"ੲਿੱਕ ਡਰ..."

ਕੰਨਿਆਕੁਮਾਰੀ ਬੱਸ ਅੱਡੇ ਤੇ
ਆਵਾਜਾਂ ਦੇ ੲਿੱਕ ਝੁਰਮੁਟ ਵਿੱਚ
ਮੈਂ ਥਕਾਵਟ ਦੀ ਟੋਪੀ ਲਾ
ਕਿਸੇ ਫੋਟੋ ਪੋਜ਼ ਵਿੱਚ ਖੜ੍ਹਾ
ਸਵੇਰ ਦੀ ਧੁੱਪ 'ਚ ਆਪਣੇ ਪਰਛਾਵੇਂ ਦਾ
ਚਿਹਰਾ ਉਕੇਰ ਰਿਹਾ ਸੀ
ਕਿ ਸਾਹਮਣੋ ਤੋਂ ਅਚਾਨਕ
ੲਿੱਕ ਸਰੂ ਦੇ ਕੱਦ ਦੀ ਵਿਦੇਸ਼ੀ ਸੈਲਾਨੀ
ਕਾਗਜ਼ ਕਲਮ ਹੱਥ ਵਿੱਚ ਫੜ੍ਹੀ,
ਮੇਰੇ ਵੱਲ੍ਹ ਆਈ,
ਜਿਸਦਾ ਚਿਹਰਾ ਕਿਸੇ ਭਟਕੀ ਖੁਸ਼ਬੋ ਵਰਗਾ ਸੀ
ਤੇ ਜਿਵੇਂ ੳੁਹ ਆਪਣਾ ਸੋਤ੍ਰ ਫੁੱਲ ਲੱਭ ਰਹੀ ਹੋਵੇ
ਤੇ ਨੈਣ ਲਹਿਰ ਵਾਂਗ ਕਿਨਾਰਾ ਲੱਭਦੇ ਹੋਣ
ੳੁਸਨੇ ਕਾਗਜ਼ ਤੇ ੲਿੱਕ ਸ਼ਹਿਰ ਦਾ ਨਾਂ ਲਿਖ
ਤੇ ਹੱਥਾਂ ਨਾਲ ੲਿਸ਼ਾਰਾ ਕਰ
ਮੇਤੋਂ ਉਸ ਸ਼ਹਿਰ ਵੱਲ੍ਹ ਜਾਂਦੀ ਬੱਸ ਬਾਰੇ ਪੁੱਛਿਆ
ਬੋਲਣ ਦੀ ੲਿੱਕ ਨਾਕਾਮ ਕੋਸ਼ਿਸ਼ ਵੀ ਕੀਤੀ
ਪਰ ਸਾਹ ਹਰ ਕੰਪਨ ਤੋਂ ਸੱਖਣੇ ਸਨ,
ਤੇ ਕੰਨ ਹਰ ਨਾਦ ਲਈ ਗੈਰਹਾਜ਼ਰ
ੳੁਹ ਤੇ ਜਿਵੇਂ ਕੋਈ ਰੁੱਖ ਸੀ
ਜਿਸਦੀਆਂ ਜੜ੍ਹਾਂ ਜਾਣਦੀਆਂ ਸਨ
ਕਿਵੇਂ ਮਿੱਟੀ ਸੰਗ ਜੁੜਨਾ ਹੈ
ਪਰ ਜੋ ਮਿੱਟੀ ਨੂੰ
ਮਹਿਸੂਸ ਨਾ ਕਰ ਸਕਦੀਆਂ ਹੋਣ
ਜੋ ਹਜ਼ਾਰਾਂ ਕਲਮਾਂ ਦਾ ਜਾੲਿਆ ਹੋਵੇ
ਪਰ ਕੁਝ ਕਹਿਣ ਲਈ ਪੋਣਾਂ ਦਾ ਸਹਾਰਾ ਲੈਣਾ ਪਵੇ
ਜੋ ਸ਼ੋਰ ਦੇ ਸਤਾੲਿਆਂ ਨੂੰ ਚੁੱਪਾਂ ਵੰਡਦਾ ਹੋਵੇ
ਤੇ ਖੁਦ ੳੁਸ ਲਈ ਉਹ ਚੁੱਪ ਸਰਾਪ ਹੋਵੇ
ਪਰ ਮੈਂ ਖੁਸ਼ ਸੀ,
ਕਿ ਉਸ ਨੂੰ ਸਹੀ ਬੱਸ ਮਿਲ ਗਈ
ਪਰ ਸਦਾ ਲੲੀ,
ੲਿੱਕ ਡਰ ਮੇਰੇ ਅੰਦਰ ਘਰ ਕਰ ਗਿਆ
ਕਿ ਕੋੲੀ ਉਸਨੂੰ,
ਕਦੇ ਗਲਤ ਬੱਸ 'ਚ ਨਾ ਬਿਠਾ ਦੇਵੇ ॥

