ਸੋਚਦਾ
ਕਿੰਨਾ ਨੇਡ਼ੇ ਆ
ਇੱਕ ਦੂਜੇ ਦੇ
ਅਸੀਂ ਦੋਵੇਂ
ਸਾਹ ਰਗ ਤੋਂ ਵੀ ਨੇਡ਼ੇ
ਕੀ ਕੁੱਝ ਨਹੀਂ
ਜਾਣਦੇ ਅਸੀਂ
ਇੱਕ ਦੂਜੇ ਵਾਰੇ
ਆਪਣੇ ਤੋਂ ਵੀ ਜਿਆਦਾ
ਉਹ ਮੇਰੇ ਵਾਰੇ
ਤੇ ਮੈਂ ਉਹਦੇ ਵਾਰੇ
ਅਗਲੇ ਹੀ ਪਲ
ਫ਼ਿਰ ਕੁੱਝ ਵਾਪਰਦਾ
ਤੇ ਇੱਕ ਹੋਰ ਭੇਦ ਖੁਲਦਾ
ਭਰਮ ਟੁੱਟਦਾ
ਕਿ ਮੈਂ
ਕੁੱਝ ਵੀ ਤਾਂ ਨਹੀਂ ਜਾਣਦਾ
ਉਸਦੇ ਵਾਰੇ
ਤੇ ਫ਼ਿਰ
ਇਹ ਨਜ਼ਦੀਕੀਆਂ
ਇੱਕ ਦਮ
ਦੂਰੀਆਂ 'ਚ ਬਦਲਨ
ਲੱਗਦੀਆਂ
ਤੇ
ਮੈਂ ਫ਼ਿਰ ਤੋਂ ਸ਼ੁਰੂ ਕਰਦਾ
ਇੱਕ ਨਵਾਂ ਸਫ਼ਰ
ਉਸਦੇ ਵੱਲ ਦਾ
ਉਸ ਤੱਕ ਪਹੁੰਚਣ ਦਾ
ਉਸਨੂੰ ਜਾਣਨ ਦਾ
ਤੇ ਮੈਂ ਫ਼ਿਰ ਤੋਂ
ਪੈ ਜਾਂਦਾ
ਮੁਸਾਫਿਰ ਦੀ ਜੂਨ 'ਚ...

bahut vadiya 22 g

very well written great