ਮੇਰੇ ਜਮਿਓਂ ਵੇ ਮੇਰੇ ਜਾਇ-ਓ ਵੇ ,
ਮੇਰਾ ਬਹਿ ਕੇ ਦਰਦ ਵੰਡਾਇਓ ਵੇ ,
ਮੇਰੇ ਪੁਤਰੋ ਵੇ ਮੇਰੇ ਲਾਡਲਿਓ ,
ਕਿਤੇ ਮਾਂ ਨੂੰ ਨਾ ਭੁਲ ਜਾਇਓ ਵੇ ,
... ............... ............... .....
............... ..............
ਇਕ ਪੈਂਤੀ ਰੰਗ ਦੇ ਫੁਲਾਂ ਦੀ ,
ਮੇਰੇ ਵਿਹੜੇ ਵਿਚ ਫੁਲਵਾੜੀ ਹੈ ,
ਇਹਨਾਂ ਰੰਗ -ਬਰੰਗੇ ਫੁਲਾਂ ਦੀ ,
ਟੁੱਟਣੋ ਹਰ ਸ਼ਾਖ ਬਚਾਇਓ ਵੇ ,
............... ............
............... ..............
ਮੇਰੀ ਬੁਕਲ ਦੇ ਵਿਚ ਪਲਦੇ ਰਹੇ ,
ਮੇਰੀ ਉਂਗਲੀ ਫੜ ਕੇ ਚਲਦੇ ਰਹੇ ,
ਹੁਣ ਆਪਣੇ ਨਿਕਿਆਂ ਬਾਲਾਂ ਤੋਂ,
ਮੇਰੀ ਉਂਗਲੀ ਨਾ ਛਡਵਾਇਓ ਵੇ
ਮੇਰੇ ਜਾਮਿਓਂ ਵੇ ..............
............... ............... ......
ਮੈਂ ਰਾਣੀ ਸੀ ਪਟਰਾਣੀ ਸੀ ,
ਮੈਂ ਗੁਰੂਆਂ ਦੀ ਗੁਰਬਾਣੀ ਸੀ ,
ਮੈਨੂੰ ਸਹਿਜਾਦੀ ਹੀ ਰਹਿਣ ਦਿਓ ,
ਮੇਰੇ ਸਿਰ ਤੋਂ ਤਾਜ ਨਾ ਲਾਹਿਓ ਵੇ ,
ਮੇਰੇ ਜਾਮਿਓਂ ਵੇ ............
............... .....
ਹਰ ਬੋਲੀ ਸਿਖ ਲਓ ਬੋਲਣ ਲਈ ,
ਮੈਨੂੰ ਰਖ ਲਿਓ ਦੁਖ ਫੋਲਣ ਲਈ,
ਜਿਥੇ ਵੀ ਜਾਵੋ ਵਸਦੇ ਰਓ ,
ਮੇਰੀ ਵੀ ਸ਼ਾਨ ਵਧਾਇਓ ਵੇ ,
ਮੇਰੇ ਜਾਮਿਓਂ ਵੇ ਮੇਰੇ ਜਾਇ-ਓ ਵੇ ,
............... ........
......ਪਰਮ ਸਾਗਰ ......

ba-kmaal likhia saagar sahib ......thanx bittu 

ਬਹੁਤ ਸਰਲ ਤੇ ਵਧੀਆ ਲਿਖਿਆ.....thanx

Bahut vadhia likhiya ae likhan wale ne....share karan layi thanks Bittu 22 g