ਅਣਜੰਮੀਆਂ ਧੀਆਂ ਦੇ ਹੱਡ, ਕੁੱਤਿਆਂ ਨੇ ਨੋਚ ਖਾਧੇ ...

ਤੰਨ ਢਕਣ ਨੂੰ ਕੱਪੜਾ,
ਤੇ ਰਹਿਣ ਨੂੰ ਛੱਤ ਨਹੀਂ,
ਦੁਨੀਆਂ ਤੋਂ ਛੁਪਿਆ,
ਗਰੀਬੀ ਦਾ ਇਹ ਸੱਚ ਨਹੀਂ,
ਜਿੰਨਾਂ ਕੋਲ਼ ਗਰੀਬ ਨੂੰ ਕਹਿਣ ਲਈ ਬਸ ਸੋਰੀ ਹੈ ਸੱਜਣਾ,
ਉਹਨਾਂ ਨੂੰ ਹੀ ਮੁਬਾਰਕ ਇਹ ਲੋਹੜੀ ਹੈ ਸੱਜਣਾ…

ਦੂੱਜਿਆ ਦਾ ਘਰ ਢਾਹ,
ਆਪਣੇ ਬੰਗਲੇ ਉਸਾਰ ਲਏ,
ਬੰਦੇ ਦੀ ਜਿੰਦਗੀ ਤੋਂ ਮਹਿੰਗੇ,
ਕੁੱਤੇ ਜਿੰਨਾਂ ਘਰਾਂ 'ਚ ਪਾਲ ਲਏ,
ਪੈਸਾ ਰੱਖਣ ਲਈ ਵੀ,
ਜਿੰਨਾਂ ਕੋਲ ਜਮੀਨ ਥੌੜੀ ਹੈ ਸੱਜਣਾ ,
ਉਹਨਾਂ ਨੂੰ ਹੀ ਮੁਬਾਰਕ ਇਹ ਲੋਹੜੀ ਹੈ ਸੱਜਣਾ…

ਅਣਜੰਮੀਆਂ ਧੀਆਂ ਦੇ ਹੱਡ,
ਕੁੱਤਿਆਂ ਨੇ ਨੋਚ ਖਾਧੇ ,
ਪੁੱਤਾਂ ਦੀਆਂ ਖੁਸ਼ੀਆਂ ਵਿੱਚ,
ਘਰ ਬੁਲਾਏ ਜਿੰਨਾਂ ਨੇ ਬੈਂਡ ਬਾਜੇ,
ਪੁੱਤ ਜੰਨਮੇ ਤੇ ਜਿੰਨਾਂ ਦੀ ਛਾਤੀ ਹੁੰਦੀ ਚੋੜੀ ਹੈ ਸੱਜਣਾ,
ਉਹਨਾਂ ਨੂੰ ਹੀ ਮੁਬਾਰਕ ਇਹ ਲੋਹੜੀ ਹੈ ਸੱਜਣਾ… ਰਿੰਕੂ ਸੈਣੀ

bhav puran touching

Thnx for sharing.....