-: ਸੰਦੀਪ 'ਸੋਝੀ'

 

ਵਾਹ ਜੀ ਵਾਹ ! Super Sensitive, Sensible and Responsible...ਬੜੇ ਮਨ ਨਾਲ 'ਵੈਲਿਊ ਬੇਸਡ' ਅਤੇ ਬਹੁਤ ਹੀ ਸੁੰਦਰ ਕਿਰਤ ਸਿਰਜੀ ਹੈ ਜੀ |

ਸੰਦੀਪ ਬਾਈ, ਕਾਸ਼ ! ਇਹੋ ਜਿਹਾ ਅਮੀਰ ਨੀਅਤ ਦਾ ਡਰ ਹਰ ਮਨੁੱਖ ਦੇ ਦਿਲ ਵਿਚ ਵੱਸ ਜਾਵੇ ਤਾਂ ਇਹ ਧਰਤੀ ਸੁਖਮਈ ਹੋ ਜਾਵੇ ਅਤੇ ਫਿਰ ਕੋਈ ਕਿਧਰੇ ਵੀ ਸੁਤੰਤਰਤਾ ਨਾਲ ਘੁੰਮ ਫਿਰ ਸਕਦਾ ਹੈ |

ਨਾਰੀ ਸੁਤੰਤਰਤਾ, ਸੁਰੱਖਿਆ ਅਤੇ ਆਦਰ ਹੀ ਮਨੁੱਖ ਦੇ ਆਮਾਲ ਦੇ ਮਿਆਰ ਦੀ ਸਹੀ ਨਿਸ਼ਾਨੀ ਅਤੇ ਬੈਂਚ ਮਾਰਕ ਹਰ ਸਭਿਅਤਾ, ਦੇਸ਼, ਕਾਲ ਵਿਚ ਰਹੇ ਹਨ - ਕੋਈ ਮੰਨੇ, ਭਾਂਵੇਂ ਨਾ ਮੰਨੇ |

 

It needs to be reinforced.

 

ਸ਼ੇਅਰ ਕਰਨ ਲਈ ਸ਼ੁਕਰੀਆ |

ਬਹੁਤ ਈ ਵਧੀਆ ਜੀ....ਹੋਰ ਵੀ ਸੋਹਣਾ ਸੋਹਣਾ ਲਿਖਦੇ ਰਹੋ |

ਰੱਬ ਰਾਖਾ |   

 

ਜਗਜੀਤ ਸਰ ਤੁਸੀ ਹਮੇਸ਼ਾ ਦੀ ਤਰਾਂ ਰਚਨਾ ਨੂ ਆਪਣੇ ਕਮੈਂਟ੍‍ਸ ਨਾਲ ਨਵਾਜ਼ਿਆ, ਜੋ ਮੇਰੀਆਂ ਅਗਲੀਅਾਂ ਕੋਸ਼ਿਸ਼ਾਂ ਲਈ ਬਦਾਮਾਂ ਦਾ ਕੰਮ ਕਰਦੇ ਨੇ,

ਜਿਸ ਲਈ ਤੁਹਾਡਾ ਤਹਿ ਦਿਲੋਂ ਸ਼ੁਕਰੀਆ ਜੀ।

bahut khoob likhea sandeep g... so meaningful.. khushi hoyi ih rachna padh k...tuhade khyal bahut khoobsurat ne..Likhde Raho hamesha ! 

Rajwinder G,

Thanks a lot for visiting this verse and posting your motivating and kind words,

Jionde vasde raho g.