ਚਿੱਟਾ ਗੁਲਾਬ
ਲਾਲ ਗੁਲਾਬ ਵੇਖਿਆ ਸੀ
'ਤੇ ਚਿੱਟਾ ਗੁਲਾਬ ਸੁਣਿਆ ਸੀ
'ਤੇ ਪਤਾ ਨਹੀਂ ਸੀ,
ਏਨੀ ਜਲਦੀ ਵੇਖਣ ਨੂੰ ਮਿਲ ਜਾਵੇਗਾ।
ਹੁਣ ਖ਼ੁਦ ਨੂੰ ਯਕੀਨ ਦਿਵਾਉਣ ਲਈ
ਨਜ਼ਦੀਕ ਜਾਣਾ ਤਾਂ ਬਣਦਾ ਸੀ
ਕੁਝ ਜ਼ਿਆਦਾ ਨਹੀਂ
ਬਸ ਖ਼ਸ਼ਬੋ ਤਕ ਹੀ,
ਸੋਚਿਆ ਇਸ ਦੀ ਸੁੰਦਰਤਾ ਨੂੰ
ਬਸ ਮਾਣਿਆ ਹੀ ਜਾਵੇ
ਨਾ ਤੋੜਿਆ ਜਾਵੇ ਨਾ ਕਿਸੇ ਨੂੰ ਦੱਸਿਆ ਜਾਵੇ।
ਉਮੀਦ ਕਰਦਾ ਹਾਂ
ਇਹ ਆਉਣ ਵਾਲੇ ਵਕਤ 'ਚ
ਅੱਗੇ ਵੀ ਸਮੇਂ-ਸਮੇਂ ਤੇ ਖਿੜਦਾ ਰਹੇਗਾ
ਤੇ ਸਾਨੂੰ ਆਪਣੇ ਅੰਦਾਜ਼ ਨਾਲ
ਦੋ ਪਲ ਆਪਣੇ ਕੋਲ ਰੋਕਣ ਦੀ
ਕੋਸ਼ਿਸ਼ ਕਰਦਾ ਰਹੇਗਾ।
✍🏽 ਗੁਰਜੰਟ ਤਕੀਪੁਰ
88727 82684

wonderful poetry