Thank yo very much Jass for your help!!
ਮੈਂ ਪਿਆਜ਼ ਹਾਂ। ਕਹਿਣ ਦਾ ਮਤਲਬ, ਜਿਵੇਂ ਗੰਢੇ ਕੋਲ ਕਈ ਛਿੱਲ ਹਨ, ਉਸੇ ਤਰ੍ਹਾਂ ਮੇਰੇ ਕੋਲ ਪਹਿਲੂ ਹਨ। ਮੈਂ ਪੰਜਾਬਣ ਹਾਂ, ਅੰਗ੍ਰੇਜ਼ਣ ਵੀ ਹਾਂ,ਮੈਂ ਮਾਂ ਹਾਂ, ਧੀ ਵੀ ਹਾਂ; ਮੈਂ ਭੈਣ ਹੈਂ, ਵਹੁਟੀ ਵੀ। ਵਿਰਸਾ ਪੂਰਬ ਤੋਂ ਆਦਿ ਹੈਂ, ਪਰ ਪੱਛਮੀ ਜਨਮ ਦੀ ਵਜ੍ਹਾ ਨਾਲ ਖਿਆਲ ਰੀਤ ਪੱਛਮੀ ਵੀ ਹਨ। ਭੱਦਰ ਔਰਤ ਹਾਂ, ਅਨਪੜ੍ਹ ਨਹੀਂ। ਬਰਤਾਨੀਆ ਵਿੱਚ ਰਹਿੰਦੀ ਹਾਂ, ਜਿਥੇ ਮੇਰੇ ਮਰਦ ਜਿੰਨੇ ਹੱਕ ਹਨ। ਇਸੇ ਕਾਰਨ ਮੈਂ ਬਹੁਤ ਹੈਰਾਨ ਹੋ ਗਈ ਸੀ ਜਦੋਂ ਮੇਰੇ ਪਰਿਵਾਰ ਨੇ ਇੱਕ ਅਨਪੜ੍ਹ ਟੱਬਰ ਤੋਂ ਮੇਰੇ ਲਈ ਅਨਪੜ ਵਰ ਚੁਣਿਆ|
ਤੁਸੀਂ ਭਾਵੇਂ ਸੋਚ ਰਹੇ ਹੋਵੋਗੇ ਕਿ ਮੈਂ ਤਾਂ ਮਾਂ ਹਾਂ।ਸੱਚ ਤਾਂ ਹੈਂ, ਐਪਰ ਮੈਂ ਹੁਣ ਬਾਰੇ ਨਹੀਂ ਦਸ ਰਹੀ , ਪਰ ਜਦ ਮੇਰਾ ਵਿਆਹ ਕੀਤਾ ਸੀ, ਕੁਝ ਪੰਜ ਵਰ੍ਹੇ ਪਹਿਲਾ। ਬਾਬਲ ਦੇ ਫੈਸਲੇ ਨੇ ਪਿਆਜ਼ ਦੀ ਇੱਕ ਛਿੱਲ , ਛਿੱਲਤੀ । ਮੈਂ ਸਿਰਫ ਉੱਨੀ ਸਾਲਾਂ ਦੀ ਸਾਂ, ਮੰਗੇਤਰ ਮੈਤੋਂ ਦਸ ਸਾਲ ਉਮਰ ਵਿੱਚ ਵੱਡਾ ਸੀ। ਸ਼ਾਦੀ ਵਲੈਤ ਵਿੱਚ ਪੱਕੀ ਹੋਈ ਪਰ ਬਾਕੀ ਰਸਮਾਂ ਪੰਜਾਬ ਪਰਤ ਕੇ ਪੂਰਨ ਹੋਈਆਂ।
