An Observation and a Concern Shared with young parents:

ਜੀਵਨ ਸੰਘਰਸ਼ ਹੈ | ਇਸਲਈ, ਕੀਹ ਮਾਪਿਆਂ ਲਈ ਇਹ ਸਹੀ ਨਹੀਂ ਕਿ ਬਹੁਤੇ ਲਾਡ ਲਡਾਉਣ ਅਤੇ over protective ਹੋਣ ਦੀ ਬਜਾਏ, ਬੱਚੇ ਨੂੰ down-to-earth ਅਤੇ ਜੁਝਾਰੂ ਬਣਨ ਦੀ ਸਿੱਖਿਆ ਦਿੱਤੀ ਜਾਏ ?

 

         ਪਰਵਰਿਸ਼ 

 

ਔਲਾਦ ਗਾਲਦਾ ਲਾਡ ਬੇਥਵ੍ਹਾ

ਜੋ ਮਾਪਿਆਂ ਅੱਖੀਂ ਛਲਕੇ,

ਮਾੜਾ ਬੱਚਾ ਜੀਵਨ ਜੰਗ 'ਚ  

ਰਹਿ ਜਾਂਦਾ ਹਥ ਮਲ ਕੇ |

 

ਜਾਣ ਲਏ ਉਹ, ਬੁਝਨੇ ਦਾ ਡਰ

ਜਿਸਦੀ ਅੱਖ ਵਿਚ ਝਲਕੇ,

ਦੀਵੇ ਦੀ ਲੋਅ ਫੈਲ ਨੀ ਸਕਦੀ

ਬੁੱਕਲ ਦੇ ਵਿਚ ਬਲ ਕੇ |

 

ਸੱਚੇ ਰਹਿਬਰ ਉਹ ਮਾਪੇ

ਜੋ ਖੜ੍ਹਨ ਨਾ ਰਸਤਾ ਮੱਲ ਕੇ,

ਵਧਣਾ ਦੱਸਣ ਚੀਰ ਕੇ ਲਹਿਰਾਂ

ਝੱਖੜਾਂ ਦੇ ਵਿਚ ਚਲ ਕੇ |

 

ਸਿਖਰ ਹਿਮਾਲਾ ਛੋਹ ਲੈਂਦੇ ਨੇ

ਹਿੰਮਤੀ ਬਰਫ਼ ਕੁਚਲ ਕੇ,

ਸੋਨਾ ਨਿਖਰੇ, ਸੰਗ ਸੁਹਾਗੇ

ਭੱਠੀ ਦੇ ਵਿਚ ਗਲ ਕੇ |

 

ਗਗਨ ਉਡਾਰੀ ਬੌਣੀ ਹੋ ਜਾਊ

ਤੱਕ ਧਰਤੀ 'ਤੇ ਚਲ ਕੇ,

ਸਿੱਖ ਦਾਣੇ ਤੋਂ ਹਰਿਆ ਹੋਣਾ

ਮਿੱਟੀ ਦੇ ਵਿਚ ਰਲ ਕੇ |

 

ਖਰੀ ਬਾਤ ਏ ਲੱਖ ਟਕੇ ਦੀ

ਅੱਜ ਸਮਝਿਓ ਜਾਂ ਭਲਕੇ,

ਬੋਹੜ ਨਹੀਂ ਬਣ ਸਕਦਾ ਬੂਟਾ

ਗਮਲੇ ਦੇ ਵਿਚ ਪਲ ਕੇ |

                   ਜਗਜੀਤ ਸਿੰਘ ਜੱਗੀ

 

ਗਾਲਦਾ = Spoil ਕਰ ਦਿੰਦੈ; ਬੇਥਵ੍ਹਾ (read ਬੇ ਥਵ੍ਹਾ) = Irrational;

