ਦੋ ਹੀ ਕਾਰਗਰ ਤਰੀਕੇ ਨੇ ਇਿਥੇ ਲੁੱਟਣ ਦੇ ਲਾਲਚ ਦਿਓ ਅਤੇ ਡਰਾਓ ਆਦਮੀ ਨੂੰ।
ਨਰਕਾਂ ਦੀ ਅੱਗ ਅਤੇ ਸੁਰਗਾਂ ਦਾ ਲਾਲਚ ਹਰ ਵਕਤ ਇਹ ਹੀ ਦਿਖਾਓ ਆਦਮੀ ਨੂੰ।
ਕਿਰਤ ਕਰੋ ਤੇ ਇਛਾ ਫਲ ਦੀ ਨਾ ਕਰੋ,ਆਖੋ ,ਮੰਦਰੀਂ ਚੜਾਵਾ ਚੜਾਓ ਆਦਮੀ ਨੂੰ।
ਚੁਰਾਸੀ ਲੱਖ ਜੂਨ ਤੋਂ ਮੁਕਤ ਜੇ ਹੋਣਾ ਤਾਂ ਗਧਾ ਬਨਣ ਲਈ ਹੀ ਸਮਝਾਓ ਆਦਮੀ ਨੂੰ।
ਤਰਕ ,ਦਲੀਲਾਂ ਲਈ ਨਫ਼ਰਤ ਸਿਖਾਓ ਬਸ ਸਦਾ ਲਾਈਲੱਗ ਹੀ ਬਣਾਓ ਆਦਮੀ ਨੂੰ।
ਧਰਮ ਸਥਾਨਾਂ ਤੇ ਜੋ ਮੱਥਾ ਨਾ ਟੇਕੇ ਕਹਿ ਕੇ ਆਦਮੀ ਤੋਂ ਹੀ ਉਸ ਵਢਾਓ ਆਦਮੀ ਨੂੰ।
ਕਿਸਮਤ 'ਚ ਤੁਹਾਡੇ ਗਰੀਬੀ ਲਿਖੀ ਕਹਿ ਕੇ ਹੈ ਭਾਣੇ 'ਚ ਰਹਿਣਾ ਸਿਖਾਓ ਆਦਮੀ ਨੂੰ।
ਪਾਗਲ ਨੇ ਜੋ ਆਪਣੇ ਹਕੂਕ ਮੰਗਦੇ ਨੇ ਭਾਵੀ ਦਾ ਹੀ ਫਲਸਫਾ ਪੜ•ਾਓ ਆਦਮੀ ਨੂੰ।
ਸੰਤਾਂ ਨੇ ਵੱਸ ਕਰ ਲਈ ਹੈ ਇਹ ਮਾਇਆ,ਹੋਰਾਂ ਲਈ ਹੈ ਨਾਗਣੀ, ਬਚਾਓ ਆਦਮੀ ਨੂੰ।
ਸਾਇੰਸ ਦੀ ਨਿੰਦਿਆ ਕਰੋ ਜਿੰਨੀ ਹੋਵੇ ਵਿਗਿਆਨ ਦੇ ਖਿਲਾਫ ਭੜਕਾਓ ਆਦਮੀ ਨੂੰ।
ਜਹਾਜਾਂ 'ਚ ਝੂਟੇ ਲਉ ਐਪਰ ਆਖੋ ਕਿ ਜੋ ਵਿਗਿਆਨੀ ਹੈ ਮਾਰ ਮੁਕਾਓ ਆਦਮੀ ਨੂੰ।
ਧਰਤੀ ਬਲਦ ਦੇ ਸਿੰਗਾਂ 'ਤੇ ਹੀ ਖੜੀ ਹੈ ,ਨਹੀਂ ਹੈ ਘੁੰਮਦੀ ਕਹਿ ਬਹਿਕਾਓ ਆਦਮੀ ਨੂੰ।
ਹਿੰਦੂ,ਮੁਸਲਿਮ ,ਸਿੱਖ ਈਸਈ ਬਣਾਓ ਐਪਰ ਨਾ ਕਦੇ ਵੀ ਬੰਦਾ ਵੀ ਬਣਾਓ ਆਦਮੀ ਨੂੰ।
ਐ ਸ਼ਾਕਾਹਾਰੀ ਸ਼ਿਕਾਰੀ ਬਾਬਿਓ ਇਹ ਖੁੱਲ੍ਹ ਹੈ ਤੁਹਾਨੂੰ ਕਿ ਸਾਨੂੰ ਲੁੱਟੋ, ਖਾਓ ਆਦਮੀ ਨੂੰ
---ਅਮਰਜੀਤ ਢਿੱਲੋਂ