ਰੱਬ ਦੀ ਭਾਲ

    (ਜਗਿਆਸੂ ਦਾ ਹਾਲ)

ਰੰਗਲੀ ਲੋਅ ਤੇ ਨ੍ਹੇਰਿਆਂ ਅੰਦਰ,

ਅਲੋਕਾਰ ਦੇ ਡੇਰਿਆਂ ਅੰਦਰ,

ਗੁੰਮਸ਼ੁਦਾ ਰੱਬ ਲੱਭਣ ਦੇ ਲਈ,

ਘੱਟਾ ਛਾਣ ਖੁਆਰ ਹੋਏ ਆਂ |

ਰੱਬ ਨੂੰ ਮਿਲਣਾ ਔਖਾ ਦੱਸਦੇ,

‘ਮਾਯਾ ਤਿਆਗੋ’ ਬਾਬੇ ਹੱਸਦੇ,

ਗੱਲਾਂ ਵੱਡੀਆਂ, ਏoਸੀo ਗੱਡੀਆਂ,

ਵੇਖ ਵੇਖ ਬਲਿਹਾਰ ਹੋਏ ਆਂ |

ਝਾਤ ਨਾ ਜਾਣਨ ਮਨ ਦੇ ਅੰਦਰ,

ਮੰਤਰ ਫੂਕਣ ਕੰਨ ਦੇ ਅੰਦਰ,

ਨਾ ਉਰਵਾਰ ਨਾ ਪਾਰ ਈ ਲੱਗੇ

ਫਸੇ ਵਿਚ ਮਜਧਾਰ ਹੋਏ ਆਂ |

ਸੜਕ 'ਤੇ ਧੁੱਪੇ ਭੁੱਖਣ ਭਾਣੇ,

ਬਿਰਧ, ਭਿਖਾਰੀ ਅਤੇ ਨਿਆਣੇ,

ਤਲੀਆਂ ਅੱਡਣ, ਹਾੜੇ ਕੱਢਣ,

ਵੇਖ ਕੇ ਸ਼ਰਮਸ਼ਾਰ ਹੋਏ ਆਂ |

ਧਰਮ ਦੇ ਗਰਮ ਬਜ਼ਾਰਾਂ ਅੰਦਰ,

ਵੇਖਿਆ ਖੜ੍ਹ ਕਤਾਰਾਂ ਅੰਦਰ,

ਰੱਬ ਲੱਭਣ ਦਾ ਜੋਸ਼ ਗੁਆਚਾ

ਐਸੇ ਠੰਢੇ ਠਾਰ ਹੋਏ ਆਂ |

ਓੜਕ ਨੂੰ ਹੋਏ ਭੌਂ ਪਟਾਕੇ,

ਕੁਝ ਨਹੀਂ ਲੱਭਾ ਜੇਬ ਕਟਾਕੇ,

ਕਰਮ ਹੋਏ ਤਾਂ ਆਪੇ ਲੱਭਸੀ,

ਜਾਣ ਅਸੀਂ ਹੁਸ਼ਿਆਰ ਹੋਏ ਆਂ |

                        ਜਗਜੀਤ ਸਿੰਘ ਜੱਗੀ

Very well written sir g,............. This writing will become a great song one day,............. nice lyrics,........... sense of words are amazing and great,........ rhythm and flow of lyrics are also perfect,......... and nodoubt all the alfaaz are based on true fact,............ marvalous creation, ........... very well written sir ............. TFS

ਬਹੁਤ ਬਹੁਤ ਧੰਨਵਾਦ ਵੀਰ ਜੀਓ |

ਹਮੇਸ਼ਾ ਦੀ ਤਰਾਂ ਹੌਂਸਲਾ ਅਫ਼ਜ਼ਾਈ ਕੀਤੀ ਹੈ | ਇਸ ਨਾਲ ਅਗਾਂਹ ਵਧਣ ਦਾ ਉਤਸਾਹ ਬਣਿਆ ਰਹਿੰਦਾ ਹੈ |

ਕਿਰਤ ਲਈ ਆਪਣਾ ਕੀਮਤੀ ਸਮਾਂ ਕੱਢਣ ਤੇ ਆਪ ਜੀ ਦਾ ਬਹੁਤ ਬਹੁਤ ਸ਼ੁਕਰੀਆ | 

bahut vadhiya Bha Ji tareef karn nu kuj bacheya nahi Sukhpal ne sab kuj pehla e keh ditta..

awesone Sir JAGJIT ji 

ਬਹੁਤ ਬਹੁਤ ਧੰਨਵਾਦ ਮਾਵੀ ਬਾਈ ਜੀ,

ਆਪ ਨੇ ਨਿੱਕੀ ਜਿਹੀ ਕਿਰਤ ਨੂੰ ਇੰਨਾ ਪਿਆਰ ਦਿੱਤਾ 

ਜਿਸ ਨਾਲ ਹੌਂਸਲਾ ਅਫ਼ਜ਼ਾਈ ਵੀ ਹੁੰਦੀ ਹੈ 

ਜਿਉਂਦੇ ਵੱਸਦੇ ਰਹੋ   

ਗਗਨ ਦੀਪ ਜੀ, ਕਿਰਤ ਵਾਸਤੇ ਸਮਾਂ ਕੱਢਣ ਲਈ ਬਹੁਤ ਬਹੁਤ ਧੰਨਵਾਦ |

ਇੰਨਾ ਪਿਆਰ ਦੇਣ ਨਾਲ ਬਹੁਤ ਹੌਂਸਲਾ ਅਫ਼ਜ਼ਾਈ ਹੁੰਦੀ ਹੈ 

ਬਸ ਇਸਤਰਾਂ ਈ ਪੜ੍ਹਦੇ ਲਿਖਦੇ ਰਹੋ ਅਤੇ ਮਾਂ ਬੋਲੀ ਦੀ ਸੇਵਾ ਕਰਦੇ ਰਹੋ ਅਤੇ ਜਿਉਂਦੇ ਵੱਸਦੇ ਰਹੋ |   

wah sir bahut hi sohni te suchi kirt aap ji di....

ਮਨਿੰਦਰ ਜੀ, ਕਿਰਤ ਲਈ ਸਮਾਂ ਕੱਢਣ ਲਈ ਬਹੁਤ ਬਹੁਤ ਧੰਨਵਾਦ |

ਇਹ ਸਮਾਜ ਦੇ ਹਾਲਾਤ ਤੇ ਇਕ ਨਿੱਕੀ ਜਿਹੀ ਕੋਸ਼ਿਸ਼ ਸੀ |