ਰੂਹ ਨਾਲ ਰੂਹ ਦੀ ਗੱਲਬਾਤ ਨੂੰ ਤਰਸਦੇ
ਹੁਸਨ ਤੇ ਇਸ਼ਕ਼ ਦੀ ਮੁਲਾਕਾਤ ਨੂੰ ਤਰਸਦੇ !
ਧੁਖਦੇ ਹੀ ਰਹੇ ਗਿੱਲੀ ਲਕੜੀ ਦੇ ਵਾਂਗ ਸਦਾ
ਤੇਰੇ ਰਹਿਮ ਦੀ ਬਰਸਾਤ ਨੂੰ ਤਰਸਦੇ !
ਹਨ੍ਹੇਰਿਆਂ ਦੇ ਜੰਗਲ਼ ਚ ਗੁੰਮਸ਼ੁਦਾ ਹੋ ਗਏ
ਤੇਰੇ ਇਕਰਾਰ ਦੀ ਪ੍ਰਭਾਤ ਨੂੰ ਤਰਸਦੇ !
ਹੋਵਣ ਦੀਦਾਰ ਤੇਰੇ ਭਾਵੇਂ ਕਿਸੇ ਖੁਆਬ ਚ
ਅਸੀਂ ਕੋਈ ਹਸੀਨ ਜਹੀ ਰਾਤ ਨੂੰ ਤਰਸਦੇ !
ਬੱਦਲਾਂ ਨੇ ਪਰਦੇ ਚ ਚੰਨ ਨੂੰ ਲੁਕੋ ਲਿਆ
ਖੜੇ ਰਹੇ ਤਾਰੇ ਇੱਕ ਝਾਤ ਨੂੰ ਤਰਸਦੇ !
ਹਰਪਿੰਦਰ " ਮੰਡੇਰ "
ਬਹੁਤ ਵਧੀਆ ਵੀਰੇ
ਬਹੁਤ ਹੀ ਸ਼ਾਨਦਾਰ ,...............very well written poetry