ਅਸੀ ਮਾ ਬਾਪ ਘਰ ਬਾਹਰ ਸਭ ਕੁਝ ਪਿੱਛੇ ਛੱਡ ਕੇ ਆਏ,
ਅਧੂਰੇ ਸੁਪਨੇ ਪੂਰੇ ਕਰਨ ਲਈ ਬਗਾਨੀ ਧਰਤੀ ਤੇ ਆਏ |
ਪਤਾ ਨਹੀ ਕੀ ਦਸਤੂਰ ਇਥੇ ਚਾਚੇ ਤਾਏ ਵੀ ਨਾ ਦੇਣ ਢੋਏ,
ਕਰ ਆਪਣੇ ਪੰਜਾਬ ਨੂੰ ਯਾਦ ਅਸੀ ਇਕਲੇ ਬੇਹ ਕੇ ਰੋਏ|
ਹੁਣ ਤੂੰ ਹੀ ਮਿਹਰ ਕਰੀ ਦਾਤਿਆ ਅਸੀ ਪਰਦੇਸੀ ਹੋਏ |

ਜਿੰਦ ਪਹਿਲਾ ਇਕ ਤੇ ਫਿਰ ਦੂਜੇ ਥਾ ਤੇ ਸ਼ਿਫਟਾ ਲਾਵੇ,
ਕਿੰਨੇ ਵਜੇ ਜਾਣਾ ਤੇ ਕਦੋ ਆਉਣਾ ਬੱਸ ਇਹੀ ਚੇਤਾ ਆਵੇ |
ਦਿਨ ਹੋਵੇ ਜਾ ਰਾਤ, ਹਾੜ ਜਾ ਮਾਘ ਕੁਝ ਨਾ ਥਿਆਵੈ,
ਨਾ ਨੀਂਦ ਨੇੜੇ ਨਾ ਸ਼ੋਕ ਬਸ ਡਾਲਰ ਯਾਦ ਅਸੀ ਕਿਥੇ ਆਣ ਖਲੋਏ |
ਹੁਣ ਤੂੰ ਹੀ ਮਿਹਰ ਕਰੀ ਦਾਤਿਆ ਅਸੀ ਪਰਦੇਸੀ ਹੋਏ |

ਇਥੇ ਕੰਮ ਕੰਮ ਕਰਦਿਆ ਸਾਰੇ ਯਾਰ ਪਿਆਰੇ ਚੇਤੇ ਆਉਂਦੇ ਨੇ,
ਕਿਸੇ ਨੂੰ ਵਿਛੜੇ ਰੂਹਾ ਵਾਲੇ ਸੱਜਣ ਆਕੇ ਯਾਦਾਂ ਵਿਚ ਸਤਾਉਂਦੇ ਨੇ |
ਕਿਸੇ ਦੇ ਬੈਠੀ ਘਰ ਉਡੀਕ ਦੀ ਚੁੜੇ ਵਾਲੀ ਨਜਰਾਂ ਦੇ ਸਾਹਮਣੇ ਆਵੇ,
ਹੋ ਕੇ ਬੇਵੱਸ ਮਜਬੂਰੀਆਂ ਤੋ ਇੰਝ ਲਗੇ ਜਿਵੇ ਅਸੀਂ ਜਿਉਦੇ ਹੋ ਗਏ ਮੋਏ |
ਹੁਣ ਤੂੰ ਹੀ ਮਿਹਰ ਕਰੀ ਦਾਤਿਆ ਅਸੀ ਪਰਦੇਸੀ ਹੋਏ |

ਮਾਪੇ ਪਰਦੇਸੀਆ ਦੇ ਪਤਾ ਨਹੀ ਕਿਸ ਹਾਲ ਵਿਚ ਰਿਹੰਦੇ ਨੇ,
ਸਾਡੇ ਬਿਨਾ ਪਤਾ ਨਹੀ ਉਹ ਕਿਹੜੇ ਕਿਹੜੇ ਦੁੱਖੜੇ ਸਹਿੰਦੇ ਨੇ |
ਪਤਾ ਨਹੀ ਸਾਕ ਸਬੰਦੀ ਕਦੇ ਪਤਾ ਲੇਣ ਆਏ ਜਾਂ ਨਹੀ ਆਏ,
ਇਕੇਲੇ ਮਾਪੇ ਦੇਖ ਸਾਡੇ ਕੀਤੇ ਓਹ ਪਟਦੇ ਤਾ ਨਹੀ ਟੋਏ |
ਹੁਣ ਤੂੰ ਹੀ ਮਿਹਰ ਕਰੀ ਦਾਤਿਆ ਅਸੀ ਪਰਦੇਸੀ ਹੋਏ|

ਪਰਮਾਤਮਾ ਘਰ ਪਰਿਵਾਰ ਤੇ ਸੁਖ ਸਾਂਤੀ ਤੇ ਮਿਹਰ ਵਾਲੀ ਨਜਰ ਪਾਈ,
ਇਥੇ ਮਿਹਨਤ ਕਰਦਿਆ ਸਾਡੇ ਵੀ ਅੰਗ ਸੰਗ ਹੋਈ ਤੂੰ ਸਹਾਈ |
ਤੇਰੇ ਆਸਰੇ ਹੀ ਅਸੀ ਪਰਦੇਸੀ ਸੱਭ ਛੱਡ ਕੇ ਇਥੇ ਆਉਣ ਲਈ ਤਿਆਰ ਸੀ ਹੋਏ,
ਠੰਡ ਵਰਤਾਈ ਦੇਸ ਤੇ ਪਰਦੇਸ ਵਿਚ ਤੂੰ,"ਸੰਧੂ" ਨੇ ਅਰਦਾਸ ਵਿਚ ਇਹ ਸਬਦ ਪਰੋਏ |
ਹੁਣ ਤੂੰ ਹੀ ਮਿਹਰ ਕਰੀ ਦਾਤਿਆ ਅਸੀ ਪਰਦੇਸੀ ਹੋਏ................ਸੰਧੂ

ਇਕੱਲੇ ਮਾਪੇ ਦੇਖ ਸਾਡੇ ਕਿਤੇ ਉਹ ਪੱਟਦੇ ਤਾਂ ਨੀਂ ਟੋਏ |

ਬਹੁਤ ਖੂਬ ਸਤਵਿੰਦਰ ਜੀ, ਦਿਲ ਨੂੰ ਛੂਹ ਗਈ ਜੀ |ਜੀਓ |

                                            ਜਗਜੀਤ ਸਿੰਘ ਜੱਗੀ 

ਧੰਨਵਾਦ

ਜਗਜੀਤ ਸਿੰਘ ਜੱਗੀ ਜੀ