ਰਹਿਬਰ = Trailblazer, ਮਾਰਗ ਦਰਸ਼ਕ; ਹਥ ਮਲ ਕੇ = ਪਛਤਾਉਂਦਾ ਹੈ |

ਕੁਚਲ ਕੇ = Trample underfoot, ਪੈਰਾਂ ਹੇਠ ਮਿਧ (ਕੇ ਅੱਗੇ ਨਿਕਲ ਜਾਣਾ) | 

ਸਿੱਖ ਦਾਣੇ ਤੋਂ ਹਰਿਆ ਹੋਣਾ, ਮਿੱਟੀ ਦੇ ਵਿਚ ਰਲ ਕੇ = ਦਾਣੇ ਕੋਲੋਂ ਸਬਕ ਲੈ ਜੋ ਮਿੱਟੀ ਵਿਚ ਰੁਲ ਕੇ ਗੁਲਜ਼ਾਰ ਹੋ ਜਾਂਦਾ ਹੈ | 

Bahut vdiya veer ji..

 

bohar nhi ban skda boota.... gamle de vich pal k

 

 

ਬਾ-ਕਮਾਲ ............

 

 

ਗਗਨ ਉਡਾਰੀ ਬੌਣੀ ਹੋ ਜਾਊ,
ਤੱਕ ਧਰਤੀ 'ਤੇ ਚਲ ਕੇ,
ਸਿੱਖ ਦਾਣੇ ਤੋਂ ਹਰਿਆ ਹੋਣਾ,
ਮਿੱਟੀ ਦੇ ਵਿਚ ਰਲ ਕੇ |

ਵਾਹ ਜੀ ਵਾਹ ! ਨਿਰਾਲਾ ਅੰਦਾਜ਼ ਹੈ ਆਪ ਜੀ ਦਾ ,,,ਜਿਓੰਦੇ ਵੱਸਦੇ ਰਹੋ,,,

ਆਪਣੇ ਅਾਪ ਚ ੲਿੱਕ ਫਲਸਫਾ ਹੈ

 

ਸੰਦੀਪ ਵੀਰੇ ਕਿਰਤ ਦਾ ਮਾਣ ਕਰਨ ਲਈ ਬਹੁਤ ਬਹੁਤ ਧੰਨਵਾਦ |

ਜਿਉਂਦੇ ਵਸਦੇ ਰਹੋ ਜੀ |

 

 

ਸਤ ਸ੍ਰੀ ਅਕਾਲ ਸੁਖਪਾਲ ਬਾਈ ਜੀ |

ਆਪ ਨੇ ਆਪਣੇ ਰੁਝੇਵਿਆਂ ਚੋਂ ਸਮਾਂ ਕਢਿਆ ਅਤੇ ਹੌਂਸਲਾ ਅਫਜਾਈ ਕੀਤੀ | ਬਹੁਤ ਸ਼ੁਕਰੀਆ, ਜਿਉਂਦੇ ਵਸਦੇ ਰਹੋ ਜੀ |

 

ਥੈਂਕਿਉ ਚਰਨਜੀਤ ਵੀਰ ਜੀ,

ਰੱਬ ਰਾਖਾ !  

ਕਿਰਤ ਦਾ ਮਾਣ ਕਰਨ ਲਈ ਬਹੁਤ ਧੰਨਵਾਦ ਬਿੱਟੂ ਬਾਈ ਜੀ |

 

ਜਿਉਂਦੇ ਵਸਦੇ ਰਹੋ ਜੀ | God Bless !

ਜਗਜੀਤ ਸਰ ਜੀ
ਕਵਿਤਾ ਸਿਖਾਉਦੀ ਹੈ
ਕਵਿਤਾ ਹੋਸਲਾ ਬਣਾੳੁਦੀ ਹੈ
ਤੁਹਾਡੀ ਇਹ ਰਚਨਾ ਅਪਣੀ ਬੁੱਕਲ ਵਿਚ ਇਹ ਸਭ ਕੁਝ ਲਕੋ.ਕੇ ਬੈਠੀ ਹੈ
ਜਿਓ ਸਰ