HAPPY DURGA (ASHTMI) POOJA TO THE BELIEVERS !!!

 

          ਦੇਵੀ ਦੁਰਗਾ 

ਸੁੱਚਾ ਮਨਸੂਬਾ ਘੜ ਕੇ,

ਹਿੰਮਤ ਦੇ ਸ਼ੇਰ 'ਤੇ ਚੜ੍ਹਕੇ,

ਮਚਦੇ ਹੋਏ ਪਿੜ 'ਚ ਵੜਕੇ,

ਬੁਰਿਆਈ ਸਾਹਵੇਂ ਖੜ੍ਹਕੇ |  

ਸ਼ਕਤੀ ਦਾ ਮੁਕਟ ਸੀਸ ਤੇ,

ਨੈਣਾਂ ਵਿਚ ਭਰ ਅੰਗਾਰੇ,

ਇੱਕ ਹੱਥ 'ਚ ਖੱਪਰ ਲੈਕੇ,

ਦੂਜੇ ਲੈ ਖੜਗ ਵੰਗਾਰੇ |      

ਦੁਸ਼ਟਾਂ ਨੂੰ ਸੋਧਣ ਖ਼ਾਤਰ,

(ਦਸ) ਅਸ਼੍ਟ ਭੁਜਾਵਾਂ ਲੈਕੇ,

ਲਪਕੇ ਉਹ ਵਾਂਗ ਦਾਮਨੀ,

ਮੌਤ ਦੀਆਂ ਰਾਹਾਂ ਲੈਕੇ |

ਸੁੰਭ ਨਿਸੁੰਭ ਸੰਘਾਰ ਕੇ,

ਰੋਹਲੀ ਵਧ ਅੱਗੇ ਆਈ,

ਅਹਿਮ ਦੇ ਮਹਿਸ਼ਾਸੁਰ ਨੂੰ

ਭੋਇੰ ਸੁੱਟ ਧੂੜ ਚਟਾਈ |

ਉਸ ਐਸੀ ਪਾਈ ਠਲ੍ਹ, 

ਕਥਾ ਜੱਗ ਗਾਉਂਦਾ ਰਣ ਦੀ ਏ,

ਬੜੇ ‘ਦਮ’, ‘ਜੁਗਤਾਂ’ ਦੇ ਨਾਲ, 

ਜੁਗਾਂ ਵਿਚ ਦੁਰਗਾ ਬਣਦੀ ਏ |

                              ਜਗਜੀਤ ਸਿੰਘ ਜੱਗੀ

 ਨੋਟ: 

ਸੁੱਚਾ ਮਨਸੂਬਾ - ਸ਼ੁਭ ਮੰਤਵ, ਯੋਜਨਾ or ਪਾਪ, ਅਹਿਮ ਆਦਿ ਦਾ ਅੰਤ ਕਰਨ ਦਾ ਸੰਕਲਪ; ਮਚਦੇ ਹੋਏ ਪਿੜ 'ਚ - ਰਣ ਤੱਤੇ ਵਿਚ; (ਦਸ) ਅਸ਼੍ਟ ਭੁਜਾਵਾਂ ਲੈਕੇ - ਦੇਵੀ ਦੁਰਗਾ ਦੀਆਂ ਕਿਧਰੇ ਦਸ, ਤੇ ਕਿਧਰੇ ਕਿਧਰੇ ਅੱਠ ਭੁਜਾਵਾਂ ਦੱਸੀਆਂ ਗਈਆਂ ਹਨ; ਦਾਮਨੀ - ਬਿਜਲੀ; ਰੋਹਲੀ - ਕ੍ਰੁਧਿੱਤ or ਕ੍ਰੋਧ ਵਿਚ ਦੇਵੀ; ਬੜੇ ਦਮ ਜੁਗਤਾਂ ਦੇ ਨਾਲ - ਬੜੀ ਸ਼ਕਤੀ, ਪੱਕੇ ਇਰਾਦੇ ਅਤੇ ਜੁਗਤੀ ਪੂਰਨ ਉਪਰਾਲੇ ਨਾਲ |

 

On this ashtami a consecrated gift from Jagjit sir to all devotees of Durga, which is one of the million expressions of feminine energy, and which is also the basis of this creation,

Devotion very well put up in words, may devi bless us for celebrating life as a whole,

keep writing and thanks for sharing Sir.

 

ਸੰਦੀਪ ਬਾਈ ਜੀ, ਸ਼ੁਕਰੀਆ !!!

ਤੁਸੀਂ ਆਪਣੇ ਸਮੇਂ ਚੋਂ ਕੁਝ ਘੜੀਆਂ ਕੱਢਕੇ ਫੋਰਮ ਤੇ ਆਏ ਅਤੇ ਹੌਂਸਲਾ ਅਫਜ਼ਾਈ ਕੀਤੀ |

ਸਭ ਨੂੰ ਫੈਸਟਿਵ ਸੀਜ਼ਨ ਲਈ ਬਹੁਤ ਸਾਰੀਆਂ ਸ਼ੁਭ ਕਾਮਨਾਵਾਂ !!!