ਝੀਲ ਦਾ ਚਾਂਦੀ ਰੰਗਾ ਤਲ ਭਾਂੳੁਦਾ ਤੈਨੂੰ,
ਪਰ ਮੈਨੂੰ ਸੁਣੇ ਚੀਕ ਓਹਦੇ ਨੀਰਾਂ ਦੀ
ਸੁਣੇ ਮੈਨੂੰ ਨੀਰਾਂ ਦੀ ਚਾਹ ਅੰਬਰੀ ਉੱਡਣ ਦੀ,
ਸੁਣੇ ਬੇਬਸੀ ਗੁਲਾਮੀ ਦੀਆਂ ਜੰਜ਼ੀਰਾਂ ਦੀ

ਦਿਸਦੇ ਮੈਨੂੰ ਰਾਜ਼ ਹਰ ਗੂੜ੍ਹੇ ਪਰਦੇ ਪਿੱਛੇ
ਦਿਸਦੀ ਮੈਨੂੰ ਚੁੰਨੀ ਬਲਦੀ ਕੲੀ ਹੀਰਾਂ ਦੀ ।

ਵੰਜਲੀ ਦੇ ਸੁਰ ਤੈਨੂੰ ਲੱਗਣ ਬੜੇ ਪਿਆਰੇ,
ਪਰ ਮੈਨੂੰ ਸੁਣੇ ਕੂਕ ਰੋਂਦੇ ਕਰੀਰਾਂ ਦੀ
ਸੁਣੇ ਮੈਨੂੰ ਅਰਜ਼ ਮਰਦੇ ਮੁੱਕਦੇ ਜੰਗਲ ਦੀ,
ਸੁਣੇ ਆਹਟ ਲੁੱਟਣ ਆੳੁਂਦੀਆਂ ਵਹੀਰਾਂ ਦੀ

ਤੂੰ ਵੀ ਸੁਣਿਆ ਕਰ ਵੈਣਾਂ ਦੀ ਸ਼ਹਨਾਈ ਨੂੰ
ਸ਼ੁਰੂ ਵਾਂਗ ਤੂੰ ਵੀ ਖਿਦਮਤ ਕਰ ਅਖੀਰਾਂ ਦੀ ।

ਰੋਜ਼ ਡੁੱਬੇ ਸੂਰਜ ਧਰਤ ਦੇ ੲਿਕ ਚੁੱਮਣ ਲਈ,
ਰੋਕ ਲਉ ਓਹਨੂੰ ਤਾਕਤ ਕਿਹੜੇ ਤੀਰਾਂ ਦੀ
ਕੁਦਰਤ ਦੇ ਲੇਖਾਂ 'ਚ ਵੀ ਨੇ ਮੇਲ ਅਧੂਰੇ ਹੀ
ਹਰ ਸ਼ੈ ਨੂੰ ਪੀਹਵੇ ੲਿੱਥੇ ਚੱਕੀ ਤਕਦੀਰਾਂ ਦੀ

ਨਾ ਰੋਇਆ ਕਰ ਰਾਹ ਤੇ ਕੰਡੇ ਵੇਖ ਕੇ ਤੂੰ
ਕਦੇ ਬੈਠ ਕੇ ਪੜ੍ਹ ਕਿਤਾਬ ਤਦਬੀਰਾਂ ਦੀ ।

ਹਰ ਮੁਕੱਦਸ ਦਰ ਤੇ ਸਜਦਾ ਮੈਂ ਕੀਤਾ,
ਮੈਂ ਤਾਂ ਹਰ ਮੋੜ ਤੇ ਚੌਂਕੀ ਲਾਈ ਪੀਰਾਂ ਦੀ
ਨ੍ਹੇਰੇ 'ਚੋਂ ਤੈਨੂੰ ਲੱਭਦਾ -੨ ਮੈਂ ਖਾਕ ਹੋਇਆ,
ਤੇਰੇ ਲਈ ਲਾਈ ਚੁੱਲੇ ਜਿੰਦ ਆਪਣੀ ਲੀਰਾਂ ਦੀ

ਤੂੰ ਕਿਹੜੇ ਰਾਹ ਤੇ ਬੈਠਾ ਜ਼ਰਾ ੲਿਸ਼ਾਰਾ ਕਰ,
ਚੜਾਂ ਕਰਮੀਂ ਪੌੜੀ ਜਾਂ ਪੌੜੀ ਕਿਸੇ ਮੀਰਾ ਦੀ ।

ਵਹਿੰਦੇ ਪਾਣੀਆਂ ਨਾਲ ਜਿਨ੍ਹਾਂ ਦੇ ਸਾਕ ਗੂੜ੍ਹੇ,
ਓਹ ਕੀ ਜਾਨਣ ਮਜਬੂਰੀ ਪਰਤੀਰਾਂ ਦੀ
ਓਹ ਹੀ ਜਾਨਣ ਮਸਤੀ ਮਸਕੀਨੀ ਦੀ,
ਜੋ ਪਛਾਣ ਜਾਣਦੇ ਅਸਲ ਅਮੀਰਾਂ ਦੀ

'ਸੋਝੀ' ਸਭ ਸੁਨੇਹੇ ੳੁਹਨਾਂ ਦੇ ਧੁਰ ਨੇ ਪੁੱਜਦੇ
ਜੋ ਝੋਲ੍ਹੀ ਭਰਦੇ ਦਰ ਆਏ ਫਕੀਰਾਂ ਦੀ ॥

-:ਸੰਦੀਪ 'ਸੋਝੀ'

