ਇਕ ਸਧਾਰਨ ਪਰਿਵਾਰ ਦਾ ਪੁੱਤ ਜਿਸਦੇ ਮਾਪਿਆ ਨੇ ੳਸਨੂੰ ਔਖੇ ਹੋ ਕੇ ਪੜਾਇਆ ਲਿਖਾਇਆ ਉਹ ਅੱਜ ਨੌਕਰੀ ਦੀ ਤਲਾਸ਼ ਵਿੱਚ ਪਤਾ ਨਹੀ ਕਿੰਨੇ ਵਾਰ ਆਪਣੀ ਕਾਬਲੀਅਤ ਟੈਸਟਾ ਦੇ ਪੜਾਵਾ ਚ ਪਰਖਾ ਚੁੱਕਿਆ ਹੈ
ਉਸੇ ਤਲਾਸ਼ ਦੇ ਮਾਰੇ ਗੱਭਰੂ ਦੀ ਕਹਾਣੀ ਕੁੱਝ ਏਸ ਤਰਾ ਹੈ:-
ਸਰਬਜੀਤ ਜੋ ਇੱਕ ਸਧਾਰਨ ਪਰਿਵਾਰ ਨਾਲ ਸੰਬੰਧ ਰਖਦਾ ਹੈ , ਤੇ ਤਿੰਨ ਸਾਲ ਹੋ ਗਏ ਨੇ ਆਪਣੀ ਐਮ. ਏ. ਬੀ ਐਡ ਦੀ ਪੜਾਈ ਪੂਰੀ ਕੀਤਿਆਂ , ਸੈਂਕੜੇ ਟੈਸਟਾ ,ਇਮਤਿਹਾਨਾ ਚ ਆਪਣੀ ਮਿਹਨਤ ਲਾਈ ਪਰ ਕੁੱਝ ਨਹੀ ਬਣਿਆ ਬਹੁਤੇ ਇਮਤਿਹਾਨਾ ਦਾ ਤਾਂ ਨਤੀਜਾ ਵੀ ਨਹੀ ਮਿਲਿਆ
ਹਾਰ ਕੇ ਓਸ ਨੇ ਕਿਸੇ ਸਕੂਲ ਵਿਚ ਪੱਚੀ ਸੌ ਰੁਪਏ ਤੇ ਪੜਾਉਣਾ ਸ਼ੁਰੂ ਕਰ ਦਿੱਤਾ ਤਾਂ ਕਿ ਉਹ ਨਾਮੋਸ਼ੀ ਤੇ ਉਦਾਸਹੀਣਤਾਂ ਤੋ ਬੱਚ ਸਕੇ, ਪਰ 26 ਸਾਲ ਦੀ ਉਮਰ ਉਤੋ ਮਾਪਿਆ ਵਿਆਹ ਦਾ ਜੌਰ ਪਾਉਣਾ
ਉਸ ਨੂੰ ਸਤਾਉਣ ਲਗ ਪਿਆ ਤੇ ਇਕੱਲਾ ਬੈਠ ਸੋਚ ਰਿਹਾ ਸੀ ਕੀ "ਜੇ ਮੈਂ ਵਿਆਹ ਕਰਵਾ ਲਿਆ ਤਾਂ
2500 ਵਿਚ ਖਰਚਾ ਕਿਵੇ ਪੂਰਾ ਕਰਾਂਗਾ ,ਮੇਰੇ ਕੋਲ ਤਾਂ ਇਕ ਨੌਕਰੀ ਹੀ ਹੈ ਜਾਂ ਫਿਰ ਡਿਗਰੀ ਜੋ ਡਿਗ ਰਹੀ ਹੈ ਮੇਰੇ ਪਿਤਾ ਕੋਲ ਤਾਂ ਹੋਰ ਜਗੀਰ ਨਹੀ ਜੋ ਮੇਰਾ ਖਰਚ ਚਲਾਵੇਗੀ"
