J tuhada Akhabaar ehna hi Lokhit te Nirpakh hai ta ohna di 50 dina to chal rahi Strike bare vi koi khabr lao te nal aah report vi . . .""ਫੈਕਟਰੀ ਮਾਲਕਾਂ ਵੱਲੋਂ ਪਾਵਰਲੂਮ ਮਜ਼ਦੂਰਾਂ ਦੀ ਕੀਤੀ ਜਾਂਦੀ ਲੁੱਟ ਦੀ ਇੱਕ ਝਲਕ-
ਪਿਛਲੇ ਦਿਨਾਂ 'ਚ ਫੈਕਟਰੀ ਮਾਲਕਾਂ ਦੇ ਹਵਾਲੇ ਨਾਲ ਛਪੀਆਂ ਅਖਬਾਰੀ ਰਿਪੋਰਟਾਂ ਮੁਤਾਬਕ ਲੁਧਿਆਣੇ ਦੇ ਟੈਕਸਟਾਈਲ ਫੈਕਟਰੀ ਮਾਲਕਾਂ ਨੂੰ ਮਜ਼ਦੂਰਾਂ ਦੀ ਹੜਤਾਲ ਦੇ ਪਹਿਲੇ 22 ਦਿਨਾਂ 'ਚ 28 ਕਰੋੜ ਰੁਪੈ ਦਾ ਘਾਟਾ ਪਿਆ ਹੈ, ਹਾਲਾਂਕਿ ਕੁਝ ਅਖਬਾਰਾਂ ਅਨੁਸਾਰ ਇਹ ਘਾਟਾ 2 ਕਰੋੜ ਪ੍ਰਤੀ ਦਿਨ ਦੱਸਿਆ ਗਿਆ ਹੈ ਜਿਸ ਅਨੁਸਾਰ 22 ਦਿਨਾਂ ਦਾਘਾਟਾ 44 ਕਰੋੜ ਰੁਪੈ ਬਣ ਜਾਂਦਾ ਹੈ, ਪਰ ਅਸੀਂ 28 ਕਰੋੜ ਦਾ ਅਨੁਮਾਨ ਲੈ ਕੇ ਚਲਾਂਗੇ|
ਇਸੇ ਸਮੇਂ ਦੌਰਾਨ ਮਜ਼ਦੂਰਾਂ ਨੂੰ ਕਿੰਨਾ ਨੁਕਸਾਨ ਉਠਾਉਣਾ ਪਿਆ ਹੈ ? ਪੀਕ ਸੀਜ਼ਨ ਸਮੇਂ ਇੱਕ ਮਜ਼ਦੂਰ ਜ਼ਿਆਦਾ ਤੋਂ ਜ਼ਿਆਦਾ 7000 ਰੁਪੈ ਪ੍ਰਤੀ ਮਹੀਨਾ ਕਮਾ ਪਾਉਂਦਾ ਹੈ, ਭਾਵ 22 ਦਿਨਾਂ ਦਾ ਹੋਇਆ ਲੱਗਭੱਗ 5,000 ਰੁਪੈ| ਕਿਉਂਕਿ 2,500 ਦੇ ਕਰੀਬ ਮਜ਼ਦੂਰ ਹੜਤਾਲ 'ਤੇ ਹਨ, ਸੋ ਮਜ਼ਦੂਰਾਂ ਦਾ ਕੁਲ ਨੁਕਸਾਨ ਹੋਇਆ 1.25 ਕਰੋੜ ਰੁਪੈ| ਇਸ ਤਰ੍ਹਾਂ ਮਜ਼ਦੂਰਾਂ ਦਾ ਨੁਕਸਾਨ ਮਾਲਕਾਂ ਦੇ ਨੁਕਸਾਨ ਦਾ 4.5% ਬਣਦਾ ਹੈ| ਜੇ ਅਸੀਂ 28+1.25=29 .25 ਕਰੋੜ ਕਰ ਦਈਏ ਤਾਂ ਇਹ ਉਹ ਰਕਮ ਹੈ ਜੋ ਮਾਲਕਾਂ ਨੇ ਕਮਾਉਣੀ ਸੀ ਤੇ ਜਿਸ ਵਿੱਚੋਂ ਮਜ਼ਦੂਰਾਂ ਨੂੰ ਦਿਹਾੜੀ ਮਿਲਣੀ ਸੀ| 29.25 ਕਰੋੜ ਦਾ 1.25 ਕਰੋੜ ਜੋ ਮਜ਼ਦੂਰਾਂ ਨੂੰ ਮਿਲਣਾ ਸੀ, 4.27% ਬਣਦਾ ਹੈ| ਪੂਰੇ ਉਤਪਾਦਨ ਦਾ ਇਹ ਉਹ ਨਿਗੂਣਾ ਹਿੱਸਾ ਦੌਰਾਨ ਜੋ ਮਜ਼ਦੂਰ ਨੂੰ ਮਿਲਦਾ ਹੈ 12-14 ਘੰਟੇ ਤੱਕ ਆਪਣੇ ਹੱਡ ਗਾਲ ਕੇ| ਜਿਹੜੇ ਲੋਕ ਮਿਹਨਤ ਕਰਦੇ ਹਨ, ਉਹਨਾਂ ਦੇ ਪੱਲੇ 4.27% ਪੈਂਦਾ ਹੈ ਜਦਕਿ ਜੋ ਵਿਹਲੇ ਬੈਠਦੇ ਹਨ ਏ.ਸੀ. ਕਮਰਿਆਂ 'ਚ ਉਹ 95.73% ਹੜੱਪ ਜਾਂਦੇ ਹਨ ਸਿਰਫ਼ ਇਸ ਕਰਕੇ ਕਿ 'ਉਹ ਮਾਲਕ ਹਨ'| ਇਹ ਹੈ ਪੂੰਜੀਵਾਦ ਦਾ ਅਰਥ-ਸ਼ਾਸਤਰ|
ਮਜ਼ਦੂਰਾਂ ਦੀ ਲੁੱਟ ਦਾ ਅਸਲੀ ਚੇਹਰਾ ਉਦੋਂ ਦਿਖਦਾ ਹੈ ਜਦੋਂ ਅਸੀਂ ਪ੍ਰਤੀ ਵਿਅਕਤੀ ਦੇ ਹਿਸਾਬ ਨਾਲ ਚਲਦੇ ਹਾਂ| ਕਿਉਂਕਿ ਲੱਗਭੱਗ 150 ਫੈਕਟਰੀਆਂ 'ਚ ਹੜਤਾਲ ਚੱਲ ਰਹੀ ਹੈ, ਇਸ ਲਈ ਮਾਲਕਾਂ ਨੂੰ ਪ੍ਰਤੀ ਵਿਅਕਤੀ ਘਾਟਾ 19 ਲੱਖ ਰੁਪੈ ਦੇ ਕਰੀਬ ਬਣਦਾ ਹੈ| ਇਹਨਾਂ ਹੀ 22 ਦਿਨਾਂ 'ਚ ਮਜ਼ਦੂਰਾਂ ਨੂੰ ਪ੍ਰਤੀ ਵਿਅਕਤੀ 5,000 ਰੁਪੈ ਦਾ ਨੁਕਸਾਨ ਹੋਇਆ| ਭਾਵ ਇੱਕ ਮਜ਼ਦੂਰ ਦਾ ਨੁਕਸਾਨ ਇੱਕ ਮਾਲਕ ਦੇ ਨੁਕਸਾਨ ਦਾ 0.05% ਬਣਦਾ ਹੈ|
