ਤੇਰੇ ਕੋਲ ਹੋਰ ਨੇ ਗੱਲਾਂ
ਮੇਰੇ ਕੋਲੇ ਹੋਰ ਗੱਲਾਂ ਨੇ
ਲੋਕਾਂ ਕੋਲੇ ਵੱਖਰੀਆਂ ਗੱਲਾਂ
ਪਰ ਗੱਲਾਂ ਵਿਚਲਾ ਫਰਕ ਬੜਾ ਏ..

ਕੀ ਕਰਦਾ ਹਾਂ,ਕਿੳਂ ਕਰਦਾ ਹਾਂ?
ਕਿਉਂ ਡੁੱਬਦਾ ਹਾਂ,ਕਿਉਂ ਤੁਰਦਾ ਹਾਂ?
ਅਹਿਸਾਸਾਂ ਦੇ ਰੋੜ੍ਹ ਸਮੁੰਦਰ
ਫੇਰ ਮੈਂ ਚੁਲੀਆਂ ਕਿਉਂ ਭਰਦਾ ਹਾਂ?
ਉਹਨਾਂ ਕੋਲ ਸਵਾਲ ਬੜੇ ਨੇ
ਮੇਰੇ ਕੋਲੇ ਤਰਕ ਬੜਾ ਏ..

ਉਹਦੀ ਸਮਝ 'ਚ ਆਈਆਂ ਹੀ ਨਹੀਂ
ਕਿਸੇ ਨੂੰ ਹੋਰ ਸੁਣਾਈਆਂ ਹੀ ਨਹੀਂ
ਸੁਣੇ ਕੋਈ ਤਾਂ ਸਾਂਝ ਜਿਹੀ ਪੈਜੇ
ਤੇ ਆਪਾਂ ਸਾਂਝਾਂ ਪਾਈਆਂ ਹੀ ਨਹੀਂ
'ਉਹ ਗੱਲਾਂ' ਬਸ ਗੱਲਾਂ ਨਹੀਂ ਜੋ
ਪਰ ਉਹਨਾਂ ਦਾ 'ਠਰਕ' ਬੜਾ ਏ..

ਓਹ ਕਰਾਂ ਕਿ ਐਧਰ ਹੋਵਾਂ
ਇਸ ਪਿਛੋਂ ਕਿਸ ਕੰਮ ਨੂੰ ਛੋਵਾਂ?
ਕਿਸੇ ਦੇ ਕਰਕੇ ਕਿਉਂ ਰੁਕਾਂ ਮੈਂ..?
ਕੋਲ ਖ਼ੁਦੀ ਦੇ ਕਦੋਂ ਖਲੋਵਾਂ ..?
ਮੇਰਾ ਇਹਨਾਂ ਦੋ-ਚਿੱਤੀਆਂ ਵਿੱਚ
ਹੋਇਆ ਬੇੜਾ ਗਰਕ ਬੜਾ ਏ ~