ਬਚਪਨ ਦੀ ਜ਼ਿੰਦਗੀ ਦੇ ਉਹ ਬੜੇ ਸੋਹਣੇ ਦੌਰ ਸੀ

ਮਾਸੂਮੀਅਤ,ਨਾਦਾਨੀਆਂ ਤੇ ਸ਼ਰਾਰਤਾਂ ਦੇ ਜੋਰ ਸੀ

'ਅੱਬੀ-ਕੱਟੀ' ਦੇ ਤਰੀਕੇ ਨਾਲ ਸੀ ਚਲਦੀਆਂ ਯਾਰੀਆਂ

ਨਿੱਕੇ ਜੇ ਬਸਤੇ 'ਚ ਸੀ ਕਿਤਾਬਾਂ ਢੇਰ ਸਾਰੀਆਂ

ਸਵੇਰੇ ਸਕੂਲ ਜਾਣ ਵੇਲੇ , ਸੀ ਸਾਡੇ ਸਾਹ ਰਹਿੰਦੇ ਸੁੱਕਦੇ

ਮਾਸਟਰ ਦੀਆਂ ਝਿੜਕਾਂ ਦੇ ਸੀ, ਖਿਆਲ ਦਿਲ 'ਚ ਉੱਠਦੇ

ਸਕੂਲੋਂ ਛੁੱਟੀ ਮਾਰਨ ਦੀਆਂ ਸੀ , ਤਰਕੀਬਾਂ ਕਈ ਸਾਰੀਆਂ

ਇਕ  ਇਕ  ਕਰਕੇ ਸੀ  ਦਿਮਾਗ 'ਚ  ਉਤਾਰੀਆਂ

ਘੜੇ  ਦੇ  ਪਾਣੀ  ਸੀ   ਸਾਨੂੰ   ਮਿੱਠੇ  ਲੱਗਦੇ

ਨਜ਼ਰ ਦੇ ਕਾਲੇ ਟਿੱਕੇ , ਸੀ ਸਾਡੇ ਮੂੰਹ ਤੇ ਫੱਬਦੇ

ਰੋਜ਼  ਥੋੜ੍ਹੇ-ਥੋੜ੍ਹੇ  ਪੈਸੇ , ਸੀ ਅਸੀਂ  ਗੋਲਕ 'ਚ ਰੱਖਦੇ

ਨਿੱਕੀਆਂ-ਨਿੱਕੀਆਂ ਖੁਸ਼ੀਆਂ ਨਾਲ , ਸੀ ਅਸੀਂ ਰਹਿੰਦੇ ਰੱਜਦੇ

ਨਿੱਤ ਆਥਣੇ  ਅਸੀਂ  ਸਭ ਯਾਰ ਬੇਲੀ ਸੀ ਮਿਲਦੇ

'ਚਿੜੀ-ਉੱਡ ਕਾਂ-ਉੱਡ' ਦੇ ਖੇਡ , ਸੀ ਮਨ ਨੂੰ ਚੰਗੇ ਲਗਦੇ

ਸੰਗਲ, ਪੀਚੋ ਖੇਡ ਖੇਡ  ਨਾ ਚਿਤ ਕਦੇ ਸੀ ਭਰਦੇ

ਕਲੀ-ਜੁੱਟ ਦੇ ਬੰਟੇ ਸੀ ਸਭ ਦੀਆਂ ਜੇਬ੍ਹਾਂ ਠੱਗਦੇ

ਘਰ ਦੇ ਕੰਮ ਨੂੰ ਸੀ ਸਦਾ ਅਸੀਂ ਰਹਿੰਦੇ ਲੁਕਦੇ

ਟੱਪ-ਟੱਪ ਕੰਧਾਂ ਅਸੀਂ ਪਤੰਗ ਸੀ ਲੁੱਟਦੇ

ਕੁਲਫੀ ਵਾਲੀ ਰੇਹੜੀ ਦੀ ਸੀ ਜਦੋਂ ਟੱਲੀ ਵੱਜਦੀ

ਸਾਡੀ ਅੱਡੀ ਚੱਪਲ ਛੱਡ , ਸੀ ਜਾ ਬੂਹੇ ਲੱਗਦੀ

ਬਰਫ ਦੇ ਗੋਲੇ ਸੀ ਰੂਹ ਨੂੰ ਬਹੁਤ ਠਾਰਦੇ

ਭੱਠੀ ਦੇ ਦਾਣੇ ਖਾ , ਸੀ ਅਸੀਂ ਮੌਜਾਂ ਮਾਣਦੇ

ਰਿਸ਼ਤੇ ਨਿਭਾਉਣ ਦੀਆਂ ਸੀ, ਉਦੋਂ ਨਾ ਕੋਈ ਬੀਮਾਰੀਆਂ

