ਰੱਬ ਨੇ ਬੜੀ ਨਿਆਰੀ ਲੀਲਾ ਰਚਾਈ,
ਜੁਬਾਨ ਨਾ ਦੀ ਅਜੀਬ ਚੀਜ ਬਣਾਈ |
ਦੇਖੋ ਇਸ ਜੀਭ ਦੇ ਕਾਰੇ,
ਜਿਥੇ ਇਹ ਬਿਨ ਸੋਚੇ ਚਲੇ ਉਥੇ ਪਾਵੇ ਪੁਆੜੇ |
ਜਿਸ ਦੀ ਜੀਭ ਕੰਟਰੋਲ ਵਿੱਚ ਆ ਜਾਵੇ,
ਉਸ ਨੂੰ ਜੱਗ ਤੋ ਸਲਾਮਾ ਕਰਾਵੇ|
ਜਿਥੇ ਇਸ ਤੇ ਨਾ ਲਗਾਮ ਹੋਵੇ,
ਉਥੇ ਰਾਜੇ ਨੂੰ ਮੰਗਤਾ ਬਣਾਵੇ |
ਸੱਭ ਨੂੰ ਜੀ ਆਖ ਕੇ ਬੋਲਣ ਵਾਲਾ,
ਆਪਣਾ ਹਰ ਕੰਮ ਕਰਾ ਜਾਵੇ |
ਜੋ ਵੀ ਓਏ ਆਖ ਕੇ ਬੋਲੇ,
ਉਸ ਦੇ ਜਰੂਰ ਹੱਡ ਕਟਾਵੇ |
ਇਸ ਵਿੱਚ ਰੱਬ ਨੇ ਇਕ ਵੀ ਹੱਡੀ ਨਾ ਪਾਈ ,
ਜੀਭ ਮਾੜੀ ਚਲੇ ਤਾ ਕਈ ਹੱਡੀਆ ਤੁੜਵਾਵੇ |
ਜਿਸਦੀ ਜੀਭ ਪਹਿਲਾ ਤੋਲੇ ਫੇਰ ਬੋਲੇ,
ਸਾਰਾ ਜੱਗ ਉਸਦਾ ਗੁਲਾਮ ਹੋ ਜਾਵੇ |
ਦੋਵੇ ਹੱਥ ਜੋੜ ਇਹੋ ਦੁਆ ਕਰੇ "ਸੰਧੂ"
ਸੱਭ ਦੀ ਜੁਬਾਨ ਸਲੀਕੇ ਨਾਲ ਚਲੇ,
ਤੇ ਹਰ ਇਕ ਨੂੰ ਸਤਿਕਾਰ ਦਵਾਵੇ..................ਸੰਧੂ