ਬਣ ਗਈ ਏ ਅਜ ਚਾਹ ਪਰਧਾਨ

 ਸਵੇਰ ਸ਼ਾਮ ਜਾਂ ਪਹਿਰ ਦੇ ਤੜਕੇ

ਦੋਸਤ ਕਿਸੇ ਦੇ ਘਰ ’ਚ ਵੜਕੇ,

ਜਾਂ ਹੋਟਲ ਦੇ ਲਾਗੇ ਖੜ੍ਹਕੇ,

ਮੈਂ ਚਾਹ ਦੀ ਡਿਠੀ ਅਜਬ ਰੁਝਾਣ,

ਬਣ ਗਈ ਏ ਅਜ ਚਾਹ ਪਰਧਾਨ |

ਬਾਬੂ, ਕਾਮੇਂ ਜਾਂ ਮਜਦੂਰ,

ਥੱਕ ਕੇ ਜਦ ਹੋ ਜਾਂਦੇ ਚੂਰ,

ਹੋਟਲ ਹੋਵੇ ਭਾਵੇਂ ਜਿੰਨੀ ਦੂਰ,

 ਖਾਕੀ ਟਾਨਿਕ ਪੀਣੈ ਹਰ ਤਾਣ,

ਬਣ ਗਈ ਏ ਅਜ ਚਾਹ ਪਰਧਾਨ |

ਬੁੱਢਿਆਂ ਦੀ ਨਾ ਆਖਾਂ ਕਾਈ,

ਪਰ ਜਦੋਂ ਪੜ੍ਹਾਕੂ ਕਰਨ ਪੜ੍ਹਾਈ,

ਜੇ ਮੰਮੀ ਨਹੀਂ ਚਾਹ ਲਿਆਈ,

ਨੀਂਦਰ ਘੇਰਾ ਪਾਂਦੀ ਆਣ,

ਬਣ ਗਈ ਏ ਅਜ ਚਾਹ ਪਰਧਾਨ |

ਅੰਗ੍ਰੇਜ਼ ਕਹਿਣ ਏ ਕੱਪ ਆਫ਼ ਟੀ,

ਇਥੇ ਜਾਂਦੇ ਲੋਕੀ ਗੜਵੇ ਪੀ,

ਇਹ ਦੇਖ ਤਮਾਸ਼ਾ ਕਦੀ ਕਦੀ,

ਲਗ ਪੈਂਦਾ ਹਾਂ ਦਿਲ ਵਿਚ ਗਾਣ,

ਬਣ ਗਈ ਏ ਅਜ ਚਾਹ ਪਰਧਾਨ |

........ਜਗਜੀਤ ਸਿੰਘ ਜੱਗੀ

ਬਹੁਤ ਖੂਬ ,,,,, ਚਾਹ ਦੀ ਤਾਲਾਬ  ਵੀ ਅਫੀਮ ਦੇ ਨਸ਼ੇ ਵਰਗੀ ਹੀ ਹੁੰਦੀ ਆ | ਜੋ ਚਾਹ ਪੀਣ ਦੇ ਆਦੀ ਨੇ ਓਹ ਇਹ ਗੱਲ ਬਾਖੂਬੀ ਸਮਝਦੇ ਨੇ | ਜਿਓੰਦੇ ਵੱਸਦੇ ਰਹੋ,,,

ਖਾਕੀ ਟਾਨਿਕ ........

ਖੂਬਸੂਰਤ ਰਚਨਾ......

ਕਲਾਸਿਕ ਸਾਬ ਦੇ ਕਲਾਸਿਕ (ਵਧੀਆ) ਬੋਰਡ ਤੇ ਲਿਖੇ AGREED ਲਈ ਧੰਨਵਾਦ ਜੀ |

                                                          ....... ਜਗਜੀਤ ਸਿੰਘ ਜੱਗੀ 

ਅੰਗ੍ਰੇਜ਼ ਕਹਿਣ ਵਨ ਕੱਪ ਆਫ਼ ਟੀ,

ਇਥੇ ਜਾਂਦੇ ਲੋਕੀ ਗੜਵੇ ਪੀ,

ਬਹੁਤ ਸਹੀ ਲਿਖਿਆ ਜੀ...ਸ਼ੁਕਰੀਆ ਸਾਂਝਿਆਂ ਕਰਨ ਲਈ

Eh vi bohat khubbb likhea hai,..........very right,.........eh sahitik rang vi wadhiya reha............!!

ਬਲਿਹਾਰ ਅਤੇ ਸੁਖਪਾਲ ਬਾਈ ਜੀ ਦੇ ਕਮ੍ਪ੍ਲੀਮੇੰਟ੍ਸ,

ਨਿਵਾਜਣ ਅਤੇ ਪਿਆਰ ਲਈ ਬਹੁਤ ਧੰਨਵਾਦ ਜੀ ! 

                                  ... ਜਗਜੀਤ ਸਿੰਘ ਜੱਗੀ

ਬਹੁਤ ਸਹੀ ਲਿਖਿਆ ਤੁਸੀਂ ਸਰ.......ਇਹ ਹੀ ਸੱਚਾਈ ਹੈ ਅੱਜ ਆਪਣੇ ਸਾਰਿਆਂ ਦੀ.....