ਤੁੰ ਜਿਨਾਂ ਲਈ ਮੁਨਾਰੇ ਬਣਾਈ ਜਾ ਰਿਹਾ ਹੈਂ
ਤੇਰੇ ਸੁਪਨਿਆਂ ਦੇ ਮਹਿਲ ਨੂੰ ਉਹ ਢਾਹੀ ਜਾ ਰਹੇ ਨੇ
ਤਪਦੀਆਂ ਧੁੱਪਾਂ 'ਚ ਸੜ ਚੱਲਿਆ ਪੋਟਾ ਪੋਟਾ
ਤੇ ਉਹ ਭੰਡਾਰਿਆਂ 'ਚ ਦੌਲਤਾਂ ਛੁਪਾਈ ਜਾ ਰਹੇ ਨੇ
ਨਾ ਸੋਚ ਕਿ ਕਰੇਗਾ ਤੇਰੀ ਭੁੱਖ ਦਾ ਇਲਾਜ ਕੋਈ
ਸੱਚ ਨੂੰ ਸੱਤਾ ਦੇ ਲਾਲਚ ਬਹਿਕਾਈ ਜਾ ਰਹੇ ਨੇ
ਤੇਰੀ ਆਵਾਜ਼ 'ਚ ਪੈਦਾ ਹੋਵੇਗੀ ਨਵੀ ਕੋਈ ਰੌਸ਼ਨੀ
ਤੇਰੇ ਅਰਮਾਨ ਤੇਰੇ ਤੋਂ ਇਹ ਆਸ ਲਗਾਈ ਜਾ ਰਹੇ ਨੇ
ਹੱਥਾਂ ਦੀ ਤਾਕਤ ਦਿਖਾ ਕੇ ਝੁਕਾ ਕੇ ਉਹ ਅਮੀਰ ਨਿਸ਼ਾਨੇ
ਤੇਰੇ ਬੱਚਿਆਂ ਦੀ ਲਿਆਕਤ ਜੋ ਦਬਾਈ ਜਾ ਰਹੇ ਨੇ
ਹਰ ਦਿਵਸ ਹੋਵੇਗਾ ਤੇਰਾ,ਮਿਲਾ ਸੁਰ ਉਨਾਂ ਦੇ ਸੁਰ 'ਚ
ਹੱਕਾਂ ਖਾਤਿਰ ਜੋ "ਮਜ਼ਦੂਰ ਦਿਵਸ" ਅੱਜ ਮਨਾਈ ਜਾ ਰਹੇ ਹਨ..
(1.05.2007 ਨੂੰ ਦੇਸ਼ ਸੇਵਕ ਵਿੱਚ ਪ੍ਕਾਸ਼ਿਤ)
by ਡਾ-ਗਗਨਦੀਪ ਕੌਰ ਜੀ ("ਖਾਮੋਸ਼ੀ ਦੀ ਮੌਤ" ਕਾਵਿ ਸੰਗਿ੍ਹ ਵਿੱਚੋਂ)