ਜੇ ਪੱਥਰ ਨਾ ਸ਼ੀਸ਼ੇ ਦੇ,
ਕਦੇ ਇੱਕਤਿਲਾਫ਼ ਹੁੰਦਾ ,
ਹਰ ਟੁੱਟਿਆ ਜੋ ਤੇਰੇ ਤੋਂ ,
ਵਾਅਦਾ ਮੁਆਫ ਹੁੰਦਾ।

ਉਹ ਸ਼ਹਿਰ ਵੀ ਤੇਰਾ ਸੀ ,
ਉਹ ਅਦਾਲਤ ਵੀ ਤੇਰੀ ,
ਫਿਰ ਮੇਰੇ ਨਾਲ ਦੱਸ
,ਤੂੰ ਕਿੱਦਾਂ ਇਨਸਾਫ ਹੁੰਦਾ ।

ਉਹ ਮੁੱਹਬੱਤ ਵੀ ਤੇਰੀ ਸੀ,
ਉਹ ਨਫ਼ਰਤ ਵੀ ਤੇਰੀ,
ਨੈਣ ਤੱਕ ਲੈਂਦੇ ਸ਼ੀਰਤ
,ਜੇ ਦਿਲ ਤੇਰਾ ਸਾਫ ਹੁੰਦਾ ।

ਜਰਖੇਜ ਨਾ ਹੁੰਦੀ ਜਮੀਂ
,ਕਦੇ ਕਿਸੇ ਦੀ ਯਾਦ ਵਿੱਚ ,
ਹਰ ਅਸ਼ਕ ਮੇਰੇ ਨੈਣਾਂ ਦਾ,
ਜੇ ਬਣ ਗਿਆ ਭਾਫ਼ ਹੁੰਦਾ।

ਲਿਖ ਦਿੰਦਾ ਨਾਮ ਜੈਲੀ ,
ਇਸ ਵਕਤ ਦੇ ਪਰਾਂ ਤੇ ,
ਜੇ ਦੋਸਤ ਨਾ ਮੇਰਾ ਕਦੇ ,
ਮੇਰੇ ਬਰਖਿਲ਼ਾਫ ਹੁੰਦਾ ।।

ਜੈਲੀ ਵੀਰ ਬਹੁਤ ਖੂਬ ਲਿਖਿਆ ,..............