ਨੋਟ:-

ਮੁਕੱਦਸ-ਪਵਿੱਤਰ
ਪਰਤੀਰ-ਕਿਨਾਰਾ
ਵਹੀਰ- ਡਾਕੂਆਂ ਦਾ ਟੋਲਾ
ਕਰੀਰ-ਬਾਂਸ

ਵਾਹ ਜੀ ਵਾਹ............. ਕਿਆ ਬਾਤ ਹੈ ਜੀ ...............rooh khush ho gayi parh ke,..............this is a real feel of amazing words of punjabi language (poetry) written superbly in the poetic thoughts,.........you are a great writer,.......duawaan

 

Sukhpal**

roj dubbe surj dhart de ek chummn ly ... bhut hi khoobsurat te diltumbwi rachna ee sandep jii  sanjha krn ly shukriyaa.......

Thanks for visiting the verse Malkit bai g and Sukhpal bai g,

and thanks a lot for taking time off for reading and posting your motivational comments .

Jionde vasde raho g.....God bless U.!!

 

ਵਾਹ ਸੰਦੀਪ ਜੀ, ਅਤਿ ਸੁੰਦਰ ! 

ਇਸ ਰਚਨਾ ਵਿਚ ਉਹੀ ਨਫਾਸਤ, ਸੰਜੀਦਗੀ ਅਤੇ ਸੰਵੇਦਨਸ਼ੀਲਤਾ ਵੇਖਣ ਨੂੰ ਮਿਲਦੀ ਹੈ, ਜਿਸਦੀ ਥੋੜ ਹੈ ਅਜੋਕੀ ਦੌੜ ਭਰੀ ਜ਼ਿੰਦਗੀ ਵਿਚ - 

 

ਵੰਜਲੀ ਦੇ ਸੁਰ ਤੈਨੂੰ ਲੱਗਣ ਬੜੇ ਪਿਆਰੇ,

ਪਰ ਮੈਨੂੰ ਸੁਣੇ ਕੂਕ ਰੋਂਦੇ ਕਰੀਰਾਂ ਦੀ 

ਤੂੰ ਵੀ ਸੁਣਿਆ ਕਰ ਵੈਣਾਂ ਦੀ ਸ਼ਹਨਾਈ ਨੂੰ

ਸ਼ੁਰੂ ਵਾਂਗ ਤੂੰ ਵੀ ਖਿਦਮਤ ਕਰ ਅਖੀਰਾਂ ਦੀ ।

ਨਾ ਰੋਇਆ ਕਰ ਰਾਹ ਤੇ ਕੰਡੇ ਵੇਖ ਕੇ ਤੂੰ 

ਕਦੇ ਬੈਠ ਕੇ ਪੜ੍ਹ ਕਿਤਾਬ ਤਦਬੀਰਾਂ ਦੀ ।

ਸ਼ੇਅਰ ਕਰਨ ਲਈ ਸ਼ੁਕਰੀਆ | ਜਿਉਂਦੇ ਰਹੋ |

 

ੲਿਸ ਨਿਮਾਣੀ ਜਿਹੀ ਰਚਨਾ ਨੂੰ ਆਪਣਾ ਕੀਮਤੀ ਵਕਤ ਤੇ ਕੀਮਤੀ ਕਮੈਂਟ੍‍ਸ ਦੇ ਕੇ ਹੌਸਲਾ ਅਫਜਾੲੀ ਲੲੀ ਤੁਹਾਡਾ ਬਹੁਤ ਬਹੁਤ ਸ਼ੁਕਰੀਆ ਜਗਜੀਤ ਸਰ।

sandeep ji eh nimani nhi bht dooghi soch nal bhari ik socha to pare likhi hoyi rachna hai 

 

kya khoob socha de rang ukere ne tusi ......

 

likhde raho 

 

rabb rakha

 

TFS

ਨਵੀ ਜੀ ਪਹਿਲਾਂ ਜਵਾਬ ਵਿੱਚ ਹੋਈ ਦੇਰੀ ਲਈ ਮੁਆਫੀ ਚਾਹਵਾਂਗਾ,

ਤੁਸੀ ਵਕਤ ਕੱਢ ਕੇ ਕਿਰਤ ਤੇ ਆਪਣੇ ਕੀਮਤੀ ਕਮੈਂਟ੍‍ਸ ਦਿੱਤੇ ਤੇ ਹੌਸਲਾ ਅਫਜਾਈ ਕੀਤੀ, ੲਿਸ ਲਈ ਤੁਹਾਡਾ ਬਹੁਤ ਬਹੁਤ ਸ਼ੁਕਰੀਆ ਜੀ।

ਸ਼ੰਦੀਪ ਬਾਈ ਜੀ ਬਹੁਤ ਹੀ ਸੰਵੇਦਨ ਸ਼ੀਲ ਰਚਨਾ ਹੈ ਕਿਸੇ ਮਾਹਿਰ ਵੈਦ ਦੀ ਤਰ੍ਹਾਂ ਹਾਸੇ ਵਖੇਰਦੀ ਝੀਲ ਦੇ ਦੁੱਖਾਂ ਨੂੰ ਜਾਣ ਜਾਂਦੇ ਹੋ .....ਕਮਾਲ ਦੀ ਰਚਨਾ
ਬਹੁਤ ਬਹੁਤ ਧੰਨਵਾਦ

Great thought sandeep ji.dil nu choo jaan vali rachna hai.boht khoob