"ਜਿਵੇਂ ਬਸੰਤ ਦੇ ਆਉਣ ਨੂੰ ਕਦੇ ਰੋਕਿਆ ਨਹੀਂ ਜਾ ਸਕਦਾ, ਉਸੇ ਤਰ੍ਹਾਂ ਲਹਿਰ ਕਦੇ ਕੁਚਲੀ ਨਹੀਂ ਜਾ ਸਕਦੀ।..............ਅੱਤਿਆਚਾਰੀ ਇਸਦਾ ਦਮਨ ਕਰਨਗੇ। ਵਿਸ਼ਵਾਸ਼ ਹੀਣੇ ਲੋਕ ਮਾਖੌਲ ਉਡਾਉਣਗੇ ਅਤੇ ਘਬਰਾਏ ਹੋਏ ਲੋਕ ਇਸਦੀ ਨਿਖੇਧੀ ਕਰਨਗੇ।"----
"ਇਨਕਲਾਬ ਨਿਸ਼ਚੇ ਹੀ ਬਿਨਾਂ ਸੋਚੀ ਸਮਝੀ, ਕਤਲਾਂ ਤੇ ਅੱਗਜਨੀ ਦੀ ਦਰਿੰਦਾ ਮੁਹਿੰਮ ਨਹੀਂ, ਇਨਕਲਾਬ ਕੋਈ ਮਾਯੂਸੀ 'ਚੋਂ ਪੈਦਾ ਹੋਇਆ ਫ਼ਲਸਫਾ ਵੀ ਨਹੀਂ ਅਤੇ ਨਾਂ ਹੀ ਸਰਫਰੋਸ਼ੀ ਦਾ ਕੋਈ ਸਿਧਾਂਤ ਹੈ। ਇਨਕਲਾਬ ਰੱਬ ਵਿਰੋਧੀ ਹੋ ਸਕਦਾ ਹੈ, ਪਰ ਮਨੁੱਖ ਵਿਰੋਧੀ ਨਹੀਂ। ਇਹ ਇੱਕ ਪੁਖਤਾ ਤੇ ਜ਼ਿੰਦਾ ਤਾਕਤ ਹੈ।"------
"ਇਨਕਲਾਬ ਦੀ ਸਭ ਤੋਂ ਵੱਡੀ ਗੱਲ ਇਹ ਹੋਵੇਗੀ ਕਿ ਇਹ ਮਜ਼ਦੂਰਾਂ ਤੇ ਕਿਸਾਨਾਂ ਦਾ ਰਾਜ ਕਾਇਮ ਕਰਕੇ ਉਹਨਾਂ ਸਭਨਾਂ ਅਣਚਾਹੇ ਤੱਤਾਂ ਨੂੰ ਖ਼ਤਮ ਕਰ ਦੇਵੇਗਾ, ਜਿਹੜੇ ਦੇਸ਼ ਦੀ ਰਾਜਨੀਤਿਕ ਤਾਕਤ ਹਥਿਆ ਕੇ ਬੈਠੇ ਹਨ।"-----
"ਭਾਰਤੀ ਗਣਰਾਜ ਦਾ ਮੂਲ ਸਿਧਾਂਤ ਆਮ ਵੋਟ ਅਧਿਕਾਰ ਅਤੇ ਲੁੱਟ 'ਤੇ ਆਧਾਰਤ, ਕੁੱਲ ਵਿਵਸਥਾਵਾਂ ਦੇ ਖਾਤਮੇ 'ਤੇ ਆਧਾਰਤ ਹੋਵੇਗਾ, ਜੋ ਮਨੁੱਖ ਹੱਥੋਂ ਮਨੁੱਖ ਦੀ ਲੁੱਟ ਨੂੰ ਸੰਭਵ ਬਣਾਉਂਦੀਆਂ ਹਨ."-----
"ਮਾਇਅਵਾਦ, ਕਿਸਮਤਵਾਦ, ਈਸ਼ਵਰਵਾਦ, ਆਦਿ ਨੂੰ ਮੈਂ ਚੰਦ ਕੁ ਲੋਟੂਆਂ ਵਲੋਂ ਸਾਧਾਰਣ ਜਨਤਾ ਨੂੰ ਭੁਚਲਾਉਣ ਲਈ ਖੋਜੀ ਗਈ ਜ਼ਹਿਰੀਲੀ ਘੁੱਟੀ ਤੋਂ ਵੱਧ ਕੁਝ ਨਹੀਂ ਸਮਝਦਾ...."-----
"ਮੈਂ ਪੁੱਛਦਾ ਹਾਂ ਕਿ ਸਰਵਸ਼ਕਤੀਮਾਨ ਹੋ ਕੇ ਵੀ ਤੁਹਾਡਾ ਰੱਬ, ਅਨਿਆਂ,ਅੱਤਿਆਚਾਰ,ਭੁੱਖ, ਗਰੀਬੀ, ਲੁੱਟ, ਨਾਬਰਾਬਰੀ,ਗੁਲਾਮੀ,ਮਹਾਂਮਾਰੀ,ਹਿੰਸਾ ਅਤੇ ਯੁੱਧ ਦਾ ਅੰਤ ਕਿਉਂ ਨਹੀਂ ਕਰਦਾ?"---
"ਜਦੋਂ ਅਸੀਂ ਇਨਕਲਾਬ ਦੀ ਗੱਲ ਕਰਦੇ ਹਾਂ ਤਾਂ ਉਸ ਵਿੱਚ ਮੌਜੂਦਾ ਹਾਲਤ ਭਾਵ ਸਰਕਾਰ ਨੂੰ ਪੂਰੀ ਤਰ੍ਹਾਂ ਢਹਿ-ਢੇਰੀ ਕਰਨ ਤੋਂ ਬਾਅਦ ਸਮਾਜ 'ਚ ਵਿਉਂਤਬੱਧ ਪੁਨਰ-ਗਠਨ ਦੀ ਗੱਲ ਸ਼ਾਮਲ ਹੈ।"------
ਸ਼ਹੀਦ ਭਗਤ ਸਿੰਘ(ਜਨਮ28 ਸਤੰਬਰ 1907)