ਨਾ ਹੀ ਕਿਤੇ ਗੁੱੜ ਬਣਾਉਣ ਵਾਲਾ ਵੇਲਣਾ ਰਹਿ ਗਿਆ,
ਬੱਲਦਾ ਨਾਲ ਖੂਹ ਵਿਚੋ ਪਾਣੀ ਕੱਢਣਾ ਵੀ ਸਾਨੂੰ ਭੁੱਲ ਗਿਆ |
ਢੱਗਿਆਂ ਨਾਲ ਖੇਤ ਵਾਹੁਣ ਵਾਲਾ ਜੱਟ ਵੀ ਜਿਵੇ ਨਾਰਾਜ ਹੋ ਬਹਿ ਗਿਆ,
ਬੱਲਦਾ ਦੀ ਦੌੜ ਵਾਲੀ ਰੀਤ ਵੀ ਕਿਤੇ ਬੁੱਕਲ ਮਾਰ ਕੇ ਬੇਹ ਗਈ ਏ  |
ਮੇਰੇ ਪੰਜਾਬ ਦੀ ਅਸਲੀ ਤਸਵੀਰ ਕਿਤੇ ਦੂਰ ਰਹਿ ਗਈ ਏ |

ਬਦਲ ਦੇ ਸਮੇ ਨਾਲ ਨਜਰ ਆਉਣੋ ਹੱਟ ਗਏ ਕੱਚੇ ਘਰ ਪੁਰਾਣੇ ,
ਨਾ ਓਹ ਦਿੱਸੇ ਨਜਾਰਾ ਜਦ ਕਿਸੇ ਨੇ ਪੱਠੇ ਸਿਰ ਤੇ ਚੁੱਕ ਕੇ ਲਿਆਉਣੇ |
ਪਿੰਡ ਵਿਚ ਵਿਆਹ ਦੇ ਸੱਭ ਨੇ ਰਲ ਕੇ ਕਾਰਜ ਨਿਭਾਉਣੇ,
ਬਦਲੇ ਯੁੱਗ ਦੇ ਨਾਲ ਪਤਾ ਨਹੀ ਕਿ ਹਨੇਰੀ ਵਹਿ ਗਈ ਏ |
ਮੇਰੇ ਪੰਜਾਬ ਦੀ ਅਸਲੀ ਤਸਵੀਰ ਕਿਤੇ ਦੂਰ ਰਹਿ ਗਈ ਏ |

ਕੈਸੀ ਆਈ  ਹਨੇਰੀ ਕਿ ਨਾ ਹੁਣ ਕੋਈ ਪਿਪਲ ਥਲੇ ਮੰਜਾ ਡਾਵੇ,
ਨਾ ਹੀ ਘਰ ਆਏ ਨੂੰ ਕੋਈ ਲੱਸੀ ਦਾ ਗਲਾਸ ਭਾਰ ਕੇ ਪਿਆਵੇ |
ਅੱਧ ਰਿੜਕੇ ਦਾ ਸ਼ੱਨਾ ਹੁਣ ਕੋਈ ਨਾ ਮੂੰਹ ਨੂੰ ਲਾਵੇ,
ਭੱਤਾ ਲੈ ਕੇ ਗਈ ਖੇਤ ਨੂੰ ਮੁੜੀ ਨਹੀ ਪਤਾ ਨਹੀ ਕਿਸ ਰਾਹੇ ਪੈ ਗਈ ਏ |
ਮੇਰੇ ਪੰਜਾਬ ਦੀ ਅਸਲੀ ਤਸਵੀਰ ਕਿਤੇ ਦੂਰ ਰਹਿ ਗਈ ਏ |

ਬਦਲ ਗਈਆਂ ਖੇਡਾਂ ਹੁਣ ਨਾ ਖੇਡੇ ਪਿੱਠੂ ਭੱਨਣ ਨਾ ਹੀ ਕੋਈ ਗੁਲੀ ਡੰਡਾ,
ਦੱਸੋ ਹੁਣ ਕੋਣ ਚੜਾਵੇ  ਗਰਮੀ ਦੀ ਰਾਤ ਨੂੰ ਕੋਠੇ ਤੇ ਵਾਣ ਵਾਲਾ ਮੰਜਾ |
ਪਤਾ ਨਹੀ ਫੁਲਕਾਰੀ ਵੀ ਹੁਣ ਕਿਹੜੀ ਚੰਦਰੀ ਪੇਟੀ ਵਿਚ ਬੰਦ ਹੋ ਗਈ ਏ ,
ਇੰਜ ਲੱਗੇ ਜਿਵੇ ਰਿਵਾਜਾਂ ਵਾਲੀ ਤਸਵੀਰ ਕਿਸੇ ਗੱਲੋ ਨਾਰਾਜ ਹੋ ਗਈ ਏ |
ਮੇਰੇ ਪੰਜਾਬ ਦੀ ਅਸਲੀ ਤਸਵੀਰ ਕਿਤੇ ਦੂਰ ਰਹਿ ਗਈ ਏ  |

ਕਿਤੇ ਨਜਰੀ ਨਹੀ ਆਉਂਦਾ ਪਾਇਆ ਕੁੱੜਤਾ ਚਾਦਰਾ ਨਾ ਹੀ ਦਿਸੇ ਪਜਾਮਾ ,
ਚਰਖਾ ਕੱਤਦੀ ਮੁਟਿਆਰ ਦੇਖੀ ਨੂੰ ਹੁਣ ਤਾਂ ਜਿਵੇ ਬੀਤ ਗਿਆ ਯਾਮਾ |
ਤਿਆ ਤੇ ਤ੍ਰਿਜਨ ਵਾਲੀ ਰੀਤ ਵੀ ਕਿਤੇ ਓਹਲੇ ਜਿਹੇ ਹੋਕੇ ਬਹਿ ਗਈ ਏ ,
ਹੁਣ ਤਾਂ ਹਰ ਪੁਰਾਣੀ ਗੱਲ ਬੱਸ ਇਕ ਯਾਦ ਬਣ ਕੇ ਰਹਿ ਗਈ ਏ |
ਸੱਚੀ ਗੱਲ ਤਾਂ ਇਹ ਹੈ "ਸੰਧੂ" ਅਸਲੀ ਪੰਜਾਬੀਅਤ ਤਾਂ ਬਹੁਤ ਪਿੱਛੇ ਰਹਿ ਗਈ ਏ |

hmmmmmmmmmmmmm sahi keha ,..........weldone.

nice one.. but shayad kujh badlaao aise hunde aa jo samein de naal naal hunde rehnde... te shayad aapa khud vi badal gaye haan... te ohna cheejan nu wapis lai k aauna bahut aukha hunda...

but haan culture nu bhulna.. tehzeeb bhulni... itihaas bhulna.... galat gal aa...

Amrinder veer g tusi bilkul sahi keha par veere virsa juanda rakhna bahut jruri a.

thanks sukhpal g