ਜਵਾਨੀ ਯੁੱਧ ਓਦੋਂ ਵੀ ਲੜਦੀ ਸੀ ਤੇ ਅੱਜ ਵੀ
ਕਰਪਾਨ ਹੱਥ ਉਦੋ ਹੀ ਸਜਦੀ ਸੀ ,ਅੱਜ ਨਹੀ
ਓਦੋਂ ਜਵਾਨੀ ਲੜਦੀ ਸੀ ਇੱਜਤਾ ਦੀ ਰਾਖੀ ਲਈ
ਅੱਜ ਲੜਦੀ ਹੈ ਇੱਜਤਾ ਹਥਿਆਉਣ ਦੇ ਲਈ
ਉਦੋ ਜੈਕਾਰੇ ਗੂੰਜਦੇ ਸਨ ਹੱਕ ਸੱਚ ਦੀ ਲੜਾਈ ਲਈ
ਅੱਜ ਟਾਕਰੇ ਹੁੰਦੇ ਵੱਡੇ ਦੀ ਝਿੜਕ ਤੇ ਕਿਸੇ ਦੀ ਘੂਰ ਵਿਖਾਈ ਲਈ
ਉਦੋ ਖੁਰਾਕਾ ਸਨ ਦੁੱਧ, ਘਿਉ ,ਲੱਸੀ ਤੇ ਮੱਖਣਾ ਦੇ ਡੂਨੇ
ਅੱਜ ਨੇ ਲੜਦੇ ਖਾ ਕੇ ਡੋਡੇ ਭੁੱਕੀਆ ਤੇ ਸੁੰਘ ਸਮੈਕ ਦੇ ਧੂਣੇ
ਉਏ ਪੰਜਾਬ ਦਿਆ ਜਵਾਨਾ ਮੱਲ ਮਾਰ ਕੋਈ ਚੱਜ ਦੀ
ਜਵਾਨੀ ਯੁੱਧ ਓਦੋਂ ਵੀ ਲੜਦੀ ਸੀ ਤੇ ਅੱਜ ਵੀ
ਕਰਪਾਨ ਹੱਥ ਉਦੋ ਹੀ ਸਜਦੀ ਸੀ ,ਅੱਜ ਨਹੀ
ਉਦੋ ਜਜਬਾ ਹੁੰਦਾ ਸੀ ਕੁਰਬਾਨੀਆ ਦੇਣ ਲਈ
ਅੱਜ ਧਰਨੇ ਦੇ ਨਾ ਤੋਂ ਇਹੋ ਜੇ ਪਾਸਾ ਵੱਟ ਲੈਂਦੇ ਕਈ
ਉਦੋ ਭਰੋਸਾ ਸੀ ਆਪਣੇ ਸਾਥੀਆ ਸੰਬੰਧੀਆ ਤੇ ਕਈ ਹੋਰਾ ਤੇ
ਅੱਜ ਚੱਲ ਪਿਆ ਯਾਰਮਾਰ ਦਾ ਦੌਰ ਪੂਰੇ ਜੌਰਾ ਤੇ
ਉਦੋ ਦਿਮਾਗ ਵੀ ਚਲਦਾ ਸੀ ਹੱਥ ਵੀ ਚੱਲਦੇ ਸਨ
ਅੱਜ14-14 ਸਾਲ ਦੇ ਬਾਲ ਕਿਉ ਜਰਦੇ ਮਲਦੇ ਹਨ
ਸੱਚ ਕਹਿੰਦੇ ਬੁੱਧੀਜੀਵੀ ਪੰਜਾਬ ਦੀ ਜਵਾਨੀ ਜਾਂਦੀ ਢਲਦੀ
ਜਵਾਨੀ ਯੁੱਧ ਓਦੋਂ ਵੀ ਲੜਦੀ ਸੀ ਤੇ ਅੱਜ ਵੀ
ਕਰਪਾਨ ਹੱਥ ਉਦੋ ਹੀ ਸਜਦੀ ਸੀ ,ਅੱਜ ਨਹੀ
ਉਦੋ ਹੱਕਾ ਲਈ ਸਭ ਜਾਗਰੂਕ ਸਨ
ਅੱਜ ਵਾਲੇ ਆਪਣੇ ਅਸਲ ਮੁਕਾਮ ਤੋ ਫਾਰਗ ਹਨ
ਉਦੋ ਸਿਆਸਤ ਲੋਕਾ ਲਈ ਹੁੰਦੀ ਸੀ
ਅੱਜ ਕੋਈ ਪਾਰਟੀ ਲੋਕਾ ਦੀ ਸੁਣਦੀ ਨਹੀ
ਉਦੋ ਗਰੀਬ ਨੂੰ ਕਹਿੰਦਾ ਕੋਈ ਮਾੜਾ ਨਹੀ ਸੀ
ਅੱਜ ਦੱਸੋ ਕਿਸਦੀ ਤਰੱਕੀ ਤੇ ਸਾੜਾ ਨਹੀ
ਸੇਕਣੀ ਔਖੀ ਲਗਦੀ ਅਰਸ਼ ਨੂੰ ਆਪਣੀ ਆਤਮਾ ਬਲਦੀ
ਜਵਾਨੀ ਯੁੱਧ ਓਦੋਂ ਵੀ ਲੜਦੀ ਸੀ ਤੇ ਅੱਜ ਵੀ
ਕਰਪਾਨ ਹੱਥ ਉਦੋ ਹੀ ਸਜਦੀ ਸੀ ,ਅੱਜ ਨਹੀ
ਪਰ ਸੋਚਦੇ ਹੋਵੋਂਗੇ ਕਦੋ
ਉਦੋ ਜਦੋ ਪੰਜਾਬ ਗੁਰੂਆ ਪੀਰਾ ਦੀ ਧਰਤੀ ਸੀ
ਉਦੋ ਜਦੋ ਪੰਜਾਬ ਗੁਰੂਆ ਪੀਰ ਫ਼ਕੀਰਾ ਦੀ ਧਰਤੀ ਸੀ
ਉਦੋ ਉਦੋ ..........