ਸਾਡੇ ਕੋਲ ਸੀ ਸਭ ਦੇ ਪਿਆਰ ਦੀਆਂ,ਜਗੀਰਾਂ ਢੇਰ ਸਾਰੀਆਂ

ਹੁਣ ਤਾਂ ਸਾਡੀ  ਜ਼ਿੰਦਗੀ ਦੇ  ਪੜਾਅ ਕੁਝ ਹੋਰ ਨੇ

ਬਚਪਨ ਜਿਹੇ ਉਹ ਅਨਮੋਲ ਸਫਰ, ਹੁਣ ਅੱਗੇ ਨਾ ਕੋਈ ਹੋਰ ਨੇ 

( written by: Pradeep gupta )

bahut piara likhea hai  g. ..... bachpan de sarian yaadan taajian ho gyian,...shukria  sanjhea krn lyi...likhde rvo hamesha ise tra...!!

ਪ੍ਰਦੀਪ ਬਾਈ ਜੀ, 

ਬਚਪਨ ਦੀ ਯਾਦ ਤਾਜ਼ਾ ਹੋ ਗਈ | ਵਧੀਆ ਜੀ, ਜੀਓ |

                                                              ਜਗਜੀਤ ਸਿੰਘ ਜੱਗੀ  

ਵਾਹ ! 

ਵੀਰ ਤੁਹਾਡੀ ਇਹ ਰਚਨਾ ਸਾਡੇ ਬਚਪਨ ਦੀ ਮੂੰਹ ਬੋਲਦੀ ਤਸਵੀਰ ਹੈ | ਇੱਕ ਇੱਕ ਸ਼ਬਦ ਬੀਤੇ ਬਚਪਨ ਦੀ ਯਾਦ ਦਵਾਉਂਦਾ ਹੈ |

ਇੱਕ ਗੱਲ ਹੋਰ ਵਿਚ ਜੋੜ ਦਿੰਦੇ ,,,,,,,,,, ਛੋਟੇ ਹੁੰਦੇ ਅਸੀਂ ਮੋਰਾਂ ਦੇ ਖੰਭ ਚੁਗਣ ਜਾਂਦੇ ਹੁੰਦੇ ਸੀ | ਓਹ ਵੀ ਬਹੁਤ ਮਜ਼ੇਦਾਰ ਹੁੰਦਾ ਸੀ ,,,,

ਬਹੁਤ ਖੂਬ >>>>>>>>>>>>>>>>>> ਜਾਂਦੇ ਵੱਸਦੇ ਰਹੋ,,,

ਰਾਜਵਿੰਦਰ , ਜਗਜੀਤ ਜੀ ਅਤੇ ਹਰਪਿੰਦਰ ਵੀਰ , ਇਸ ਰਚਨਾ ਨੂੰ ਪਸੰਦ ਕਰਨ ਲਈ ਅਤੇ ਹੌਂਸਲਾ ਅਫਜਾਈ ਲਈ

ਤੁਹਾਡਾ ਸਭ ਦਾ ਬਹੁਤ ਧੰਨਵਾਦ ਜੀ |

waah kya baat hai,..........."bachpan chete aa geya"

very well written pardeep veer

duawaan

ਰਚਨਾ ਨੂੰ ਸਲਾਹੁਣ ਲਈ ਬਹੁਤ ਮਿਹਰਬਾਨੀ ਸੁਖਪਾਲ ਵੀਰ ਜੀ |