(Ih Rachan main mere dost di hai jo ki main copy kiti a .. kion ki ih mainu bahut pasand aayee te umid krda han ki tuhanu vi pasand aaye....)
ਕੁਝ ਏਹੋ ਜਿਹੀਆਂ ਕੁੜੀਆਂ ਨੇ, ਜੋ ਮਮਤਾ ਹੱਥੋਂ ਥੁੜੀਆਂ ਨੇ
ਕੁਝ ਜੰਮਣ ਤੋਂ ਪਹਿਲਾਂ ਹੀ, ਮਾਂਵਾਂ ਦੀਆਂ ਕੁਖਾਂ ਦੇ ਵਿੱਚ ਮਰੀਆਂ ਨੇ
ਕੁਝ ਕੁੜੀਆਂ ਤਾਂ ਇਸ ਕਲਯੁਗ ਵਿੱਚ,ਬਲੀ ਦਾਜ ਦੀਆਂ ਚੜੀਆਂ ਨੇ
ਕੁਝ ਮਾਪੇ ਕਹਿਣ ਬੇਗਾਨਾ ਧੰਨ,ਕਈ ਸਹੁਰੇ ਘਰ ਵੀ ਬੇਗਾਨੀਆਂ ਰਹੀਆਂ ਨੇ
ਕੁਝ ਜੁਲਮ ਨੁ ਚੁੱਪ ਚਾਪ ਸਹਿ ਸਹਿ ਕੇ,ਹਰ ਪਲ ਆਪਣੇ ਆਪ ਚ ਮਰੀਆਂ ਨੇ
ਇਨਾ ਆਪਣੀ ਜਿੰਦਗੀ ਜੀਅ ਕੇ ਦੇਖੀ ਨਾ,ਕਦੇ ਮਾਪਿਆਂ ਤੇ ਕਦੇ ਸਹੁਰਿਆਂ ਦੀਆਂ ਕੱਠਪੁਤਲੀਆਂ ਬਣ ਕੇ ਰਹੀਆਂ ਨੇ
ਕੁਝ ਜੁਲਮ ਦੇ ਖਿਲਾਫ ਖੜੇ ਹੋ ਕੇ,ਆਪਣੇ ਹੱਕਾਂ ਦੇ ਲਈ ਲੜੀਆਂ ਨੇ
ਕੁਝ ਬਦਨਾਮੀ ਦੇ ਡਰ ਖਾਤਿਰ,ਹਰ ਜੁਲਮ ਦੇ ਧੱਕੇ ਚੜੀਆਂ ਨੇ
ਕੁਝ ਮਾਪਿਆਂ ਗਲ ਲਾਈਆਂ ਬੁਢਿਆਂ ਦੇ,ਕਿੰਝ ਇਨਾ ਬੱਚੀਆਂ ਦੀਆਂ ਕਿਸਮਤਾਂ ਸੜੀਆਂ ਨੇ
ਕਿਉਂ ਕੁੜੀ ਦੀ ਅੱਖ ਹੀ ਰੋਈ ਏ, ਕਿੰਝ ਇਨਾ ਦੇ ਦਿਲ ਦੀਆਂ ਸੱਧਰਾਂ ਮਰੀਆ ਨੇ
ਓਹ ਰੱਬ ਦੇ ਬੰਦਿਓ ਹੋਸ਼ ਕਰੋ,ਏਹ ਕੁੜੀਆਂ ਮੱਝਾਂ ਗਾਵਾਂ ਨਹੀਂ,ਏਹ ਰੱਬ ਦੀਆਂ ਭੇਜੀਆਂ ਪਰੀਆਂ ਨੇ
ਰੱਬਾ ਸਿਰਜ ਨਵਾਂ ਇਤਿਹਾਸ ਕੋਈ, ਹੁਣ ਸਭ ਦੀਆਂ ਬਾਹਵਾਂ ਖੜੀਆਂ ਨੇ
ਇਹ ਪਿਆਰ ਤੋਂ ਵਾਝਿਆਂ ਨਾ ਰਹਿਣ ਕਦੇ, ਅੱਜ
ਗੁਰਦੀਪ ਹੱਥ ਜੋੜ ਇਹੋ ਦੁਆਵਾਂ ਕਰੀਆਂ ਨੇ ਅੱਜ,
ਗੁਰਦੀਪ ਹੱਥ ਜੋੜ ਇਹੋ ਦੁਆਵਾਂ ਕਰੀਆਂ ਨੇ
(Writer --Gurdip Singh)
|
