Punjabi Culture n History
 View Forum
 Create New Topic
 Search in Forums
  Home > Communities > Punjabi Culture n History > Forum > messages
ਬਿੱਟੂ ਕਲਾਸਿਕ  .
ਬਿੱਟੂ ਕਲਾਸਿਕ
Posts: 2442
Gender: Male
Joined: 12/Nov/2011
Location: New Delhi
View All Topics by ਬਿੱਟੂ ਕਲਾਸਿਕ
View All Posts by ਬਿੱਟੂ ਕਲਾਸਿਕ
 
ਗੋਬਿੰਦ.........

" ਵੀਹ ਵਰ੍ਹੇ ਪਹਿਲਾਂ ਗੁਰਦੁਆਰਾ ਮਨੀਕਰਣ ਵਿਖੇ
ਨਿੱਕੀ ਜਿਹੀ ਤਸਵੀਰ ਟੰਗੀ ਵੇਖੀ :" ਕਵੀ ਗੁਰੂ ਗੋਬਿੰਦ ਸਿੰਘ
"
ਪਿੱਠ ਭੂਮੀ ਹਨੇਰੀ,ਗੁਰੂ ਹੱਥ ਕਲ਼ਮ,ਚਿਹਰੇ ਸ਼ਬਦ ਚਾਨਣ,ਅੱਖਾਂ ਕੋਮਲ
ਤਰਲ -- ਗੋਬਿੰਦ ਦੀ ਇਹ ਤਸਵੀਰ ਵਿਰਲੀ ਹੈ । ਏਸ ਲਈ
ਨਹੀਂ ਕਿ ਗੋਬਿੰਦ ਏਦਾਂ ਦੇ ਸੀ ਨਹੀਂ । ਏਸ ਲਈ
ਵੀ ਨਹੀਂ ਕਿ ਇਹ ਤਸਵੀਰ ਕਿਸੇ ਬਣਾਈ ਨਹੀਂ । ਏਸ ਲਈ
ਕਿ -- ਅਸੀਂ ਬਣਨ ਨਹੀਂ ਦੇਂਦੇ । ਸਾਡੀ ਸੰਸਕਾਰੀ ਅੱਖ ਵਿੱਚ ਗੁਰੂ
ਗੋਬਿੰਦ ਦੀ ਤਸਵੀਰ ਏਦਾਂ ਹੈ : ਤਣਿਆ ਚਿਹਰਾ,ਸਿੱਧੀ ਧੌਣ,ਭੱਥੇ
ਤੀਰ,ਗਲ਼ ਮੋਤੀ,ਸ਼ਾਹੀ ਲਿਬਾਸ,ਮੋਢੇ ਬਾਜ਼,ਹੱਥ
ਕਿਰਪਾਨ,ਹੇਠਾਂ ਘੋੜਾ,ਆਲੇ ਦੁਆਲੇ ਸੰਗਤ,ਪਿੱਛੇ ਫ਼ੌਜ,ਅੱਗੇ ਮੌਤ ...!
ਸਿੰਘ,ਸਹਿਜਧਾਰੀ,ਫ਼ੌਜੀ,ਨਕਸਲੀ ਜਾਂ ਖਾਲਿਸਤਾਨੀ -- ਸਭ
ਦੀ ਸੋਚ ਇਕ ਦੂਜੇ ਤੋਂ ਵੱਖਰੀ । ਕਈ ਵਾਰ ਉਲਟ ਵੀ । ਗੁਰੂ ਗੋਬਿੰਦ
ਸਿੰਘ -- ਸਭ ਦੀ ਪ੍ਰੇਰਣਾ । ਕਿਵੇਂ ? ਕਿਉਂ ?
ਹਰ ਸੱਭਿਅਤਾ ਨਾਇਕ ਲਭਦੀ ਹੈ -- ਪ੍ਰੇਮ ਲਈ,ਸੱਚ
ਲਈ,ਸੁਤੰਤਰਤਾ ਲਈ । ਨਾਇਕ ਉਹ ਸੰਚਾ ਹੈ ਜਿਸ ਵਿੱਚ
ਨਵਾਂ ਜੰਮਿਆ ਬੰਦਾ ਪਿਘਲਾ ਕੇ ਪਾਉਣਾ ਹੁੰਦਾ ਹੈ -- ਨਾਇਕ