ਪਿੰਦੂ ! ਮੇਰਾ ਮੰਗੇਤਰ, ਉਂਝ ਪੂਰਾ ਨਾਂ ਚਰਨਜੀਤ ਸੀ। ਅਨਪੜ੍ਹ, ਉਂਝ ਅੰਗ੍ਰੇਜ਼ੀ ਵਿੱਚ ਗੱਲਾਂ ਕਰੀ ਗਿਆ, ਜਿੱਦਾਂ ਕੋਈ ਦੈਵੀ ਬੋਲੀ ਵਿੱਚ ਸੰਵਾਦ ਕਰਦਾ ਹੋਵੇ । ਡੈਡ ਨੇ ਕੇਵਲ ਇੱਕ ਚੀਜ ਵੇਖੀ ਸੀ ਕਿ ਮੁੰਡਾ ਪਿੰਡ ਦਾ ਸੀ। ਮੈਨੂੰ ਤਾਂ ਸਾਫ ਦਿਸਦਾ ਸੀ ਕਿ ਮੁੰਡਾ ਮੈਨੂੰ ਵਲੈਤ ਪਹੁੰਚਣ ਦੀ ਇੱਕ ਟਿਕਟ ਸਮਝਦਾ ਸੀ। ਬਾਪੁ ਨੇ ਮੈਨੂੰ ਕਿਹਾ ਕੇ ਰਿਸ਼ਤਾ ਪਹਿਲਾ ਕੀਤਾ ਸੀ, ਜਦ ਅਪਣੇ ਦੋਸਤ ਨੂੰ ਬਚਨ ਦਿੱਤਾ ਸੀ। ਪੜ੍ਹੀ ਲਿਖੀ ਕੁੜੀ ਕਿਵੇਂ ਇਸ ਗੱਲ ਨੂੰ ਕਬੂਲ ਸਕਦੀ ਸੀ?
ਮੇਰੇ ਸਹੁਰੇ ਤਾਂ ਇੱਕੋਂ ਚੀਜ਼ ਵੇਖਦੇ ਸੀ; ਵਲੈਤ ਤੋਂ ਆਈ ਐ| ਇਸ ਦਾ ਮਤਲਬ ਖੂਬ ਪੈਸੇ ਸੀ। ਮੇਰਾ ਵਿਆਹ ਪਿਆਰ ਦਾ ਬੰਧਨ ਨਹੀਂ ਸਗੋਂ ਦਾਜ ਦਾ ਸੌਦਾ ਜਿਆਦਾ ਸੀ । ਮੇਰਾ ਮੁੱਲ ਇਕ ਗੱਡੀ, ਇਕ ਰੋਲੈਕਸ ਘੜੀ , ਅਤੇ ਇੱਕ ਲੱਖ ਰੁਪਏ ਪਿਆ| ਮੈਂ ਕਿਸੇ ਦੀ ਧੀ ਆਂ ਜਾਂ ਕੋਈ ਵੇਸਵਾ? ਪਾਪਾ ਪਿਤਾ ਸੀ ਜਾਂ ਕੋਈ ਸੌਦਾਗਰ? ਅਨਪੜ੍ਹ ਭਾਵੇਂ ਸਹਾਰ ਵੀ ਲੈਂਦੇ ਹੋਣ ਪਰ ਇੱਕ ਚੁੰਗੀ ਪੜ੍ਹੀ ਲਿੱਖੀ ਲੜਕੀ ਲਈ ਤਾਂ ਬਹੁਤ ਔਖਾ ਹੈ, ਜਦ ਮੀਆਂ ਕਿਸੇ ਅਨਪੜ੍ਹ ਜੱਟ ਨਾਲ ਰਿਸ਼ਤਾ ਕਰਦੇ ਨੇ। ਧੀ ਆਂ ਨਾ ਕੇ ਕੋਈ ਜਾਇਦਾਦ?
