ਤੇਰੇ ਬਿਨਾਂ ਸ਼ਾਇਦ ਗੁਜ਼ਰ ਜਾਂਦੀ ਜ਼ਿੰਦਗੀ,
ਪਰ ਤੇਰੇ ਮੇਰੇ ਰਿਸ਼ਤੇ ਦੇ ਹਿਸਾਬ ਨੇ ਖਾ ਲਿਆ,
ਬਰਾੜ ਦੇ ਹੱਡੀਂ ਬਹਿ ਗਿਆ ਇੱਕ ਤੇਰਾ ਗਮ,
ਲੋਕੀਂ ਭੋਲੇ ਕਹਿੰਦੇ ਨੇ ਸ਼ਰਾਬ ਨੇ ਖਾ ਲਿਆ,.
ਮੇਰੀ ਮੌਤ ਦਾ ਤਮਾਸ਼ਾ ਯਾਰਾ ਤੂੰ ਵੀ ਦੇਖਣ ਆਈਂ,
ਬੱਸ ਇੱਕੋ ਇੰਤਿਜਾ ਏ ਕਿ ਹੰਝੂ ਨਾ ਕੋਈ ਵਹਾਈਂ,.
ਤੇਰੇ ਨਾਲ ਜੀਵਿਆ ਹਾਂ ਤੇਰੇ ਬਿਨ ਮਰ ਗਿਆ ਮੈਂ,
ਮੂੰਹ ਬੰਦ ਹੀ ਰਿਹਾ ਏ ਨਾ ਸੋਚੀਂ ਬਦਨਾਮ ਕਰ ਗਿਆ ਮੈਂ,
ਮੇਰੀ ਕਬਰ ਤੇ ਆ ਕੇ ਤੂੰ ਨਾ ਕਿੱਸਾ ਕੋਈ ਸੁਣਾਈਂ,
ਮੇਰੀ ਮੌਤ ਦਾ ਤਮਾਸ਼ਾ ਯਾਰਾ ਤੂੰ ਵੀ ਦੇਖਣ ਆਈਂ,
ਬੱਸ ਇੱਕੋ ਇੰਤਿਜਾ ਏ ਕਿ ਹੰਝੂ ਨਾ ਕੋਈ ਵਹਾਈਂ
ਵਫ਼ਾ ਦੀ ਉਮੀਦ ਤੈਥੋਂ ਮੈਂ ਤੇ ਰੱਖੀ ਨਹੀਂ ਸੀ,
ਪਰ ਜਿੰਨੀ ਛੇਤੀ ਤੂੰ ਤੋੜ ਦਿੱਤੀ ਤੰਦ ਐਡੀ ਕੱਚੀ ਨਹੀਂ ਸੀ,
ਹੁਣ ਮੇਰੇ ਮੋਹ ਵਫ਼ਾ ਦੀ ਸੱਜਣਾ ਨਾ ਬਾਤ ਕੋਈ ਪਾਈਂ,
ਮੇਰੀ ਮੌਤ ਦਾ ਤਮਾਸ਼ਾ ਯਾਰਾ ਤੂੰ ਵੀ ਦੇਖਣ ਆਈਂ,
ਬੱਸ ਇੱਕੋ ਇੰਤਿਜਾ ਏ ਕਿ ਹੰਝੂ ਨਾ ਕੋਈ ਵਹਾਈਂ
ਤੇਰੇ ਕਰੀਬ ਆਉਣਾ ਮੇਰਾ ਸਭ ਤੋਂ ਵੱਡਾ ਗੁਨਾਹ ਸੀ,
ਮੈਂ ਹੀ ਸਾਂ ਇੱਕ ਬੁੱਧੂ ਤੈਨੂੰ ਤੇ ਸਭ ਪਤਾ ਸੀ,
ਟੁੱਟਣਾ ਸੀ ਟੁੱਟ ਗਿਆ ਮੈਂ ਜਾਣ ਇਸ ਰਿਸ਼ਤੇ ਦੀ ਸੱਚਾਈ,
ਮੇਰੀ ਮੌਤ ਦਾ ਤਮਾਸ਼ਾ ਯਾਰਾ ਤੂੰ ਵੀ ਦੇਖਣ ਆਈਂ,
ਬੱਸ ਇੱਕੋ ਇੰਤਿਜਾ ਏ ਕਿ ਹੰਝੂ ਨਾ ਕੋਈ ਵਹਾਈਂ
ਤੇਰੇ ਤੋਂ ਆਸ ਰੱਖੀ ਮੇਰੀ ਸੀ ਬਦਨਸੀਬੀ,
ਲੈ ਬੈਠੀ ਬਰਾੜ ਤਾਈਂ ਰੂਹਾਂ ਦੀ ਇਹ ਗਰੀਬੀ,
ਮੇਰੀ ਆਖਿਰੀ ਇੱਛਾ ਏ ਰਹੇਂ ਵਸਦਾ ਤੂੰ ਚਾਈਂ-ਚਾਈਂ,
ਮੇਰੀ ਮੌਤ ਦਾ ਤਮਾਸ਼ਾ ਯਾਰਾ ਤੂੰ ਵੀ ਦੇਖਣ ਆਈਂ,
ਬੱਸ ਇੱਕੋ ਇੰਤਿਜਾ ਏ ਕਿ ਹੰਝੂ ਨਾ ਕੋਈ ਵਹਾਈਂ