ਉਮਰ ਬੀਤ ਗਈ ਪੁੱਤਰਾਂ
ਤੈਨੂੰ ਉਡੀਕਦੇ ਉਡੀਕਦੇ 
ਕਦ ਪੁੱਤਰ ਤੂੰ ਆਵੇਂਗਾ
ਹੁਣ ਤਾਂ ਇਹ ਸਾਹ ਵੀ
ਥੋੜੇ ਦਿਸ ਦੇ ਨੇ 
ਦਸ ਤੂੰ ਕਦ ਮਿਲ ਪਾਵੇਂਗਾ

ਪੈਸਿਆਂ ਵਿੱਚ ਤੂੰ ਅੱਜ ਇੰਨਾ ਰੁੱਝ ਗਿਆ 
ਕੀ ਆਪਣੇ ਮਾਪਿਆਂ ਨੂੰ ਹੀ ਭੁੱਲ ਗਿਆ
         
ਰੋਜ ਤੱਕਦੀ ਹਾਂ ਬੂਹਾ 
ਆਸ ਮਨ ਵਿੱਚ ਰੱਖ  ਕੇ
ਕੀ ਅੱਜ ਮੇਰਾ ਪੁੱਤਰ ਆਵੇਗਾ
ਉਮਰ ਬੀਤ ਗਈ ਪੁੱਤਰਾਂ
ਤੈਨੂੰ ਉਡੀਕਦੇ ਉਡੀਕਦੇ 
ਕਦ ਪੁੱਤਰ ਤੂੰ ਆਵੇਂਗਾ… 

ਬਚਪਣ ਵਿੱਚ ਤੈਨੂੰ
ਆਪਣੇ ਹੱਥਾਂ ਨਾਲ 
ਰੋਟੀ ਖੁਵਾਉਂਦੀ ਸਾਂ
ਘਰੇ ਭਾਵੇਂ ਤੰਗੀ
ਪਰ ਤੈਨੂੰ ਪੜ੍ਹਾਉਂਦੀ ਸਾਂ
ਰੱਖਦੀ ਸਾਂ ਆਸ ਤਦ 
ਤੈਨੂੰ ਤੱਕ ਤੱਕ ਕੇ
ਬੁੜ੍ਹਾਪੇ ਦਾ ਸਹਾਰਾ ਬਣ ਜਾਵੇਗਾ 
ਉਮਰ ਬੀਤ ਗਈ ਪੁੱਤਰਾਂ
ਤੈਨੂੰ ਉਡੀਕਦੇ ਉਡੀਕਦੇ 
ਕਦ ਪੁੱਤਰ ਤੂੰ ਆਵੇਂਗਾ


ਕੁਝ ਨਹੀਂਓ ਚਾਹੀਦਾ 
ਮੈਨੂੰ ਤੇਰੇ ਪਾਸੋਂ
ਬੱਸ ਇੱਕ ਵਾਰੀ ਪੁੱਤਰ ਤੂੰ ਆ ਜਾ
ਬਾਪੂ ਵੀ ਬੈਠਾ ਬੱਸ 
ਤੈਨੂੰ ਉਡੀਕਦਾ ਏ
ਸਮਾਂ ਕੱਢ ਤੂੰ ਫੇਰੇ ਪਾ ਜਾ

ਲਿਖ ਰਹੀ ਹਾਂ ਪੱਤਰ ਤੈਨੂੰ
ਆਸ ਮਨ ਵਿੱਚ ਰੱਖ ਕੇ
ਤੂੰ ਸਾਡੀ ਇਹ ਇੱਛਾ ਪੂਰੀ
ਕਰ ਜਾਵੇਗਾ
ਆਸ ਹੈ ਪੁੱਤਰ ਮੈਨੂੰ ਪੂਰੀ 
ਇੱਕ ਵਾਰੀ ਤੂੰ ਜਰੂਰ
ਫੇਰੇ ਪਾ ਜਾਵੇਗਾ

ਲਾਜਵਾਬ । ਲਫਜਾਂ ਚ ਤਾਰੀਫ਼ ਕਰਨਾ ਮੁਸ਼ਕਿਲ ਹੈ ਜੀ । ਸਿਰ ਝੁਕ ਗੈਆ ਸ਼ਾਇਰ ਦੀ ਸ਼ਾਇਰੀ ਅਗੇ।

Thanvad ji Guru Sahib Mehr Krn ji