ਗੀਤ

ਤੇਰੀ  ਦੀਦ  ਦੇ  ਸਹਾਰੇ, ਵੇ  ਮੈਂ  ਰਾਹਾਂ  ‘ਚ  ਖਲੋਵਾਂ

ਸਾਜ  ਯਾਦਾਂ  ਨੂੰ  ਬਣਾ ਕੇ , ਗੀਤ  ਵਸਲਾਂ  ਦੇ ਛੋਵਾਂ

ਸੁਣਿਆ ਕਿ ਜਗ ਨੂੰ ਸਜਣਾ,ਵੰਡਦਾ ਪਿਆਂ ਤੂੰ ਹਾਸੇ

ਤੇਰੇ ਪਿਆਰ  ਦੀ ਹਾਂ ਮੰਗਤੀ ,ਖਾਲੀ ਨੇ ਮੇਰੇ  ਕਾਸੇ

ਬਣੀ  ਜਿੰਦਗੀ  ਹਨੇਰਾ, ਆ  ਕੇ  ਕਰ  ਜਾ  ਤੂੰ ਲੋਵਾਂ

ਤੇਰੀ  ਦੀਦ  ਦੇ  ਸਹਾਰੇ, ਵੇ  ਮੈਂ  ਰਾਹਾਂ  ‘ਚ ਖਲੋਵਾਂ

ਹੋ  ਕੇ   ਜੁਦਾ  ਮੈਂ ਤੈਥੋਂ , ਘੁਟ-ਘੁਟ   ਲਹੂ  ਦੇ  ਪੀਤੇ

ਪਲ-ਪਲ ਦੇ  ਰਾਤ ਦਿਨ  ਮੈਂ, ਟੁਕੜੇ  ਹਜ਼ਾਰ ਕੀਤੇ

ਲੈ  ਕੇ ਗਮਾਂ  ਦਾ  ਧਾਗਾ, ਹੰਝੂਆਂ  ਨੂੰ  ਵਿਚ  ਪਰੋਵਾਂ

ਤੇਰੀ  ਦੀਦ  ਦੇ  ਸਹਾਰੇ,  ਵੇ  ਮੈਂ  ਰਾਹਾਂ ‘ਚ ਖਲੋਵਾਂ

ਪਾ-ਪਾ   ਕੇ  ਔਂਸੀਆਂ  ਹੁਣ , ਪੋਟੇ  ਵੀ  ਜ਼ਖਮੀ  ਹੋਏ

ਚਿਹਰਾ  ਵੀ  ਜ਼ਰਦ   ਹੋਇਆ,ਨੈਣਾਂ ‘ਚ  ਪੈ ਗੇ ਟੋਏ

ਹੁਣ  ਆ ਵੀ ਜਾ  ਤੂੰ ਸੋਹਲ, ਬਰੂਹਾਂ ‘ਚ  ਤੇਲ ਚੋਵਾਂ

ਤੇਰੀ  ਦੀਦ  ਦੇ  ਸਹਾਰੇ,  ਵੇ  ਮੈਂ  ਰਾਹਾਂ ‘ਚ ਖਲੋਵਾਂ

ਆਰ.ਬੀ.ਸੋਹਲ

bhaut khoob ji.....god bless u

ਬਹੁੱਤ ਧੰਨਵਾਦ ਜੀ 

Thanks very much ji

Waah,.............Great touch of feelings in ur words "sohal" saab,...........duawaan

ਬਹੁੱਤ ਮਿਹਰਬਾਨੀ ਸੁਖਪਾਲ ਸਾਹਬ ਜੀਓ