ਤੂੰ ਜੁਦਾ ਕੀ ਹੋਈ 

ਜ਼ਿੰਦਗੀ ਦਾ ਹਰ ਰੰਗ 

ਫਿੱਕਾ ਪੈ ਗਿਆ,,,

 

ਕਦੇ ਤੈਨੂੰ 

ਬਿਰਖਾਂ ਦੀਆਂ ਛਾਵਾਂ 

ਵਿਚੋਂ ਟੋਲਦਾ ਹਾਂ,

ਜੋ ਮੈਨੂੰ ਤੇਰੀ 

ਛੋਹ ਦਾ ਅਹਿਸਾਸ 

ਕਰਾਉਂਦਿਆਂ ਨੇ |

 

ਕਦੇ ਤੈਨੂੰ 

ਨਹਿਰ ਦੇ ਸ਼ਾਂਤ 

ਕਿਨਾਰੇ ਤੋਂ ਟੋਲਦਾ ਹਾਂ,

ਜੋ ਤੇਰੇ ਸੁਭਾ ਵਾਂਗ 

ਸ਼ਾਂਤ ਰਹਿੰਦੈ |

 

ਕਦੇ ਤੈਨੂੰ 

ਬਹਾਰ ਚ ਖਿੜੇ 

ਫੁੱਲਾਂ ਚੋਂ ਟੋਲਦਾ ਹਾਂ ,

ਜੋ ਤੇਰੇ ਚਹਿਰੇ ਦਾ

ਭੁਲੇਖਾ ਪਾਉਂਦੇ ਨੇ |

 

ਕਦੇ ਤੈਨੂੰ 

ਖੁਦ ਆਪਣੇ ਅੰਦਰੋਂ 

ਟੋਲਦਾ ਹਾਂ ,

ਵਰਿਆਂ ਬਾਅਦ ਵੀ 

ਤੂੰ ਮੇਰੀ ਰਗ ਰਗ 

ਚ ਸਮੋਈ ਹੋਈ ਏਂ |

 

ਮੇਰੇ ਹਰ ਸਾਹ 

ਉੱਤੇ ਅੱਜ ਵੀ 

ਤੇਰਾ ਹੀ ਨਾਮ 

ਛਪਿਆ ਹੁੰਦੈ,

ਮੇਰੇ ਹਰ ਖੁਆਬ 

ਦਾ ਹਿੱਸਾ ਤੂੰ ਹੀ 

ਹੁੰਦੀ ਏਂ |

 

ਤੇਰੇ ਨੈਣਾਂ ਦੇ 

ਪਾਏ ਸਵਾਲ 

ਅੱਜ ਤੱਕ ਮੇਰੇ ਲਈ

ਬੁਝਾਰਤ ਬਣੇਂ ਹੋਏ ਨੇ ,

ਤੇਰੇ ਜਿਸਮ ਦੀ ਖੁਸ਼ਬੂ 

ਅੱਜ ਵੀ ਮੇਰੇ ਸਾਹਾਂ ਚੋਂ 

ਆਉਂਦੀ ਏ  |

 

ਸੰਸਾਰ ਦੇ ਕਿਸੇ ਕੋਨੇ 

ਬੈਠੀ ਕਦੇ ਤੇ ਮੈਨੂੰ 

ਯਾਦ ਕਰਦੀ ਹੋਵੇਂਗੀ ,

ਕਦੇ ਤਾਂ ਕੋਈ ਘੜੀ 

ਤੈਨੂੰ ਮੇਰੀ ਹੋਂਦ 

ਦਾ ਅਹਿਸਾਸ 

ਕਰਾਉਂਦੀ ਹੋਊ |

 

ਜਿਵੇਂ ਮੈਂ ਤੈਨੂੰ ਯਾਦ ਕਰਦਾ 

ਦਿਲ ਟੁੱਟਣ ਵੇਲੇ ,,,

 

ਧੰਨਵਾਦ ,,,,,,,,,,,,ਹਰਪਿੰਦਰ " ਮੰਡੇਰ "

 

Behad khoobsurat rachna  ਹਰਪਿੰਦਰ Ji

 

Thank you for sharing :)

ਬਹੁੱਤ ਖੂਬ ਜੀ 

Nce lines

 

ਬਹੁਤ ਖੂਬ 

 

ਜੀਓ

 

hatts off,...........superbly written,...............so good

 

very well written veer,......great

Thank everyone. ..jionde wassde raho...

behadd khoobsurat ..! kujh ida Hi har koi mehsoos . howega.. dil tuttan vele.

Thanks. ..jio...