Lines on Recent Blasts and Attacks Around the Globe #Peace 💐
First attempt

ਬਣ ਕੇ ਜਿਹਾਦੀ ਦੇਣ ਮੱਤਾ ਜੋ ਜਹਾਨ ਨੰੂ
ਖੁਦ ਕਦੇ ਪੜਿਆ ਨਾ ਵਾਚਿਆ ਕੁਰਾਨ ਨੰੂ
ਕਿਉ ਸੋਚ ਮਾੜੀ ਹੋ ਗਈ ਦਿਮਾਗ ਤੇ ਸਵਾਰ ਏ
ਖੂਨ ਡੋਲ ਦੇਖਲੋ ਜੀ,, ਦਿੱਤੀ ਇਫਤਾਰ ਏ

ਹੋਏ ਜੋ ਬੇਖੌਫ ਭੁੱਲੇ ਰਾਹ ਸਮਸ਼ਾਨ ਦਾ
ਲਹੂ ਨਾਲ ਭਰ ਤਾ ਮਹੀਨਾ ਰਮਜ਼ਾਨ ਦਾ
ਪਈ ਰੱਬ ਦਿਆ ਬੰਦਿਆ ਨੰੂ , ਬੰਦਿਆ ਦੀ ਮਾਰ ਏ
ਖੂਨ ਡੋਲ ਦੇਖਲੋ ਜੀ,, ਦਿੱਤੀ ਇਫਤਾਰ ਏ

ਖੌਰੇ ਕਾਦੇ ਰੋਸ ਅਤੇ ਕਿਸਤੇ ਮਲਾਲ ਨੇ
ਬਾਰੂਦ ਨੰੂ ਕੀ ਪਤਾ ਮਾਵਾਂ ਪਾਲੇ ਕਿਵੇਂ ਲਾਲ ਨੇ
ਪਲਾਂ ਵਿੱਚ ਜੁੱਸੇ ਕਰ ਦਿੱਦਾ ਤਾਰ ਤਾਰ ਏ
ਖੂਨ ਡੋਲ ਦੇਖਲੋ ਜੀ ,, ਦਿੱਤੀ ਇਫਤਾਰ ਏ

ਭੇਸ ਵੱਖੋ ਵੱਖ ਪਰ ਰਾਹੀ ਇੱਕੋ ਘਰ ਦੇ
ਤਾਂਵੀ ਇੱਕ ਦੂਸਰੇ ਨੰੂ ਦੇਖ ਨਈਓ ਜਰਦੇ
ਚੁਫੇਰੇ ਬਸ ਧਰਮਾ ਦੀ ਪਈ ਮਾਰੋ ਮਾਰ ਏ
ਖੂਨ ਡੋਲ ਦੇਖਲੋ ਜੀ ,, ਦਿੱਤੀ ਇਫਤਾਰ ਏ

ਪਰਮ ਬਰਾੜ ✍🏻

speechless veer ji...keep it up...thanks for sharing...!!!

ਬਹੁਤ ਬਹੁਤ ਧੰਨਵਾਦ ਨਵਦੀਪ ਜੀ

 

ਖੂਨੀ ਇਫਤਾਰ ! ਵਾਹ ਪਰਮ ਜੀ ਬਹੁਤ ਸੁੰਦਰ ਜਤਨ |

ਪਹਿਲਾਂ ਤਾਂ ਵਧਾਈ ਦੇ ਪਾਤਰ ਹੋ, ਕਿਉਂਕਿ ਪਹਿਲੀ ਕਿਰਤ ਲਈ ਹੀ ਬੜਾ ਗ਼ੰਭੀਰ ਮਸਲਾ ਚੁੱਕਿਆ ਹੈ ਤੁਸੀਂ |ਇਸ ਨਾਲ ਇਨਸਾਫ ਕਰਨ ਦਾ ਇਕ ਇਮਾਨਦਾਰ ਜਤਨ ਕੀਤਾ ਹੈ |

  

"ਬਣ ਕੇ ਜਿਹਾਦੀ ਦੇਣ ਮੱਤਾਂ ਜੋ ਜਹਾਨ ਨੂੰ,  

ਖੁਦ ਕਦੇ ਪੜਿਆ ਨਾ ਵਾਚਿਆ ਕੁਰਾਨ ਨੂੰ |" ਸੋਲਾਂ ਆਨੇ ਸੱਚ ਜੀ | ਮੁਹੰਮਦ ਸਾਹਬ ਤਾਂ ਸੁਣਿਆ ਏ ਕਦੇ ਕਿਸੇ ਨੂੰ ਪਹਿਲਾਂ ਆਦਾਬ ਨਹੀਂ ਸਨ ਕਹਿਣ ਦਿੰਦੇ - ਪਹਿਲਾਂ ਆਪ ਹੀ ਆਦਾਬ ਕਹਿ ਦਿੰਦੇ ਸਨ | ਇਸ ਤਰਾਂ ਉਹ ਹਲੀਮੀਂ ਦਾ ਮੁੱਜਸਮਾ ਜਾਪਦੇ ਹਨ | ਪਰ ਉਹਨਾਂ ਦੇ ਤਥਾ ਕਥਿਤ ਪੈਰੋਕਾਰ ਤੇ ਪਤਾ ਨਹੀਂ ਕਿਹੜੇ ਰਾਹ ਪਏ ਹੋਏ ਨੇ, ਅਤੇ ਖੂਨ ਖਰਾਬੇ ਨਾਲ ਕਿਹੜੇ ਖੁਦਾ ਨੂੰ ਰਾਜ਼ੀ ਕਰਨਾ ਲੋਚਦੇ ਹਨ | 

"ਭੇਸ ਵੱਖੋ ਵੱਖ ਪਰ ਰਾਹੀ ਇੱਕੋ ਘਰ ਦੇ,

ਤਾਂਵੀ ਇੱਕ ਦੂਸਰੇ ਨੂੰ ਦੇਖ ਨਈਓ ਜਰਦੇ |"

 

ਇਕ ਵਾਰ ਫਿਰ ਬਹੁਤ ਸਹੀ ਅਤੇ ਸੱਚੇ ਬਚਨ, ਪਰ ਹਾਲ ਤਾਂ ਬਹੁਤ ਈ ਮਾੜਾ ਹੈ |  

ਧਰਮ ਦਾ ਜਲ ਤਾਂ ਲੁਕਾਈ ਦੇ ਸੀਨੇ ਸ਼ੀਤਲ ਕਰਨ ਲਈ ਹੈ, ਨਾ ਕਿ ਇਨਸਾਨ ਅਤੇ ਇਨਸਾਨੀਅਤ ਨੂੰ ਡੋਬ ਕੇ ਮਾਰਨ ਲਈ |

ਬਹੁਤ ਸੋਹਣੀ ਰਚਨਾ ! ਸ਼ੇਅਰ ਕਰਨ ਲੀ ਧੰਨਵਾਦ | ਇਸੇ ਤਰਾਂ ਹੋਰ ਵੀ ਸੋਹਣਾ ਸੋਹਣਾ ਲਿਖਦੇ ਰਹੋ |

 

 

ਧੰਨਵਾਦ

ਵੀਰ ਜੀ ਬਹੁਤ ਵਧੀਆ ਲਿਖਿਆ ਤੁਸੀਂ