ਜੇ ਤਿਤਲੀ ਦੋਸਤੀ ਦੀ ਮਰ ਗਈ ਤਾਂ ਫੇਰ ਨਾਂ ਕਹਿਣਾਂ ।
ਕੁੜੱਤਣ ਰਿਸ਼ਤਿਆਂ ਵਿੱਚ ਭਰ ਗਈ ਤਾਂ ਫੇਰ ਨਾਂ ਕਹਿਣਾਂ ।

 

ਬਦਲਦੇ ਨੇ ਜਦੋਂ ਅਹਿਸਾਸ ਮੌਸਮ ਬਦਲ ਜਾਂਦੇ ਨੇ,
ਜੇ ਬਲ ਪਈ ਚਾਨਣੀ ਧੁੱਪ ਠਰ ਗਈ ਤਾਂ ਫੇਰ ਨਾਂ ਕਹਿਣਾਂ । 

ਮੈਂ ਸਾਰੇ ਰੰਜ ਦੇ ਅੰਗਿਆਰ ਦਿਲ ਵਿਚ ਦੱਬ ਆਇਆ ਹਾਂ,
ਹਵਾ ਜੇ ਕੋਈ ਕਾਰਾ ਕਰ ਗਈ ਤਾਂ ਫੇਰ ਨਾਂ ਕਹਿਣਾਂ ।

 

ਤੂੰ ਆਪਣੀ ਜਿੱਤ ਦੇ ਹਰ ਹਾਰ ਵਿਚ ਮੈਨੂੰ ਪਰੋਨਾਂ ਏਂ,
ਇਵੇਂ ਜੇ ਮੇਰੀ ਖੁਸ਼ਬੂ ਮਰ ਗਈ ਤਾਂ ਫੇਰ ਨਾਂ ਕਹਿਣਾਂ ।

 

ਸਦਾ ਇਸ ਦਿਲ ਤੇ ਖ਼ਜ਼ਰ ਲਉਣ ਦੀ ਤੇਰੀ ਜੋ ਆਦਤ ਹੈ ।
ਮੇਰਾ ਜੇ ਦਿਲ ਪੱਥਰ ਕਰ ਗਈ ਤਾਂ ਫੇਰ ਨਾਂ ਕਹਿਣਾਂ ।

 

ਮੈਂ ਤੇਰੇ ਸਾਹਮਣੇ ਤਾਂ ਆਪਣੇ ਦਿਲ ਨੂੰ ਮਾਰ ਕੇ ਆਊਂ,
ਪਰੰਤੂ ਦਰਦ ਅੱਖੀਂਤਰ ਗਈ ਤਾਂ ਫੇਰ ਨਾਂ ਕਹਿਣਾਂ ।

 

ਤੂੰ ਆਪਣੇ ਸੁਪਨਿਆਂ ਨੂੰ ਜੀਂਦਿਆਂ ਹੀ ਮਾਰ ਕੇ ਰੱਖਨੈ,
ਜੇ ਇੱਕ ਦਿਨ ਨੀਂਦ ਤੇਰੀ ਮਰ ਗਈ ਤਾਂ ਫੇਰ ਨਾਂ ਕਹਿਣਾਂ ।

 

ਜਿਨ੍ਹੇ ਗੀਤਾਂ ਦੀ ਖ਼ਾਤਰ ਹੀ ਕਰਾਏ ਛੇਕ ਛਾਤੀ ਵਿਚ,
ਉਹ ਵੰਝਲੀ ਚੁਪ ਰਹਿਣਾ ਜ਼ਰ ਗਈ ਫੇਰ ਨਾਂ ਕਹਿਣਾਂ ।

 

ਅਜੇ ਵੀ ਵਕਤ ਹੈ ਤੂੰ ਆਪਣੇ ਘਰ ਦੀ ਛੱਤ ਉੱਤੇ ਆ,
ਸਿਆਲੀ ਧੁੱਪ ਹੈ ਜੇ ਮਰ ਗਈ ਤਾਂ ਫੇਰ ਨਾਂ ਕਹਿਣਾਂ ।

(ਸੁਲੱਖਣ ਸਰਹੱਦੀ)

bahut vdia gazal hai.....super lke..:)

Wow! one of the most beautiful, heart-touching works, i read recently. 

 

Actually, not "one of the most". I found it to be the "The most beautiful, heart-touching work" i recently read.

 

Million thanks for sharing Sir. :)

waaaaaahhh
ਮੈਂ ਸਾਰੇ ਰੰਜ ਦੇ ਅੰਗਿਆਰ ਦਿਲ ਵਿਚ ਦੱਬ ਆਇਆ ਹਾਂ,
ਹਵਾ ਜੇ ਕੋਈ ਕਾਰਾ ਕਰ ਗਈ ਤਾਂ ਫੇਰ ਨਾਂ ਕਹਿਣਾਂ ।

Boht boht thanx share karn vaste

 

ਆਹਾ ! ਅਨੰਦੁ ਆ ਗਿਆ ਜੀ ........ਸਲਾਮ ਸੁਲੱਖਨ ਸਰਹੱਦੀ ਜੀ .......

 

ਧੰਨਬਾਦ ਬਿੱਟੂ ਵੀਰ