ਕਿਹੜੀ ਕਮੀ ਰਹਿ ਸਿੰਘੋ, ਦੱਸੋ ਮੇਰੇ ਪਿਆਰ 'ਚ ?
ਕੀ ਨਾ ਕਰ ਸਕਿਆ ਮੈ, ਥੋਡੇ ਸਤਿਕਾਰ 'ਚ?
ਕਿਹੜੀ ਕਮੀ ਰਹਿ ਗਈ ਸਿੰਘੋ , ਦੱਸੋ ਮੇਰੇ ਪਿਆਰ 'ਚ ??
ਗਿੱਦੜਾ ਤੋ ਸਿੰਘੋ ਥੋਨੂੰ ਸ਼ੇਰ ਸੀ ਬਣਾਇਆ ਮੈ |
ਸਵਾ ਸਵਾ ਲੱਖ ਨਾਲ ਕੱਲੇ ਨੂੰ ਲੜਾਇਆ ਮੈ |
ਨਚੱਣਾ ਸਿਖਾਇਆ ਥੋਨੂੰ ਖੰਡੇ ਵਾਲੀ ਧਾਰ ਚੋ,
ਕਿਹੜੀ ਕਮੀ ਰਹਿ ਗਈ ਸਿੰਘੋ...............
ਬਣਾਇਆ ਸਰਦਾਰ ਸੀ ਮੈ ਸ਼ਾਨ ਰਹੂ ਵੱਖਰੀ ,
ਭੇਡਾ ਤੋ ਵੀ ਗਿਰ ਗਿਉ ਬਣ ਗਿਉ ਬੱਕਰੀ |
ਕਿਹੜੀ ਗੱਲੋ ਖੁੱਭ ਗਿਉ ਨਸ਼ਿਆ ਦੀ ਗਾਰ 'ਚ
ਕਿਹੜੀ ਕਮੀ ਰਹਿ ਗਈ ਸਿੰਘੋ...............
ਪੁੱਤਰ ਬਣਾਇਆ ਥੋਨੂੰ ਚਾਰੇ ਪੁਤੱ ਵਾਰ ਕੇ,
ਕਿਹੜੀ ਗੱਲੋ ਬੈਠ ਗਿਉ ਪੁੱਤਰੋ ਵਿਸਾਰ ਕੇ ?
ਡੁੱਬ ਗਿਉ ਦੱਸੋ ਅੱਜ ਕਿਹੜੇ ਹੰਕਾਰ 'ਚ
ਕਿਹੜੀ ਕਮੀ ਰਹਿ ਗਈ ਸਿੰਘੋ..........
ਕੁਰਬਾਨੀਆ ਦਾ ਮੁੱਲ ਕਾਹਤੋ ਤੁਸੀ ਭੁੱਲਗੇ ?
ਛੱਡ ਕੇ ਅਸੂਲਾ ਨੂੰ ਕਿਉ ਰਈਅਤਾ ਵਿਚ ਰੁਲਗੇ |
ਘਾਟ ਕੀ ਏ ਦੱਸੋ ਮੈਨੂੰ ਸਤਿ ਸ੍ਰੀ ਅਕਾਲ 'ਚ ?
ਕਿਹੜੀ ਕਮੀ ਰਹਿ ਗਈ ਸਿੰਘੋ ...........
ਨਿਮਾਣਿਆ ਨਿਤਾਣਿਆ ਨੂੰ ਗਲੇ ਨਾਲ ਲਾਈਆ ਮੈ,
ਜਿਨਾ ਲਈ ਰਾਜਿਆ ਨੂੰ ਦਰ ਤੋ ਭਜਾਇਆ ਮੈ|
ਉਹ ਵੀ ਕਾਹਤੋ ਖੜ ਗਏ ਗਦਾਰਾ ਦੀ ਕਤਾਰ 'ਚ?
ਕਿਹੜੀ ਕਮੀ ਰਹਿ ਗਈ ਸਿੰਘੋ ...........
ਰਹੂਗਾ ਜੇ ਜੱਗ ਤੋ ਨਿਆਰਾ ਮੇਰਾ ਖਾਲਸਾ,
ਜਿੰਦ ਜਾਨ ਨਾਲੋ ਵੱਧ ਪਿਆਰਾ ਮੇਰਾ ਖਾਲਸਾ |
''ਚੁਹਾਣਕੇ'' ਹਲੂਣਾ ਦੇ ਦੇ ਸਾਰੇ ਸੰਸਾਰ 'ਚ
ਕਿਹੜੀ ਕਮੀ ਰਹਿ ਸਿੰਘੋ, ਦੱਸੋ ਮੇਰੇ ਪਿਆਰ 'ਚ ??