ਕੋਈ ਮੁਸਲਮਾਨ ਕੋਈ ਹਿੰਦੂ ਕੋਈ ਸਿਖ ਇਸਾਈ ਏ,
ਧਰਮ ਦੇ ਠੇਕੇਦਾਰੋ ਕਿਓ ਤੁਸੀਂ ਅੱਗ ਮਚਾਈ ਏ,
ਬੜੇ ਚਿਰਾਂ ਤੋਂ ਫਿਰਦਾ ਸੀ ਮੈਨੂੰ ਅੱਜ ਤਾਂ ਕਹਿਣ ਦਿਓ,
ਮੈਂ ਹੋਰ ਨਹੀਂ ਕੁਝ ਬਣਨਾ ਓਏ ਮੈਨੂੰ ਬੰਦਾ ਹੀ ਰਹਿਣ ਦਿਓ |
ਰੰਗ ਖੂਨ ਦਾ ਇੱਕੋ ਹੀ ਏ ਤੁਸੀਂ ਕੱਡ ਕੇ ਦੇਖ ਲਿਆ,
ਇੱਕ ਦੂਜੇ ਨੂੰ ਕਈ ਵਾਰੀ ਤੁਸੀਂ ਵੱਡ ਕੇ ਵੇਖ ਲਿਆ ,
ਮੇਰਾ ਬਣਿਆ ਪਿਆਰ ਗੁਆਂਡੀ ਦੇ ਨਾਲ ਓਏ ਬਣਿਆ ਹੀ ਰਹਿਣ ਦਿਓ,
ਮੈਂ ਹੋਰ ਨਹੀਂ ਕੁਝ ਬਣਨਾ ਓਏ ਮੈਨੂੰ ਬੰਦਾ ਹੀ ਰਹਿਣ ਦਿਓ |
ਨਹੀਂ ਝਗੜਾ ਮੰਦਰ , ਮਸਜਿਦ ਦਾ ਬਾਸ ਝਗੜਾ ਵੋਟਾਂ ਦਾ ,
ਇੱਕ ਕੁਰਸੀ ਦੀ ਖਾਤਿਰ ਘਾਣ ਕਿਓਂ ਕਰਦੇ ਲੋਕਾਂ ਦਾ ,
ਨਾਂ ਕਰਵਾਓ ਦੰਗੇ ਮੈਨੂੰ ਟਿੱਕ ਕੇ ਬਹਿਣ ਦਿਓ,
ਮੈਂ ਹੋਰ ਨਹੀਂ ਕੁਝ ਬਣਨਾ ਓਏ ਮੈਨੂੰ ਬੰਦਾ ਹੀ ਰਹਿਣ ਦਿਓ |
ਇੱਕ ਧਰਮ ਨੇ ਦੂਜੇ ਨੂੰ ਜਦ ਮਰਜੀ ਭੰਡ ਲਿਆ,
ਮੁਲਕ, ਜਮੀਨਾਂ ਵੰਡੇ ਅਸੀਂ ਇਹਨਾ ਰੱਬ ਵੀ ਵੰਡ ਲਿਆ,
ਕੋਈ ਰਾਮ ਕਹੇ ਕੋਈ ਅੱਲਾ ਜੋ ਕਹਿੰਦਾ ਕਹਿਣ ਦਿਓ,
ਮੈਂ ਹੋਰ ਨਹੀਂ ਕੁਝ ਬਣਨਾ ਓਏ ਮੈਨੂੰ ਬੰਦਾ ਹੀ ਰਹਿਣ ਦਿਓ |
ਗਿੱਲ ਹਰਦੀਪ