Punjabi Boli
 View Forum
 Create New Topic
 Search in Forums
  Home > Communities > Punjabi Boli > Forum > messages
Showing page 24 of 24 << First   << Prev    16  17  18  19  20  21  22  23  24   Next >>     
JAGJIT SINGH
JAGJIT
Posts: 1594
Gender: Male
Joined: 03/Jun/2013
Location: Gurgaon
View All Topics by JAGJIT
View All Posts by JAGJIT
 

ਲੱਪ ਸੱਜਰੇ ਟੱਪਿਆਂ ਦੀ   (ਤੀਜ ਦੇ ਤਿਉਹਾਰ ਦੇ ਮੌਕੇ ਤੇ)

 

ਚੌਲਾਂ ਦੀਆਂ ਕਣੀਆਂ ਵੇ,

ਕੌਲ ਕਿਉਂ ਭੁਲਾਇਆ ਈ ਚੰਨਾਂ

ਸਾਡੇ ਦਿਲ ਤੇ ਬਣੀਆਂ ਵੇ | ... ਨਾਰ

 

ਮੈਂ ਤੇ ਫ਼ਰਜ਼ ਨਿਭਾਵਾਂ ਨੀਂ,

ਵਕਤ ਦੀ ਮਾਰ ਵਗੇ

ਜੇ ਮੈਂ ਕੌਲ ਭੁਲਾਵਾਂ ਨੀਂ |   ... ਗਭਰੂ

 

ਸੁਣ ਸੱਸੂ ਦੇ ਜਾਇਆ ਵੇ,

ਤੇਰੇ ਦਿਲ ਖਿੱਚ ਨਾ ਪਵੇ

ਦਿਨ ਤੀਜ ਦਾ ਆਇਆ ਵੇ | ... ਨਾਰ

 

ਤੂੰ ਤੇ ਤੇਰੀ ਤੀਜ ਪਿਆਰੀ ਨੀਂ,

ਸਮਝ ਮਜਬੂਰੀ ਚੰਨੀਏਂ,

ਨੌਕਰੀ ਸਰਕਾਰੀ ਨੀਂ |       ... ਗਭਰੂ

 

ਮੱਥੇ ਦੇ ਸ਼ਿੰਗਾਰਾ ਵੇ,

ਮੇਰੀ ਪੀਂਘ ਤਾਂ ਚੜ੍ਹਦੀ

ਜੇ ਤੂੰ ਦੇਵੇਂ ਹੁਲਾਰਾ ਵੇ |       ... ਨਾਰ

 

ਨੀਂ ਸੰਗ ਪੀਂਘ ਚੜ੍ਹਾਵਾਂਗਾ,

ਕੋਕਾ ਤੇ ਵੰਗਾਂ ਸੱਤ ਰੰਗੀਆਂ

ਲੈਕੇ ਛੇਤੀ ਆਵਾਂਗਾ |        ... ਗਭਰੂ

 

ਝੜੀ ਬਹਾਨਿਆਂ ਦੀ ਲਾਈ ਆ,

ਤੇਰੀ ਮੇਰੀ ਕੱਟੀ ਹੋ ਗਈ,

ਹੁਣ ਬਹਿ ਕੇ ਪਛਤਾਅ ਮਾਹੀਆ | ... ਨਾਰ

 

ਕੱਟੀ ਵਾਲੀ ਤੇ ਗੱਲ ਕੋਈ ਨਾ,

ਦਿਲ ਸ਼ੀਸ਼ਾ ਲੈਕੇ ਆ ਗਿਆ,

ਵਿਚ ਇਸਦੇ ਛਲ ਕੋਈ ਨਾ |     ... ਗਭਰੂ

 

ਉੱਡ ਕਾਲਿਆ ਕਾਵਾਂ ਵੇ,

ਮਾਹੀ ਮੇਰੇ ਕਦ ਆਉਣਾ

ਨਿੱਤ ਔਸੀਆਂ ਪਾਵਾਂ ਵੇ |         ... ਨਾਰ

 

ਤੇਰਾ ਔਸੀਆਂ ਤੇ ਮਾਣ ਖਰਾ,

ਉੱਠ ਕੁੰਡਾ ਖੋਲ੍ਹ ਸੋਹਣੀਏਂ

ਮੈਂ ਤਾਂ ਬੂਹੇ ਤੇ ਆਣ ਖੜਾ |     ... ਗਭਰੂ

 

ਸਾਡੀ ਕਾਹਦੀ ਲੜਾਈ ਏ,

ਮੇਲੇ ਰੱਬ ਨੇ ਤੇ ਆ ਝੂਟੀਏ,

ਪੀਂਘ ਪਿਆਰ ਦੀ ਪਾਈ ਏ |      ... ਦੋਵੇਂ

 

                   ਜਗਜੀਤ ਸਿੰਘ ਜੱਗੀ

28 Jul 2014

Showing page 24 of 24 << First   << Prev    16  17  18  19  20  21  22  23  24   Next >>     
Reply