ਖੁਸ਼ੀ ? ਕਿਹੜੀ ਖੁਸ਼ੀ ਦੀ ਗੱਲ ਕਰਦਾ ਹੈਂ ਤੂੰ,
ਹਰ ਪਾਸੇ ਆਪਣਿਆਂ ਨੂੰ ਦੁਖਾਂ ਨਾਲ ਘੁਲਦਾ ਦੇਖਣ ਦੀ ਖੁਸ਼ੀ?
ਜਿਹਨਾਂ ਜੱਟਾਂ ਦੀ ਕੌਮ ਦਾ ਹਿੱਸਾਂ ਹਾਂ,
ਓਹਨਾਂ ਨੂੰ ਤਿਲ ਤਿਲ ਮਰਦਾ ਦੇਖਣ ਦੀ ਖੁਸ਼ੀ?
ਯਾ ਫ਼ਿਰ ਖੁਸ਼ੀ ਕੁੱਖ ਵਿੱਚ ਮਰਦੀਆਂ ਧੀਆਂ ਦੀ?
ਖੁਸ਼ੀ ਅਲੋਪ ਹੁੰਦੀ ਜਾ ਰਹੀ ਸੰਗ ਸ਼ਰਮ ਦੀ?
ਯਾ ਫ਼ਿਰ ਖੁਸ਼ੀ ਅੱਧੀਆਂ ਅਧੂਰੀਆਂ ਤੀਆਂ ਦੀ?
ਕਿਸੇ ਜੱਟ ਦੀ ਜ਼ਮੀਨ ਦੀ ਕੁਰਕੀ ਦੀ ਖੁਸ਼ੀ?
ਯਾ ਫ਼ਿਰ ਕਿਸੇ ਬਾਣੀਏ ਦੀ ਘੁਰਕੀ ਦੀ ਖੁਸ਼ੀ?
ਕਿਸੇ ਹਾਈ-ਫ਼ਾਈ ਪੁੱਤ ਦੇ ਅਨਪੜ ਮਾਪਿਆਂ ਦੇ ਪਰਛਾਵੇ ਤੋਂ ਵੀ ਦੂਰ ਰਹਿਣ ਦੀ ਖੁਸ਼ੀ?
ਯਾ ਫ਼ਿਰ ਹਰ ਰੋਜ਼ ਕਿਸੇ ਅਬਲਾ ਦੇ ਹੋਲਿਕਾ ਦਹਿਨ ਦੀ ਖੁਸ਼ੀ?
ਤੈਨੂੰ ਤੇਰੀ ਹਰ ਖੁਸ਼ੀ ਰਹੇ ਮੁਬਾਰਕ ਮੇਰੇ ਦੋਸਤਾ,
ਬਰਾੜ ਨੂੰ ਤਾਂ ਹੋਵੇਗੀ ਬੱਸ ਬਰਾੜ ਦੇ ਮਰਨ ਦੀ ਖੁਸ਼ੀ,