ਵਰਗੇ ' ਕਲੋਨ ' ਪੈਦਾ ਕਰਨ ਲਈ । ਸੱਭਿਅਤਾ ਨੂੰ ਨਾਇਕ ਨਾ ਲੱਭੇ
ਤਾਂ ਘੜ ਲੈਂਦੀ ਹੈ । ਗੁਰੂ ਗੋਬਿੰਦ ਸਾਡੇ ਲਈ ਦਲੇਰੀ ਤੇ ਸ਼ਹੀਦੀ ਦੇ
ਨਾਇਕ ਹਨ ।
ਗੁਰੂ ਗੋਬਿੰਦ ਸੱਚਮੁੱਚ ਹੋਏ,ਪਰ ਅਸੀਂ ਓਨੇ ਜਾਣੇ ਨਹੀਂ,ਜਿੰਨੇ ਘੜ ਲਏ
। ਗੁਰੂ ਨੂੰ ਜਾਣਨਾ ਔਖਾ ਹੈ,ਸਮਝਣਾ ਹੋਰ ਔਖਾ,ਸਮਝ ਕੇ
ਜੀਣਾ ਲੱਗਭੱਗ ਅਸੰਭਵ,ਪਰ ਘੜਣਾ ਸੌਖਾ । ਸੱਚ ਅਤੇ ਇਤਿਹਾਸ ਨੂੰ
ਮਿਥਿਹਾਸ ਬਣਾਉਣ ਲਈ ( ਕਿਸੇ ਦੇ ਤੁਰ ਜਾਣ ਮਗਰੋਂ ) ਇਕ ਪੁਸ਼ਤ
ਹੀ ਬਹੁਤ ਹੁੰਦੀ ਹੈ । ਉਸ ਮਹਾਂਪੁਰਖ ਨੂੰ ਵਿਦਾ ਹੋਇਆਂ
ਤਾਂ ਬਾਰਾਂ ਪੰਦਰਾਂ ਪੁਸ਼ਤਾਂ ਬੀਤ ਚੁੱਕੀਆਂ ਹਨ ।
ਆਨੰਦਪੁਰ ਤੇ ਚਮਕੌਰ ਦੀ ਜੰਗ ਹਾਰੇ,ਖਿਦਰਾਣੇ ਦੀ ਢਾਬ 'ਤੇ ਲੜ ਕੇ
ਹਟੇ,ਮੌਤ ਨੂੰ ਟਾਲਦੇ ਵੰਗਾਰਦੇ ਗੋਬਿੰਦ -- ਆਪਣੀ ਸਲਤਨਤ ਮੋੜਣ ਲਈ
ਫ਼ੌਜ ਇਕੱਠੀ ਨਹੀਂ ਕਰਦੇ : ਦਮਦਮੇ ਬਹਿ ਕੇ ਗੁਰੂ ਗ੍ਰੰਥ ਦਾ ਮੁੜ
ਸੰਪਾਦਨ ਕਰਦੇ ਹਨ । ਉਨ੍ਹਾਂ ਨੂੰ ਪਤਾ ਹੈ -- ਸ਼ਕਤੀ ਸ਼ਬਦ ਵਿਚ ਹੈ
। ਓਥੋਂ ਹੀ ਇਹ ਸ਼ਖ਼ਸ ਤੇ ਸ਼ਮਸ਼ੀਰ ਵਿਚ ਦਾਖਲ ਹੁੰਦੀ ਹੈ । ਉਹ
ਸੰਤ, ਸਿਪਾਹੀ ਹੋਣ ਨੂੰ ਆਖਦੇ ਹਨ.....ਸਿਪਾਹੀ,ਸੰਤ ਹੋਣ ਨੂੰ
ਨਹੀਂ ।
ਇਹ ਗੋਬਿੰਦ -- ਸਾਡੀ " ਲੋੜ " ਦਾ ਗੋਬਿੰਦ ਨਹੀਂ । ਅਸੀਂ ਉਹਨੂੰ
ਮੁੜ ਘੜਦੇ ਹਾਂ । ਉਹਦੇ ਹੱਥੋਂ ਕਲਮ ਲੁਕਾਅ,ਸ਼ਮਸ਼ੀਰ ਫ਼ੜਾਉਂਦੇ ਹਾਂ ।
ਅੱਖ ਵਿੱਚੋਂ ਕਰੁਣਾ ਕੱਢ ਬੀਰ ਰਸ ਪਾਉਂਦੇ ਹਾਂ । " ਜਿਨ ਪ੍ਰੇਮ
ਕੀਓ ਤਿਨ ਹੀ ਪ੍ਰਭ ਪਾਇਓ " ਮੇਟ ਕੇ ਮੱਥੇ " ਨਿਸਚੈ ਕਰ
ਆਪਨੀ ਜੀਤ ਕਰੋਂ " ਖੁਣਦੇ ਹਾਂ । ਅਜਿਹੇ ਗੋਬਿੰਦ ਨੂੰ ਹੁਣ ਅਸੀਂ "
ਵਰਤ " ਸਕਦੇ ਹਾਂ ....।
