ਬਾਉਰਾ ਕੀਤਾ ਖਾਕਸਾਰ ਤੇਰਾ ਸ਼ੁਕਰੀਆ।
ਤੂੰ ਚਤੁਰ ਕੀਤਾ ਸੰਸਾਰ ਤੇਰਾ ਸ਼ੁਕਰੀਆ।

ਖਾਮੋਸ਼ੀ ਬਣੀ ਗੁਨਾਹ ਨਦਰ ਤੇਰੀ ਬੇਵਫ਼ਾ,
ਤੂੰ ਅੰਦਰੋਂ ਦਿਤੀ ਆਵਾਜ਼ ਤੇਰਾ ਸ਼ੁਕਰੀਆ।

ਨਸੀਹਤ ਕਰੇ ਸੰਸਾਰ ਨਾ ਦੇਵੇ ਅਸ਼ੀਰਵਾਦ,
ਸਾਯਾਰ ਕੀਤਾ ਹੁਸ਼ਿਆਰ ਤੇਰਾ ਸ਼ੁਕਰੀਆ।

ਗੁੰਮਨਾਮ ਸਫਰ ਬੇਗਾਹ ਨਗਰ ਗੁਜ਼ਰ ਗਏ,
ਹਮਦਰਦ ਹੋਇਂਓ ਤੂੰ ਯਾਰ ਤੇਰਾ ਸ਼ੁਕਰੀਆ।

ਆਪਣੀ ਆਪਣੀ ਪਹੁੰਚ ਰੂਹ ਦੀ ਚਿਤਾਵਨੀ,
ਤੈਥੋਂ ਚਿੱਤ ਮੈਂ ਗਿਆ ਹਾਰ ਤੇਰਾ ਸ਼ੁਕਰੀਆ।

ਮੈਂ ਹਸਰਤ ਦੇ ਵਿੱਚ ਲੀਨ ਤਾਂਘ ਮਿਲਣ ਦੀ,
ਮੈਨੂੰ ਕੀਤਾ ਤੂੰ  ਦੁੱਸ਼ਵਾਰ ਤੇਰਾ ਸ਼ੁਕਰੀਆ।

ਰੱਖ ਉਮੀਦ ਸਤਿਕਾਰ ਵੇ ਦੱਸ ਮੈਂ ਕੀ ਕਰਾਂ,
ਤੇਰੀ ਰਹਿਮਤ ਤੇ ਨਿਸਾਰ ਤੇਰਾ ਸ਼ੁਕਰੀਆ।

ਦਾਦ ਕੀ ਦੇਵਾਂਮੈਂ, ਕਰਮ ਫੈਸਲਾ ਹੱਥ ਤੇਰੇ,
ਨਦਰਿ ਕਰੇ ਤੇਰੀ ਪਾਰ ਵੇ ਤੇਰਾ ਸ਼ੁਕਰੀਆ।

ਪ੍ਰਾਣ ਵੀ ਤੂੰ ਸੰਸਾਰ ਵੀ ਤੂੰ, ਤੂੰ ਹੀ ਪਾਸਾਰ ਹੈਂ ,
ਪਲਕ ਤੇ ਰੱਖੇ ਖਾਸਕਾਰ ਵੇ ਤੇਰਾ ਸ਼ੁਕਰੀਆ।
                                 ਗੁਰਮੀਤ ਸਿੰਘ

ਖੂਬ......

Thanks

ਬਹੁਤ ਖ਼ੂਬ ਜੀ ...

THANKS SIR JI