ਹਾਰ ਕੇ ਮੈਂ ਪੁੱਛਿਆ
ਪਿਆਰ ਕੌਣ ਖਾਂਦਾ ਹੈ
ਯਾਰੀ ਕਿੱਥੇ ਜਾਂਦੀ ਏ
ਤੇ ਯਾਰ ਕੌਣ ਖਾਂਦਾ ਏ
ਪਾਪੀ ਆਂ ਮੈੰ ਤਾਂ ਵੀ
ਮੇਰੇ ਜਿਸਮ ਤੇ ਦਾਗ਼ ਨਹੀਂ
ਦੱਸੋ ਮੇਰੇ ਹਿੱਸਿਆਂ ਦੀ
ਮਾਰ ਕੌਣ ਖਾਂਦਾ ਏ
ਕਸਮ ਏ ਮੈਂ ਜਾਨ ਮੇਰੀ
ਉਹਦੇ ਸਿਰੋਂ ਵਾਰਦਾਂ
ਪਤਾ ਕਰੋ ਮੇਰੇ ਨਾਲ
ਖਾਰ ਕੌਣ ਖਾਂਦਾ ਏ
ਆਖਦੇ ਨੇ ਕੰਧਾਂ ਨੂੰ
ਦਰਾਰ ਖਾ ਜਾਂਦੀ ਏ
ਪਰ ਦੱਸੋ ਕੰਧਾਂ ‘ਚੋਂ
ਦਰਾਰ ਕੌਣ ਖਾਂਦਾ ਏ
ਉਹਨੂੰ ਹਾਰ ਕੇ ਵੀ
ਆਪਣੇ ਮੈਂ ਨਾਲ ਬੈਠਾ
ਬੁੱਝੋ ਕੌਣ ਜਿੱਤਿਆ
ਹਾਰ ਕੌਣ ਖਾਂਦਾ ਏ ~

ਬਹੁਤ ਖੂਬ

ਸ਼ੁਕਰੀਆ 🙏🏻

ਵਾਹ,............ਬਹੁਤ ਹੀ ਕਮਾਲ ਦਾ ਲਿਖਿਆ ,.............