ਸਾਰਾ ਸਾਲ ਮਿੱਟੀ ਨਾਲ ਮਿੱਟੀ ਹੁੰਦਾ ਹੈ,
ਮਿਹਨਤ ਦਾ ਤਾਂ ਵੀ ਨਾ ਕੋਈ ਮੁੱਲ ਪੈਂਦਾ ਏ!
ਚੂਸੀ ਜਾਣ ਜੋਕਾਂ ਸੀ ਵੀ ਨੀ ਕਰਦਾ,
ਜੱਟ ਅੈਵੇਂ ਨਹੀਓਂ ਅੱਜ ਜ਼ਹਿਰਾਂ ਪੀ ਪੀ ਮਰਦਾ!

ਪੁੱਤ ਨਸ਼ੇ ਮਾਰ ਦਿੱਤਾ ਧੀ ਸਕੂਲੇ ਪੜਦੀ,
ਦਸ ਕਿੱਲੇ ਅੈਤਕੀਂ ਸੀ ਖੜੀ ਸੜ ਗਈ!
ਵੱਡੇ ਵੱਡੇ ਘਾਟੇ ਸਿਰ ਮੱਥੇ ਜਰਦਾ,
ਜੱਟ ਅੈਵੇਂ ਨਹੀਓਂ ਅੱਜ ਜ਼ਹਿਰਾਂ ਪੀ ਪੀ ਮਰਦਾ!

ਹੋਇਆ ਰੱਬ ਬੇਈਮਾਨ ਉੱਤੋਂ ਗੜਿਆਂ ਦੀ ਮਾਰ,
ਪਈ ਨਰਮੇ ਨੂੰ ਸੁੰਡੀ ਦਵਾ ਖਾ ਗਈ ਸਰਕਾਰ!
ਜਾਵੇ ਜ਼ਿੰਦਗੀ ਦੀ ਬਾਜ਼ੀ ਦਿਨੋ ਦਿਨ ਹਰਦਾ,
ਜੱਟ ਅੈਵੇਂ ਨਹੀਓਂ ਅੱਜ ਜ਼ਹਿਰਾਂ ਪੀ ਪੀ ਮਰਦਾ!

ਕਦੇ ਬੈਂਕ ਵਾਲੇ ਆਉਣ ਕਦੇ ਬੂਹੇ ਸ਼ਾਹੂਕਾਰ,
ਗੱਲ ਇੱਜ਼ਤ ਤੇ ਆਈ ਘਰੋਂ ਨਿਕਲੇ ਨਾ ਬਾਹਰ!
ਹੱਲ ਕੋਈ ਵੀ ਨਾ ਦਿਸੇ ਕੁਰਕੀ ਦੇ ਡਰ ਦਾ,
ਜੱਟ ਅੈਵੇਂ ਨਹੀਓਂ ਅੱਜ ਜ਼ਹਿਰਾਂ ਪੀ ਪੀ ਮਰਦਾ!

ਭਾਵੇਂ ਹਰ ਸਾਲ ਮੱਖਣੋਂ ਪੰਜਾਬ ਤੁਸੀਂ ਜਇਓ ਓਏ,
ਵਿਆਹਾਂ ਉੱਤੇ ਜੱਟ ਦਾ ਨਾ ਖਰਚ ਕਰਾਇਓ ਓਏ,
‘ਚੀਮੇ’ ਖੁਸ਼ੀਨਾਮੇ ਗਹਿਣੇ ਨੀ ਜ਼ਮੀਨ ਕੋਈ ਧਰਦਾ,
ਜੱਟ ਅੈਵੇਂ ਨਹੀਓਂ ਅੱਜ ਜ਼ਹਿਰਾਂ ਪੀ ਪੀ ਮਰਦਾ!
ਜੱਟ ਅੈਵੇਂ ਨਹੀਓਂ ਅੱਜ ਜ਼ਹਿਰਾਂ ਪੀ ਪੀ ਮਰਦਾ!