ਗੁਰੂ ਕਿਹਾ : " ਪ੍ਰਿਥਮ ਭਗੌਤੀ ਸਿਮਰਿ ਕੈ ਗੁਰ ਨਾਨਕ ਲਈਂ
ਧਿਆਇ " ।
ਅਸੀਂ ਪਹਿਲੀ ਅੱਧੀ ਤੁਕ ਸਾਂਭ ਲੈਂਦੇ,ਪਿਛਲੀ ਅੱਧੀ ਤਿਆਗ
ਦਿੰਦੇ ਹਾਂ । ਸ਼ਕਤੀ ਪਹਿਲਾਂ ਸ਼ਬਦ ਪਿੱਛੋਂ ।
ਜਿਹੜਾ ਪਹਿਲਾ ਅੱਧ ਪੂਰਾ ਕਰ ਲੈਂਦਾ ਹੈ,ਤਾਕਤਵਰ ਤੇ
ਸੱਤਾਧਾਰੀ ਹੋ ਜਾਂਦਾ ਹੈ : ਦੂਜੇ ਅੱਧ ਦੀ ਉਹਨੂੰ ਲੋੜ
ਨਹੀਂ ਰਹਿੰਦੀ । ਸਾਡੇ ਤੇ ਰਾਜ ਕਰਦਾ ਹੈ,ਸਾਡਾ ਧਰਮ
ਨਿਸ਼ਚਿਤ ਕਰਦਾ ਹੈ -- ਗੋਬਿੰਦ ਮੁਤਾਬਕ ਨਹੀਂ,ਆਪਣੇ ਮੁਤਾਬਕ ।
ਅਸੀਂ ਓਨ੍ਹਾਂ ਦੇ ਹੁਕਮ ਵਿਚ ਜੀਂਦੇ ਹਾਂ ਜਿੰਨ੍ਹਾਂ ਵਿਰੁੱਧ ਗੋਬਿੰਦ
ਲੜਿਆ ।
ਨਾਨਕ ਹੱਸਦਾ ਸੀ ਤੇ ਨੱਚਦਾ ਵੀ ਸੀ । ਮੂਰਤ ਘੜ ਕੇ
ਅਸੀਂ ਨਾਨਕ ਨੂੰ ਚਿੱਟੇ ਦਾਹੜੇ,ਉਦਾਸੀਨ ਚਿਹਰੇ ਤੇ ਉੱਠੇ ਹੋਏ ਹੱਥ
ਵਿਚ ਕੈਦ ਕਰਦੇ ਹਾਂ । ਨਾਨਕ ਨੂੰ ਜੁਆਨ ਨਹੀਂ ਹੋਣ ਦਿੰਦੇ,ਗੋਬਿੰਦ ਨੂੰ
ਸ਼ਾਂਤ ਨਹੀਂ ਹੋਣ ਦੇਂਦੇ ।
ਅਸੀਂ ਆਪਣੇ ਸਟੀਰੀਓਟਾਈਪ : ਪੂਰਵ - ਨਿਸ਼ਚਿਤ ਚਿਹਰੇ,ਗੁਣ ਤੇ
ਲੋੜਾਂ -- ਉਨ੍ਹਾਂ 'ਤੇ ਲਾਗੂ ਕਰਦੇ ਹਾਂ ।
ਉਹ ਸਨ ਕਿਹੋ ਜਿਹੇ -- ਨਹੀਂ ਜਾਣਨਾ ਚਾਹੁੰਦੇ । ਉਹ ਕਿਹੋ ਜਿਹੇ
ਹੋਣ : ਏਹਦਾ ਫ਼ੈਸਲਾ ਕਰਦੇ ਹਾਂ ।
ਅਸੀਂ ਨਾਨਕ ਦੀ ਉਹ ਤਸਵੀਰ ਬਣਨ ਹੀ ਨਹੀਂ ਦੇਂਦੇ -- "
ਯੋਧਾ ਨਾਨਕ " ..... " ਹੱਸਦਾ ਨਾਨਕ " ........
ਅਸੀਂ ਗੋਬਿੰਦ ਦੀ ਉਹ ਤਸਵੀਰ ਵੀ ਨਹੀਂ ਬਣਨ ਦੇਂਦੇ -- "
ਕਵੀ ਗੋਬਿੰਦ " ..... " ਖੇਡਦਾ ਗੋਬਿੰਦ " .......!! "
------------------------------------------------------------
------------------------------------
ਸੁਖਪਾਲ.....(( ਕਿਤਾਬ ' ਏਸ ਜਨਮ ਨਾ ਜਨਮੇ ' ਵਿੱਚੋਂ ))
28 Dec 2014

