ਮਚ ਗਿਆ ਕੁਝ ਇਸ ਤਰਾਂ ਕੁਹਰਾਮ ਤੇਰੇ ਸ਼ਹਰ ਵਿਚ ,
ਸ਼ਾਂਤੀ ਦਾ ਰਹਿ ਗਿਆ ਬਸ ਨਾਮ ਤੇਰੇ ਸ਼ਹਰ ਵਿਚ ।

ਗੁਰਦਵਾਰੇ ਤੇ ਸ਼ਿਵਾਲੇ ਜਦ ਬਣੇ ਬਰੂਦਘਰ ,
ਨਾ ਕਿਤੇ ਨਾਨਕ ਰਿਹਾ ਨਾ ਰਾਮ ਤੇਰੇ ਸ਼ਹਰ ਵਿਚ ।

ਹੋਰ ਸੀ ਜੋ ਕੱਚ ਦੇ ਟੁਕੜੇ ਖਿੰਡਾ ਕੇ ਤੁਰ ਗਿਆ ,
ਹੋ ਗਿਆ ਕੋਈ ਹੋਰ ਹੀ ਬਦਨਾਮ ਤੇਰੇ ਸ਼ਹਰ ਵਿਚ ।

ਇਟ, ਪਥਰ, ਲਾਠੀਆਂ ਤੇ ਗੋਲੀਆਂ ਸੰਗ ਲੋਕ ਕੁਛ ,
ਦੇ ਰਹੇ ਨੇ ਅਮਨ ਦਾ ਪੈਗਾਮ ਤੇਰੇ ਸ਼ਹਰ ਵਿਚ ।

ਆਪਣੀ ਆਪਣੀ ਲਾਸ਼ ਚੁਕੀ ਫਿਰ ਰਹੇ ਨੇ ਲੋਕ ਸਭ ,
ਹੋ ਗਈ ਹਰ ਆਤਮਾ ਨੀਲਾਮ ਤੇਰੇ ਸ਼ਹਰ ਵਿਚ ,

ਪੰਡਵਾਂ ਦਾ ਕੀ ਬਣੇਗਾ ? ਸੋਚਦਾ 'ਤਰਸੇਮ' ਹੈ ,
ਕੌਰਵਾਂ ਦੇ ਨਾਲ ਜਦ ਘਣਸ਼ਾਮ ਤੇਰੇ ਸ਼ਹਰ ਵਿਚ ।

              -------------ਡਾ. ਐਸ . ਤਰਸੇਮ

ਬਹੁਤ ਖ਼ੂਬ ਜੀ ...

ਵਧੀਆ ਜੀ......tfs......

Shukriya mandeep & J. 22 g..