ਰੱਬ ਨੇ ਫਿਰ ਇਕ ਮੌਕਾ ਦਿੱਤਾ ਕਾਬਲੀਅਤ ਅਜ਼ਮਾਉਣ ਦਾ ਇੱਕ ਟੈਸਟ ਦੇ ਜਰੀਏ ਤੇ ਉਹ ਤਿਆਰੀਆ ਚ ਲੱਗ ਗਿਆ ਤੇ ਟੈਸਟ ਦੇ ਦਿਨ ਉਹ ਪੂਰਾ ਖੁਸ਼ ਸੀ ਕੀ ਇਸ ਵਾਰ ਨੰਬਰ ਲੱਗ ਹੀ ਜਾਵੇਗਾ
ਟੈਸਟ ਉਮੀਦ ਤੋ ਵਧੀਆ ਹੋ ਗਿਆ ਤੇ ਨਤੀਜੇ ਵਿੱਚ ਉਸਦਾ ਰੈਂਕ ਵੀ ਅੱਗੇ ਆ ਗਿਆ, ਹੁਣ ਬੱਸ ਉਡੀਕ ਸੀ ਤਾਂ ਇੰਟਰਵਿਊ ਤਰੀਕ ਦੀ ਤੇ ਉਹ ਵੀ ਕੁੱਝ ਦਿਨਾ ਬਾਅਦ ਆ ਗਈ
ਇੰਟਰਵਿਊ ਦੇ ਦਿਨ ਮਾਤਾ ਨੇ ਉਸਨੂੰ ਦਹੀ ਚ ਖੰਡ ਪਾ ਕੇ ਖਵਾਈ ਕਿ ਪੁੱਤ ਨੂੰ ਨੌਕਰੀ ਪੱਕੀ ਮਿਲ ਜਾਵੇ ਤੇ ਨੁੰਹ ਘਰ ਵਿੱਚ ਆਵੇ
ਇੰਟਰਵਿਊ ਦੇਣ ਦਾ ਵਕਤ ਆਇਆ ਤੇ ਮੈਬਰੀ ਕਮੇਟੀ ਨੇ ਉਸ ਨੂੰ ਅੰਦਰ ਬੁਲਾ ਲਿਆ ਤੇ ਪਹਿਲਾ ਸਵਾਲਾਂ ਦਾ ਢੇਰ ਲਗਾਇਆ ਤੇ ਉਸਨੂੰ ਉਲਝਾਉਣ ਦੀ ਕੋਸ਼ਿਸ਼ ਕੀਤੀ , ਪਰ ਸਰਬਜੀਤ ਇਹਨਾ ਪੱਕਾ ਚੁੱਕਾ ਸੀ ਉਸਨੇ ਹਰ ਉਲਝਣ ਨੂੰ ਆਪਣੀ ਸੂਝ ਬੂਝ ਨਾਲ ਸੁਲਝਾ ਲਿਆ
ਹੁਣ ਆਖਰੀ ਪੜਾਅ ਵਿੱਚ ਕਮੇਟੀ ਦੇ ਹੈੱਡ ਨੇ ਉਸਨੰ ਆਪਣੀ ਦਿਲ ਦੀ ਗਲ ਕਹ ਹੀ ਦਿੱਤੀ
ਕੀ ਕਾਕਾ ਕੋਈ ਸਫਾਰਿਸ਼ ਜਾਂ ਵੱਡੀ ਹੈ ਕੋਲੇ ਤਾਂ ਫਟਾਫਟ ਜਵਾਬ ਦੇਣ ਵਾਲਾ ਸਰਬਜੀਤ ਚੁੱਪ ਹੋ ਗਿਆ ਤੇ ਉਸਦੇ ਗੱਲ ਸਿੱਧੀ ਦਿਲ ਵਿਚ ਵੱਜੀ ਉਹ ਕੁੱਝ ਨਾ ਕਹਿੰਦਾ ਬਾਹਰ ਆ ਗਿਆ ਤੇ
ਫਿਰ ਸਬਰ ਦਾ ਘੁਟ ਭਰ ਕੇ ਘਰ ਦੇ ਰਾਹ ਨੂੰ ਮੁੜ ਗਿਆ