ਲੋਕ ਆਪਣਾ ਬਣਾ ਕੇ ਜਦੋਂ ਭੁਲਾ ਜਾਂਦੇ ਨੇ,
ਮੇਰੇ ਨੈਂਣਾਂ ਵਿੱਚ ਹੰਝੂ ਉਦੋਂ ਆ ਜਾਂਦੇ ਨੇਂ.
ਕਦੇ ਕਰਦੇ ਸੀ ਮੇਰੇ ਨਾਲ ਹੱਸ ਹੱਸ ਗੱਲਾਂ,
ਅੱਜ ਨਿੱਕੀ ਜਹੀ ਗੱਲ ਤੇ ਛੁਡਾ ਗਏ ਪੱਲਾ,,
ਜਦੋਂ ਗੈਰਾਂ ਵਿੱਚ ਮੈਂਨੂੰ ਉਹ ਮਿਲਾ ਜਾਦੇ ਨੇਂ,
ਮੇਰੇ ਨੈਂਣਾਂ ਵਿੱਚ ਹੰਝੂ ਉਦੋ ਆ ਜਾਂਦੇ ਨੇਂ,
ਹੁਣ ਕਹਿੰਦੇ ਅਸੀਂ ਤੇਰੇ ਨਾਲ ਬੋਲਣਾਂ ਨਹੀਂ
ਕੋਈ ਦੁਖ ਸੁਖ ਤੇਰੇ ਨਾਲ ਫੋਲਣਾਂ ਨਹੀਂ,
ਨਾਂ ਬੁਲਾਣ ਦੀ ਕਸਮ ਜਦੋਂ ਪਾ ਜਾਂਦੇ ਨੇਂ,
ਮੇਰੇ ਨੈਂਣਾਂ ਵਿੱਚ ਹੰਝੂ ਉਦੋਂ ਆ ਜਾਂਦੇ ਨੇਂ,
ਹੁਣ ਉਹਨਾਂ ਲਈ ਮੈਂ ਬੰਦਾ ਇੱਕ ਆਮ ਹੋ ਗਿਆ,
ਖ਼ਤਮ ਪਿਆਰ ਵਾਲਾ ਰਿਸ਼ਤਾ ਤਮਾਮ ਹੋ ਗਿਆ,,
ਤੋੜ ਪਿਆਰ ਜਦੋਂ ਮੈਂਨੂੰ ਉਹ ਰੁਲਾ ਜਾਂਦੇ ਨੇਂ,
ਮੇਰੇ ਨੈਂਣਾ ਵਿੱਚ ਹੰਝੂ ਉਦੋਂ ਆ ਜਾਂਦੇ ਨੇਂ,
ਕਦੇ ਮੇਰੇ ਲਈ ਸੀ ਰੱਬ ਤੋਂ ਦੁਆਵਾਂ ਮੰਗਦੇ,
ਅੱਜ ਵੱਟ ਕੇ ਉਹ ਪਾਸਾ ਮੇਰੇ ਕੋਲੋਂ ਲੰਘਦੇ,
ਹੁਣ ਦੇਖ ਕੇ ਉਹ ਨਜਰਾਂ ਘੁਮਾ ਜਾਂਦੇ ਨੇਂ,
ਮੇਰੇ ਨੈਂਣਾਂ ਵਿੱਚ ਹੰਝੂ ਉਦੋਂ ਆ ਜਾਂਦੇ ਨੇਂ,
ਕਦੇ ਕਹਿਦੇ ਸੀ ਤੇਰੇ ਬਿਨਾ ਪਲ ਨਹੀਂ ਸਰਦਾ,
ਅੱਜ ਉਹ ਹੀ "ਦੀਪ "ਕੋਲੋਂ ਕਰ ਗਏ ਪਰਦਾ,
ਮੈਨੂੰ ਖੁਦ ਨਾਲੋਂ ਕਰ ਉਹ ਜੁਦਾ ਜਾਦੇ ਨੇਂ,
ਮੇਰੇ ਨੈਂਣਾਂ ਵਿੱਚ ਹੰਝੂ ਉਦੋਂ ਆ ਜਾਦੇ ਨੇਂ.
ਲੋਕ ਆਪਣਾ ਬਣਾ ਕੇ ਜਦੋਂ ਭੁਲਾ ਜਾਂਦੇ ਨੇ,
ਮੇਰੇ ਨੈਂਣਾਂ ਵਿੱਚ ਹੰਝੂ ਉਦੋਂ ਆ ਜਾਂਦੇ ਨੇਂ,
ਹਰਦੀਪ
1-10-2013ਂ
|