Sandeep Sharma
Sandeep
Posts: 715
Gender: Male
Joined: 27/Mar/2014
Location: Garshankar
View All Topics by Sandeep
View All Posts by Sandeep
 
This work explores and questions the not so questioned and discussed historical facts,

and also exposes our greedy manipulations of even purest of our treasures ,which finally brings out a conclusion that shows our hypocrisy and our pretense interpretations of pure teachings of great souls that ever came on this planet.
29 Dec 2014

JAGJIT SINGH
JAGJIT
Posts: 1612
Gender: Male
Joined: 03/Jun/2013
Location: Gurgaon
View All Topics by JAGJIT
View All Posts by JAGJIT
 

 

ਦੋ ਵਿਲੱਖਣ ਸ਼ਖਸੀਅਤਾਂ (ਬਾਦਸ਼ਾਹ ਦਰਵੇਸ਼ ਗੁਰੂ ਗੋਬਿੰਦ ਸਿੰਘ ਅਤੇ ਦ੍ਰਿੜ੍ਹ ਇਰਾਦੇ ਵਾਲੇ ਸਤਿਵਾਦੀ ਗੁਰੂ ਨਾਨਕ) 'ਤੇ ਬੜੇ ਅਲੱਗ ਅਤੇ ਵਿਲੱਖਣ ਦ੍ਰਿਸ਼ਟੀ ਕੋਣਾਂ ਤੋਂ ਘੋਖ ਕੇ ਰਚਨਾ ਘੜੀ ਹੈ |
ਬਿੱਟੂ ਬਾਈ ਜੀ, ਸ਼ੇਅਰ ਕਰਕੇ ਧੰਨਵਾਦ |

ਦੋ ਵਿਲੱਖਣ ਸ਼ਖਸੀਅਤਾਂ (ਬਾਦਸ਼ਾਹ ਦਰਵੇਸ਼ ਗੁਰੂ ਗੋਬਿੰਦ ਸਿੰਘ ਅਤੇ ਦ੍ਰਿੜ੍ਹ ਇਰਾਦੇ ਵਾਲੇ ਸਤਿਵਾਦੀ ਗੁਰੂ ਨਾਨਕ) 'ਤੇ ਬੜੇ ਅਲੱਗ ਅਤੇ ਵਿਲੱਖਣ ਦ੍ਰਿਸ਼ਟੀ ਕੋਣਾਂ ਤੋਂ ਘੋਖ ਕੇ ਰਚਨਾ ਘੜੀ ਹੈ |

 

No Comments !


ਬਿੱਟੂ ਬਾਈ ਜੀ, ਸ਼ੇਅਰ ਕਰਕੇ ਧੰਨਵਾਦ |

 

29 Dec 2014

Reply