕ ਅਤੇ ਸ਼ੁਭਚਿੰਤਕ ਫੋਰਮ ਦੀ ਜਾਨ ਹਨ | ਜਿਉਂਦੇ ਵਸਦੇ ਰਹੋ |

                                                                ਜਗਜੀਤ ਸਿੰਘ ਜੱਗੀ