ਕਈ-੨ ਵਾਰ ਆਪਣੇ ਇਕੱਲੇਪਣ ਨਾਲ ਗੱਲ ਕੀਤੀ ਹੈ ਮੈਂ,
ਤੂੰ ਕੀ ਜਾਣੇ
ਕਿੱਦਾਂ ਤੇ ਕਿੰਨੀ ਵਾਰ ਆਪਣੀ ਲੰਗਾਰ ਹੋਈ ਸੋਚ ਸੀਤੀ ਹੈ ਮੈਂ,
ਤੈਨੂੰ ਤੇ ਕੋਈ ਖਬਰ ਵੀ ਨਹੀਂ ਹੋਣੀ
ਇਹ ਨੈਣਾਂ ਦਾ ਜੋੜਾ ਕਿੰਨੀ ਵਾਰ ਰੋਇਆ ਹੈ,
ਕੁਝ ਪਤਾ ਹੈ ਕਿੰਨੀ ਵਾਰ ਕਿੱਥੇ-੨ ਬੈਠ ਕੇ
ਮੈਂ ਇਹ ਹੌਕਿਆਂ ਦਾ ਹਾਰ ਪਰੋਇਆ ਹੈ,
ਕਦੇ ਸੋਚਿਆ ਹੈ ਇਕੱਲੇਪਣ ਦਾ ਇਹ ਬੋਝ
ਢੋਣਾ ਕਿੰਨਾ ਔਖਾ ਹੈ,
ਤੈਨੂੰ ਤੇ ਮਿਲ ਗਏ ਗੈਰਾਂ ਦੇ ਮੋਢੇ,
ਕਦੇ ਸੋਚਿਆ ਆਪੇ ਆਪਣੇ ਹੰਝੂ ਪੂੰਝਣੇ
ਤੇ ਆਪੇ ਰੋਣਾ ਕਿੰਨਾ ਔਖਾ ਹੈ,,..
ਪਰ ਆ ਦੇਖ ਬੇਸ਼ੱਕ ਇਕੱਲਾ ਰਿਹਾਂ ਮੈਂ
ਪਰ ਇਸ ਇਕੱਲੇਪਣ ਦੀ ਧੁੰਦ ਵਿੱਚ ਮੈਂ ਆਪਣਾ ਵਜੂਦ ਨਹੀਂ ਗਵਾਇਆ,
ਅੱਥਰੂ ਵਹਾ ਲਏ ਇਕੱਲੇ ਲੁਕ ਕੇ ਬਰਾੜ
ਪਰ ਅੱਜ ਤੱਕ ਤੇਰੇ ਨਾਮ ਨੂੰ ਵੱਟਾ ਨਹੀਂ ਲਾਇਆ ਮੈਂ,,,