ਦਾਜ ਮੰਗਣ ਵਾਲੇ ਵੀ ਭੁੱਖੇ ਲਾਲਚੀ ਸੂਰ ਨੇ, ਜਿਹੜੇ ਸੂਰ ਵਾਂਗ ਖੁਰਲੀ ਵਿੱਚੋਂ ਖਾਂਦੇ ਨੇ। ਆਪ ਕਮਾਵੋਂ! ਵਹੁਟੀ ਨੇ ਤੁਹਾਨੂੰ ਰਖਣਾ ਜਾਂ ਤੁਸੀਂ ਓਹਨੂੰ? ਮੱਛਰ ਉੰਨਾ ਲਹੂ ਨਹੀਂ ਚੂਸਦਾ, ਜਿੰਨਾ ਦਾਜ ਮੰਗਨ ਵਾਲੇ ਚੂਸਦੇ ਐ। ਗਲਤੀ ਮੇਰੇ ਪਿਓ ਵਰਗਿਆਂ ਦੀ ਹੈ।
ਮਨ ਅੰਦਰੋਂ ਮੈਂ ਇਸ ਮਰਦ, ਚਰਨਜੀਤ ਨਾਲ ਵਿਆਹ ਹੋਣ ਤੋਂ ਖੁਸ਼ ਨਹੀਂ ਸਾਂ, ਪਰ ਮੈਂ ਨਹੀਂ ਚਾਹੁੰਦੀ ਸੀ ਕਿ ਮੇਰੇ ਡੈਡ ਦੇ ਪੱਗ ਉੱਤੇ ਦਾਗ ਪੈਣ । ਮੈਂਨੂੰ ਆਪਣੀਆਂ ਅੰਤਰਪ੍ਰੇਰਣਾਵਾਂ ਨੂੰ ਸੁਣਨਾ ਚਾਹੀਦਾ ਸੀ।
ਵਿਆਹ ਤੋਂ ਬਾਅਦ ਜਦ ਚਰਨਜੀਤ ਵਲੈਤ ਆਇਆ, ਕਲੱਬ ਜਾਣਾ, ਸ਼ਰਾਬ ਪੀਣਾ, ਇਹ ਉਸਦੀ ਨਿਤ ਦੀ ਰੂਟੀਨ ਬਣ ਗਈ । ਪਰ ਵਲੈਤ ਦਾ ਅਸਲੀ ਰੂਪ ਨਹੀਂ ਵੇਖਿਆ। ਜਨ-ਤੰਤਰ, ਬਰਾਬਰੀ, ਹਿਮਤ ਅਤੇ ਖਰਾ ਕਨੂੰਨ। ਸਚ ਸਿਰਫ ਥੋੜ੍ਹੇ ਲੋਕ ਹੀ ਜਾਂਦੇ ਆ, ਜਿਆਦਤਰ ਲਫੰਗੇ ਜੋ ਪੰਜਾਬ ਵਿੱਚ ਟੀਵੀ ਉੱਤੇ ਵੇਖਿਆ, ਕਰਦੇ ਸੀ। ਆਮ ਪੰਜਾਬੀ ( ਅੰਗ੍ਰੇਜ਼ੀ ਵੀ) ਰੋਜ ਤੜਕੋ ਤੋਂ ਸ਼ਾਮ ਤੱਕ ਕੰਮ ਕਰਦੇ ਨੇ। ਚਰਨਜੀਤ ਰੁਲ ਗਿਆ। ਮੇਰਾ ਢਿਡ ਭਾਰਾ ਕਰਕੇ ਕਿਸੇ ਗੰਦੀ ਗੋਰੀ ਨਾਲ ਉੱਧਲ ਗਿਆ।
ਇਸ ਪਿਆਜ਼ ਨੂੰ ਫਿਰ ਕੱਟ ਕੇ ਹੰਝੂ ਅੱਖੀਆਂ ਵਿਚੋਂ ਨਿਚੋੜ ਗਿਆ । ਇਦੋਂ ਤਾਂ ਮੈਂ ਕਿਸੇ ਗੋਰੇ ਨਾਲ ਵਿਆਹ ਕਰਕੇ ਚੰਗੀ ਰਹਿਣਾ ਸੀ ! ਹੁਣ ਮੈਂ ਖੁਦ ਹੀ ਘਰ ਚਲਾਉਂਦੀ ਆਂ|
ਇੱਕੋਂ ਚੰਗੀ ਗੱਲ ਹੋਈ। ਇੰਗਲਿਸ਼ਸਤਾਨ ਵਿੱਚ ਔਰਤ ਦਾ ਹੱਕ ਹੈ; ਚਰਨਜੀਤ ਦੇ ਸਾਰੇ ਪੈਸੇ ਤਾਂ ਮੈਨੂੰ ਮਿਲ ਗਏ ਪਰ ਮੇਰੇ ਪੁੱਤਰ ਨੂੰ ਬਾਪ ਕੌਣ ਦਿਉ ?
|
