ਮੁਹੱਬਤ ਕੈਸੀ ਹੋਵੇ

 

ਕੀਹ ਮੁਹੱਬਤ ਐਸੀ ਹੋਵੇ ?

ਦੁੱਧ ਜਿਹੀ ਸੁੱਚੀ ਨੀਅਤ ਨਾਲ,

ਮਰੀਅਮ ਵਰਗੀ ਸੂਰਤ ਤੱਕਣਾ,

ਮਿਕਨਾਤੀਸੀ ਨਕਸ਼ਾਂ ਦੀ ਫਿਰ

ਯਾਦ ਸਾਂਭ ਕੇ ਦਿਲ ਵਿਚ ਰੱਖਣਾ |

 

ਬਹਿ ਕੇ ਵਿਹੰਦਿਆਂ ਅਰਸ਼ਾਂ ਵੱਲ ਨੂੰ

ਓਸ ਯਾਦ ਤੇ ਪਹਿਰਾ ਦੇਣਾ,

ਮੁੱਕ ਨਾ ਜਾਵੇ, ਮਾਖਿਓਂ ਵਾਂਗੂੰ

ਉਂਗਲੀ ਦੇ ਨਾਲ ਲਾ ਲਾ ਚੱਟਣਾ |

 

ਜਲਵਾ ਉਸਦਾ ਆਲਾ ਭੋਲਾ,

ਝਲਕ ਵਿਖਾਵੇ ਵਕਤ ਵਿਚੋਲਾ,

ਸੁਫ਼ਨੇ ਦੇ ਵਿਚ ਇਕਮਿਕ ਹੋਣਾ,

ਜਾਗਣ ਤੇ ਰਹਿ ਜਾਣਾ ਸੱਖਣਾ |

 

ਨਹੀਂ, ਮੁਹੱਬਤ ਐਸੀ ਹੋਵੇ,

ਜੋ ਸਭ ਭਰਮਾਂ ਤੋਂ ਉੱਚੀ ਹੋਵੇ,

ਰੱਬ ਦੇ ਨਾ ਜਿਹੀ ਸੁੱਚੀ ਹੋਵੇ,

ਰਮ ਜਾਵੇ ਜੇ ਖ਼ਲਕਤ ਅੰਦਰ,

ਮੁੱਕ ਜਾਏ ਸਭ ਰੋਣਾ ਮੱਖਣਾ ।

 

                     ਜਗਜੀਤ ਸਿੰਘ ਜੱਗੀ

 

ਮਿਕਨਾਤੀਸੀ – ਚੁੰਬਕ ਵਰਗੀ ਖਿੱਚ ਵਾਲਾ, ਅਤਿ ਆਕਰਸ਼ਕ;

ਮਾਖਿਓਂ – ਸ਼ਹਿਦ; ਖ਼ਲਕਤ – ਜਨ ਸਧਾਰਨ, ਲੋਕ; ਮੱਖਣਾ – Dear (A Colloquial Punjabi expression of endearment...).

Wow!!

Kya baat hai ...

ਜਲਵਾ ਉਸਦਾ ਆਲਾ ਭੋਲਾ, 😍
ਝਲਕ ਵਿਖਾਵੇ ਵਕਤ ਵਿਚੋਲਾ,😎
ਸੁਫ਼ਨੇ ਦੇ ਵਿਚ ਇਕਮਿਕ ਹੋਣਾ, 😊
ਜਾਗਣ ਤੇ ਰਹਿ ਜਾਣਾ ਸੱਖਣਾ |😥
👍🏼

Mohabbat aisi hove.....eh satraan bahut hi kmaal deeyan ne Jagjit Sir ji... kmaal di kavita...sachi suchi jehi...

