ਜਗਾ ਦੋ ਧੀਆਂ ਨੂੰ ਪਹਿਲਾਂ ਹੀ ਕੁੱਖ ਚ' ਮਰਾ ਚੁਕਾ ਸੀ । ਸਿਰਫ ਆਪਣੀ ਮਾਂ ਦੇ ਕਹੇ ਤੇ.. ਉਸ ਦੀ ਮਾਂ ਦਾ ਕਹਿਣਾ ਸੀ ਕੇ ਉਹ ਇੱਕੋ ਵਾਰ ਦੇਖ ਕੇ ਦੱਸ ਦਿੰਦੀ ਏ ਮੁੰਡਾ ਏ ਜਾਂ ਕੁੜੀ..।। ਅਜਿਹੀ ਸੋਚ ਨਾਲ ਜਗੇ ਦੀ ਵੌਹਟੀ ਬਹੁਤ ਹੀ ਡਰੀ ਰਹਿੰਦੀ ਸੀ.. ਜਗੇ ਦੀ ਮਾਂ ਦੀ ਮੌਤ ਤੋ ਬਾਆਦ ਜਗੇ ਦੇ ਘਰ ਮੁੰਡਾ ਹੋਇਆ.. ਜਗਾ ਬਹੁਤ ਖੁਸ਼ ਸੀ.. ਸਾਰੇ ਪਿੰਡ ਚ ਲੱਡੂ ਵੰਡਦਾ ਫਿਰਦਾ ਸੀ ..ਚਾਈ- ਚਾਈ... ਜਗੇ ਨੇ ਆਪਣੇ ਪੁੱਤ ਨੂੰ ਪੜਾਇਆ.. ਪੰਝ ਕੂ ਵਰਿਆਂ ਬਾਅਦ ਦਾਤੇ ਨੇ ਇੱਕ ਹੋਰ ਮੁੰਡੇ ਦੀ ਦਾਤ ਬਖਸ਼ੀ.. ਹੁਣ ਜਗੇ ਦਾ ਪਰਿਵਾਰ ਪੂਰਾ ਹੋ ਗਿਆ ਸੀ ..।। ਜਗਾ ਵੀ ਬਹੁਤ ਖੁਸ਼ ਸੀ.. ਚਲੋ ਵੱਡਾ ਮੁੰਡਾ ਤਾਂ ਮੇਰੇ ਨਾਲ ਜ਼ਮੀਨ ਚ ਹੱਥ ਵੰਡਾਉਗਾ..|| ਪਰ ਵੱਡਾ ਤਾਂ ਬਹਾਰ ਜਾਣਾ ਚਾਹੁੰਦਾ ਸੀ .. ਉਸ ਦੀ ਜਿਦ ਨੇ ਜਗੇ ਨੂੰ ਮੱਜਬੂਰ ਕਰ ਦਿੱਤਾ.. ਤੇ ਵੱਡਾ ਮੁੰਡਾ ਬਹੁਤ ਜੱਲਦ ਹੀ ਬਾਹਰ ਚਲਾ ਗਿਆ..।। ਤੇ ਇੱਧਰ ਛੋਟੇ ਦੀ ਪੜਾਈ ਪੂਰੀ ਹੋਣ ਤੋ ਬਾਆਦ ਉਹ ਮਾੜੀ ਸੰਗਤ ਚ ਪੈ ਗਿਆ.. ਜਗੇ ਨੇ ਬਹੁਤ ਰੋਕਿਆ ਪਰ ਉਹ ਨਹੀ ਮੁੜਿਆ.. ਉਸ ਨੇ ਪੰਚਾਇਤ ਸੱਦ ਕੇ ਆਪਣੇ ਛੋਟੇ ਪੁੱਤਰ ਨੂੰ ਘਰੋ ਬਾਹਰ ਕੱਢ ਦਿੱਤਾ..।। ਹੁਣ ਬਹੁਤ ਦੇਰ ਹੋ ਚੁਕੀ ਸੀ ਵੱਡੇ ਦਾ ਬਹਾਰੋ ਕੋਈ ਅਤਾ - ਪਤਾ ਨਹੀ ਸੀ ਆ ਰਿਹਾ.. ਛੇ ਮਹਿਨੇ ਬਾਅਦ ਪਤਾ ਲਗਿਆ ਕੇ ਵੱਡਾ ਵੀ ਡੱਰਗਸ ਦੇ ਕੇਸ ਚ ਬਾਹਰ ਜੇਲ ਚ ਹੈ ਤੇ ਵਾਪਿਸ ਨਹੀ ਆ ਸਕਦਾ.... ਅੱਜ ਬੁਢਾਪਾ ਜਗੇ ਦੇ ਪੈਰਾਂ ਨੂੰ ਛੂ ਰਿਹਾ ਸੀ ਤੇ ਆਪਣੇ ਘਰਵਾਲੀ ਨੂੰ ਬਾਰ ਬਾਰ ਕਹਿ ਰਿਹਾ ਸੀ ਕਾਛ ਆਪਾ ਦੋ ਧੀਆਂ ਨਾ ਮਾਰਿਆਂ ਹੁੰਦਿਆ ਤਾਂ ਇਸ ਉਮਰੇਂ ਸਾਨੂੰ ਘੱਟੋ - ਘੱਟ ਮਿਲਣ ਤਾਂ ਆ ਜਾਦੀਆਂ.....।।