ਰੱਬ ਕਰਕੇ ਤੂੰ ਇਹ ਕਹਿਰਾਂ ਨਾਂ ਢਾਈਂ ਯਾਰਾ !
ਭੁੱਲ ਕੇ ਵੀ ਤੂੰ ਗਲਵਕੜੀ ਨਾਂ ਪਾਈਂ ਯਾਰਾ !!

ਮੇਰੇ ਸਬਰਾਂ ਨੂੰ ਉਮਰਾਂ ਦੇ ਰੋਣੇ ਦੇ ਕੇ !
ਹੁਣ ਸਬਰਾਂ ਨੂੰ ਖੋਰੇ ਨਾਂ ਤੂੰ ਲਾਈਂ ਯਾਰਾ !!

ਨੈਣਾਂ ਦੇ ਓਹ ਅੱਥਰੂ ਸੁੱਕ ਸੁੱਕ ਮੁੱਕਲੇ ਜਿਹੜੇ !
ਓਹ ਕੋਮਲ ਬੱਚਿਆਂ ਨੂੰ ਨਾਂ ਰੋਆਈਂ ਯਾਰਾ !!

ਤੇਰੇ ਪਿਆਰ ਨੂੰ ਸਜਦੇ ਸਲਾਮ ਲੱਖ ਵਾਰੀ !
ਭਾਵੇਂ ਸਦੀਆਂ ਤੱਕ ਖੈਰਾਂ ਨਾਂ ਪਾਈਂ ਯਾਰਾ !!

ਤੇਰਾ ਬਿਰਹਾ ਮੇਰੇ ਸਾਹੀਂ ਜਾ ਰਚਿਆ ਹੈ !
ਇਸ ਚਰਖੇ ਨੂੰ ਕੁੱਝ ਨਾਂ ਤੂੰ ਸਮਝਾਈਂ ਯਾਰਾ !!

ਨਜ਼ਰਾਂ ਵਿੱਚ ਹੁਣ ਨਫਰਤ ਹੀ ਰੱਖ ਮੇਰੀ ਖਾਤਿਰ !
ਸਦੀਆਂ ਤੱਕ ਵੀ ਮੇਰੇ ਘਰ ਨਾਂ ਆਈਂ ਯਾਰਾ !!

ਧੋਖੇ ਦੇ ਜਾ ਹਜ਼ਾਰ ਮੈਨੂੰ ਦੁਸ਼ਮਣ ਬਣਕੇ !
ਨਾਂ ਮੁੜ ਦੋਸਤ ਬਣ ਪਿਆਰ ਦੁਹਰਾਈਂ ਯਾਰਾ !!

ਬਣ ਚੁੱਕਿਆ ਤੂੰ ਦਿਲ ਵਿੱਚ ਹੁਣ ਮੂਰਤ ਪੱਥਰ ਦੀ !
ਤੜਪਣ ਦੇ ਮੈਨੂੰ ਦਿਲ ਨਾਂ ਪਿਘਲਾਈਂ ਯਾਰਾ !!

ਪਰਮ ਮੁੰਡੇ

nycc......tfs......