ਜਗਜੀਤ ਜੀ ਸਤਿ ਸ੍ਰੀ ਅਕਾਲ
ਮੁਹੱਬਤ ਬਹੁਤ ਸੋਹਣੀ ਪੇਸ਼ ਕੀਤੀ ਹੈ ਬਹੁਤਸੋਹਣੇ ਸ਼ਬਦਾਂ ਦਾ ਸੁਮੇਲ ਹੋਇਆ ਹੈ.
ਪੜਕੇ ਸ਼ਿਵ ਕੁਮਾਰ ਜੀ ਦੀ ਗ਼ਜ਼ਲ ਯਾਦ ਆ ਗਈ
"ਇੱਕ ਕੁੜੀ ਜਿਹੜਾ ਨਾ ਮੁਹੱਬਤ .......
ਬਹੁਤ ਦਿਨਾ ਬਾਅਦ ਤੁਹਾਡੀ ਰਚਨਾ ਪੜਨ ਨੂ ਮਿਲੀ ਸਵਾਦ ਆ ਗਯਾ .
ਜਿਉਂਦੇ ਰਹੋ

ਰੱਬ ਦੇ ਨਾਂ ਜਿਹੀ ਸੁਚੀ ਹੋਵੇ

ਸੱਬ ਭਰਮਾਂ ਤੋਂ ਉਚੀ ਹੋਵੇ.

ਵਾਹ ......... ..ਕਮਾਲ ਬਿਲਕੁਲ sir ਹੋਵੇ ਤੇ ਏਹੋ ਜੇਹੀ hove

"ਦੁੱਧ ਜਿਹੀ ਸੁੱਚੀ ਨੀਅਤ ਨਾਲ,
ਮਰੀਅਮ ਵਰਗੀ ਸੂਰਤ ਤੱਕਣਾ,
ਮਿਕਨਾਤੀਸੀ ਨਕਸ਼ਾਂ ਦੀ ਫਿਰ
ਯਾਦ ਸਾਂਭ ਕੇ ਦਿਲ ਵਿਚ ਰੱਖਣਾ.." ਬਹੁਤ ਖੂਬ ਸਰ,

ਰਚਨਾ ਮੁਹੱਬਤ ਦੀ ਪਾਕ ਕਿਤਾਬ ਦੇ ਹਰ ਵਰਕੇ ਦੀ ਗਵਾਹੀ ਭਰਦੀ ਏ,
ਤੇ ਇਹ ਉਸ ਪਾਕ ਮੁਹੱਬਤ ਦੀ ਸੂਰਤ, ਜਲਵੇ ਤੇ ਅੰਤ ਵਿੱਚ ਇਹ ਉਸ ਦੇ ਖਲਕਤ ਵਿਚ ਰਮ ਜਾਣ ਵਾਲੇ ਰੁਤਬੇ ਦੀ ਵੀ ਗੱਲ ਕਰਦੀ ਏ,

ਬਹੁਤ ਦਿਨਾਂ ਬਾਅਦ ਤੁਸੀ ਰਚਨਾ ਸ਼ੇਅਰ ਕੀਤੀ, ਤੇ ਪੜ੍ਹ ਕੇ ਨਜ਼ਾਰਾ ਆ ਗਿਆ ਜੀ

ਸ਼ੇਅਰ ਕਰਨ ਲੲੀ ਸ਼ੁਕਰੀਆ ਸਰ।

Thnx folks ! 

 

Engrossing Preoccupation....

 

Will come back soon to reply to each individual's comments....

 

God Bless one and all ! 

bahut khoob sir ji

Thnx Gurpreet veer ji....

GodBless !

 

ਸ਼ੁਕਰੀਆ ਮਾਵੀ ਬਾਈ ਜੀ, ਆਪਨੇ ਰਚਨਾ ਤੇ ਨਜ਼ਰਸਾਨੀ ਕੀਤੀ ਅਤੇ ਸਰਾਹਿਆ ਵੀ |

ਕੋਸ਼ਿਸ਼ ਰਹੇਗੀ, ਹੋਰ ਚੰਗਾ ਲਿਖਣ ਦੀ |

 

ਰੱਬ ਰਾਖਾ |