ਹੁਣ ਦੇਖੀਏ ਮਜ਼ਦੂਰਾਂ ਦੀ ਮੰਗ ਕੀ ਹੈ ? ਮਜ਼ਦੂਰ ਆਪਣੀ ਦਿਹਾੜੀ 'ਚ 25% ਦਾ ਵਾਧਾ ਮੰਗ ਰਹੇ ਹਨ| ਜੇ ਇਹ ਵਾਧਾ ਹੁੰਦਾ ਹੈ ਤਾਂ ਹਰ ਮਜ਼ਦੂਰ ਨੂੰ 22 ਦਿਨਾਂ 'ਚ 1200 ਰੁਪੈਵੱਧ ਮਿਲਣੇ ਸੀ, ਭਾਵ ਮਾਲਕਾਂ ਨੂੰ 2,500 ਮਜ਼ਦੂਰਾਂ ਨੂੰ ਲੱਗਭੱਗ 30 ਲੱਖ ਰੁਪੈ ਜ਼ਿਆਦਾ ਦੇਣੇ ਪੈਣੇ ਸੀ| ਇਸ ਵਿੱਚ ਜੇ ਇਸੇ ਸਮੇਂ ਲਈ ਬੋਨਸ ਅਤੇ ਈ.ਐੱਸ.ਆਈ. ਕਾਰਡ ਦਾ ਪੈਸਾ ਵਿੱਚ ਜੋੜ ਲਈਏ ਤਾਂ ਇਹ ਰਕਮ 30+18.70=4 8.70 ਲੱਖ ਰੁਪੈ ਬਣਦੀ ਹੈ ਜੋ 28 ਕਰੋੜ ਦੇ ਮਾਲਕਾਂ ਦੇ ਘਾਟੇ (ਮੁਨਾਫੇ) ਦਾ ਮਹਿਜ਼ 1.73% ਹਿੱਸਾ ਬਣਦਾਹੈ| ਇਸ ਤਰ੍ਹਾਂ ਮਜ਼ਦੂਰ ਪੂਰੇ ਉਤਪਾਦਨ ਵਿੱਚ ਆਪਣਾ ਹਿੱਸਾ 4.27% ਤੋਂ ਵਧਾ ਕੇ 6.00% ਕਰਨ ਦੀ ਮੰਗ ਕਰ ਰਹੇ ਹਨ| ਹਾਂਜੀ, ਇਹੀ ਉਹ ਨਿਗੂਣਾ ਵਾਧਾ ਹੈ ਜਿਸ ਲਈ ਮਜ਼ਦੂਰ ਪਿਛਲੇ 26 ਦਿਨਾਂ ਤੋਂ ਹੜਤਾਲ 'ਤੇ ਚੱਲ ਰਹੇ ਹਨ, ਪਰ ਹੈਰਾਨੀ ਦੀ ਗੱਲ ਇਹ ਹੈ ਕਿ ਮਾਲਕ ਸਿਰਫ਼ 48 ਲੱਖ ਰੁਪੈ ਦੇਣ ਲਈ ਤਿਆਰ ਨਹੀਂ ਹਨ, ਜਦਕਿ ਇਹੀ ਮਾਲਕ 28 ਕਰੋੜ ਦਾ ਘਾਟਾ ਉਠਾਉਣ ਲਈ ਤਿਆਰ ਹਨ, ਅਖਬਾਰਾਂ 'ਚ ਪਿੱਟ ਰਹੇ ਹਨ ਕਿ ਮਜ਼ਦੂਰ ਇਹਨਾਂ ਨੂੰ ਬਲੇਕਮੇਲ ਕਰ ਰਹੇ ਹਨ| ਪਰ ਤੱਥ ਦੱਸ ਰਹੇ ਹਨਕਿ ਕੌਣ ਕਿਸਨੂੰ ਲੁੱਟ ਰਿਹਾ ਹੈ ??"" . . . . . . . Jiada Jankari lai . . . . ਰਾਜਵਿੰਦਰ ,
ਸੰਯੋਜਕ , ਟੇਕਸਟਾਇਲ ਮਜਦੂਰ ਯੂਨੀਅਨ
ਮੋਬਾਇਲ - 98886 55663
. . . . . . . . . . .(Khabar apni Sahi Jagha te sahi Size di hove na ki 'Chidi di Bith' wang)
|